ರಾಜ್ಯ ಸರ್ಕಾರ , ರಾಜ್ಯದ ಮಾತಾ ಮಹಿಳೆಯೆರೆಗ್ (ಶಾಲಾ-ಕಾಲೇಜು ವಿದ್ಯಾರ್ಥಿನಿಯೆರು ಬೊಕ್ಕ ತೃತೀಯ ಲಿಂಗಿಗಳು) ಸೇರ್ದ್ ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮದ ನಗರ ಸಾರಿಗೆ, ಸಾಮಾನ್ಯ ಸಾರಿಗೆ ಬೊಕ್ಕ ವೇಗದೂತ ಬಸ್ಸುಲೆಡ್ ಕರ್ನಾಟಕ ರಾಜ್ಯಾದ್ಯಂತ ಉಚಿತವಾದ್ ಪ್ರಯಾಣ ಮಲ್ಪುನ ಸೌಲಭ್ಯನ್ “ಶಕ್ತಿ ಯೋಜನೆ” ಯಡಿ ರೂಪಿಸಾದಿತ್ತುದ್ , ಮುಖ್ಯ ಮಂತ್ರಿ ಜೂನ್ 11 ತಾರೀಕುಗ್ ಕಾಂಡೆ 11 ಗಂಟೆಗೆ ವಿಧಾನಸೌಧ ಬೆಂಗಳೂರುಡ್ ಶಕ್ತಿ ಯೋಜನೆನ್ ಲೋಕಾರ್ಪಣೆ ಮಲ್ಪರೆಗುಲ್ಲೆರ್.
ಸದರಿ ಯೋಜನೆನ್ ಜಿಲ್ಲೆ/ತಾಲೂಕುಲೆಡ್ ಲಾ ಲೋಕಾರ್ಪಣೆ ಮಲ್ತೊಂದಿತ್ತುದ್, ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮ ಮಂಗಳೂರು ವಿಭಾಗದ ವ್ಯಾಪ್ತಿಡ್ ಬರ್ಪಿನ ದಕ್ಷಿಣ ಕನ್ನಡ ಜಿಲ್ಲೆದ ನಿಗಮದ ಮಂಗಳೂರು ಬಸ್ಸು ನಿಲ್ದಾಣ ಬೊಕ್ಕ ಉಡುಪಿ ಜಿಲ್ಲೆದ ನಿಗಮದ ಡಾ|| ವಿ ಎಸ್ ಆಚಾರ್ಯ ಬಸ್ಸು ನಿಲ್ದಾಣ, ಬನ್ನಂಜೆ ಉಡುಪಿ ಬೊಕ್ಕ ತಾಲೂಕು ವ್ಯಾಪ್ತಿಡ್ ಬರ್ಪಿನ ನಿಗಮದ ಕುಂದಾಪುರ ಬಸ್ಸು ನಿಲ್ದಾಣಲೆಡ್ ಜೂನ್ 11 ಗ್ ಮಧ್ಯಾಹ್ನ 12:30 ಗಂಟೆಗ್ ಸದರಿ ಕಾರ್ಯಕ್ರಮಗ್ ಚಾಲನೆ ಕೊರ್ಪೆರ್.
ಜಿಲ್ಲಾ ಮಟ್ಟಡ್ ನಡಪುನ ಸದರಿ ಕಾರ್ಯಕ್ರಮನ್ ಜಿಲ್ಲಾ ಉಸ್ತುವಾರಿ ಸಚಿವೆರು ಉದ್ಘಾಟನೆ ಮಲ್ಪರೆಗಿತ್ತುದ್ ,ಸ್ಥಳೀಯ ವಿಧಾನಸಭಾ ಸದಸ್ಯೆರು, ವಿಧಾನ ಪರಿಷತ್ ಸದಸ್ಯೆರು ಬೊಕ್ಕ ಚುನಾಯಿತ ಜನ ಪ್ರತಿನಿಧಿಕುಲು ಪಾಲ್ ಪಡೆಯರೆಗುಲ್ಲೆರ್.
ತಾಲೂಕು ಮಟ್ಟಡ್ ನಡಪುನ ಸದರಿ ಕಾರ್ಯಕ್ರಮಡ್ ಸ್ಥಳೀಯ ವಿಧಾನಸಭಾ ಸದಸ್ಯೆರು, ವಿಧಾನ ಪರಿಷತ್ ಸದಸ್ಯೆರು ಬೊಕ್ಕ ಚುನಾಯಿತ ಜನ ಪ್ರತಿನಿಧಿಲು ಭಾಗವಹಿಸುವೆರ್ ಪಂಡುದು ಕ.ರಾ.ರ.ಸಾ.ನಿ.ಮಂಗಳೂರು ವಿಭಾಗದ ಪ್ರಕಟಣೆ ತೆರಿಪಾದುಂಡ್.
by 