ವಕೀಲೆರೆನ ದಿನಾಚರಣೆ.

ವಕೀಲೆರೆನ  ದಿನಾಚರಣೆ

ಭಾರತೊಡ್  ಡಿ 3 ತಾರೀಕುಗ್  ವಕೀಲೆರೆನ  ದಿನೊನ್ ಆಚರಣೆ ಮಲ್ಪುವೆರ್. ವಕೀಲೆರು ಸ್ವತಂತ್ರ ವೃತ್ತಿಗ್ ಸೇರಿನಕುಲು ಅಕುಲು  ಬೇತೆಕ್ಲೆಗ್ ಅಧೀನರಾದುಜ್ಜೆರ್. ವಕೀಲೆರು ಮಾತಾ  ವರ್ಗದ  ಜನಕ್ಲೆನ  ಸಾಮಾಜಿಕ ಬೊಕ್ಕ ವೈಯುಕ್ತಿಕ ಸಮಸ್ಯೆಲೆನ್  ಎದುರಿಸಾವೊಡಾಪುಂಡ್.
ಅಂಚಾದ್  ಇಡೀ ರಾಷ್ಟ್ರ  ಪ್ರತೀ ವರ್ಷ ಡಿಸೆಂಬರ್ 3 ತಾರೀಕುಗ್ ವಕೀಲೆರೆನ  ದಿನೊನ್  ಆಚರಣೆ ಮಲ್ಪುಂಡ್.

ವಿಶೇಷವಾದ್ ಈ ದಿನ ಭಾರತದ ಶ್ರೇಷ್ಠ ವಕೀಲೆರಾಯಿನ  ಭಾರತದ ಸುರುತ್ತ  ರಾಷ್ಟ್ರಪತಿ ಡಾ. ರಾಜೇಂದ್ರ ಪ್ರಸಾದ್ ಅರೆನ  ಪುಟ್ಟುದಿನ ದಿನೊ.

1884 ಡಿಸೆಂಬರ್ 3 ತಾರೀಕುಗ್ ಪುಟ್ಟುದಿನ ಅರೆನ ವೃತ್ತಿ ಜೀವನ  ನಂಬಲಾವರೆಂದಿನಾತ್ ಪ್ರಭಾವಶಾಲಿಯಾದಿತ್ತುಂಡ್.
ಸ್ವಾತಂತ್ರ್ಯ ಕಾರ್ಯಕರ್ತ, ವಕೀಲ, ವಿದ್ವಾಂಸ ಬೊಕ್ಕ ಸುರುತ್ತ  ರಾಷ್ಟ್ರಪತಿ ಯಾದಿತ್ತೆರು. 1946 ಡ್ದ್  1950  ಮುಟ್ಟ  ಅಧಿಕಾರಡಿತ್ತೆರು.

ಮಹಾತ್ಮಗಾಂಧೀಜಿನ  ಬೆಂಬಲಿಗರಾದಿತ್ತಿನ ಮೇರು 1931 ತ್ತ  ಉಪ್ಪಿನ ಸತ್ಯಾಗ್ರಹ, 1942 ತ್ತ  ಕ್ವಿಟ್ ಇಂಡಿಯಾ ಪೊರಂಬಾಟದ ಪೊರ್ತುಡ್  ಬ್ರಿಟಿಷ್ ಅಧಿಕಾರಿಲೆಡ್ದ್  ಕರ್ಪಿಲ್  ಪಾಲಾದಿತ್ತೆರು.

ಸ್ವಾತಂತ್ರ್ಯ ಬೊಕ್ಕ 1947 ಡ್  ಭಾರತ ಸಂವಿಧಾನ ಸಭೆತ್ತ  ಗುರ್ಕಾರೆರಾದ್  ಆಯ್ಕೆಯಾತೆರು.

ಎಡ್ಡೆ  ಬರಹಗಾರೆರಾದಿತ್ತಿನ  ಮೇರು 1920 ತ್ತ ಆರಂಭಡ್ ಹಿಂದಿ ವಾರಪತ್ರಿಕೆ ದೇಶ್  ಬೊಕ್ಕ ಇಂಗ್ಲಿಷ್ ಪಾಕ್ಷಿಕ ಸರ್ಚ್ ಲೈಟ್ ದ ಸಂಪಾದಕೆರಾದಿತ್ತೆರು.

1962ಟ್ ಸಾರ್ವಜನಿಕ ಬದುಕುಡ್ದ್  ನಿವೃತ್ತೆರಾಯಿನೇಡ್ ಬೊಕ್ಕ ಭಾರತ ರತ್ನ ಪ್ರಶಸ್ತಿಗ್  ಭಾಜನರಾಯೆರ್.

ಪಾಟ್ನಾದ ಸದಾಕತ್ ಆಶ್ರಮಡ್ ಅರೆನ ಅಕೇರಿದ ದಿನೊಕ್ಲೆನ್  ಕಳೆಯಿನೇಡ್  ಬೊಕ್ಕ ಫೆಬ್ರವರಿ 28,1963 ಗ್ ಈ ಲೋಕ ಬುಡ್ದ್ ಪರಲೋಕ ಸಂದಿಯೆರು.

ಕಾನೂನುಡ್ ಡಾಕ್ಟರೇಟ್ ಪದವಿ ಪಡೆಯಿನ ,  ಭಾರತದ ಸುರುತ ರಾಷ್ಟ್ರಪತಿಯಾದಿತ್ತಾನ  ಡಾ | ರಾಜೇಂದ್ರ ಪ್ರಸಾದ್ ಮೆರೆನ  ಪುಟ್ಟು  ದಿನ ಡಿ. 3 ಗ್ ವಕೀಲೆರೆನ  ದಿನ ಪಂಡುದ್  ಆಚರಣೆ ಮಲ್ಪವಾ.

✍️ ಜಯರಾಂ ಅಂಬೆಕಲ್ಲು ಉಡುಪಿ.