ಕುದ್ರೋಳಿ ಗಣೇಶ್ ಜಾದೂ ಪ್ರದರ್ಶನ.

ಉಡುಪಿಡ್ ನಡತೊಂದುಪ್ಪುನ ಪುತ್ತಿಗೆ ಪರ್ಯಾಯ ಮಹೋತ್ಸವದ ಸಾಂಸ್ಕ್ರತಿಕ ಸಪ್ತೋತ್ಸವದ ಸಮಾರೋಪಡ್ ಇಂಡಿಯಾಸ್ ಗಾಟ್ ಟ್ಯಾಲೆಂಟ್ ಫೈನಲಿಸ್ಟ್, ಸಚಿವರೆನೇ ಮಾಯ ಮಲ್ದಿನ ಖ್ಯಾತಿದ ಅಂತರಾಷ್ಟ್ರೀಯ ಜಾದೂಗಾರೆ ಕುದ್ರೋಳಿ ಗಣೇಶ್ ಬೊಕ್ಕ ಬಳಗದಕ್ಲೆಡ್ದ್ ವಿಸ್ಮಯ ಜಾದೂ ಪ್ರದರ್ಶನ ಆವರೆಗುಂಡ್.
ಜನವರಿ 24 ಬುಧವಾರದಾನಿ ರಾತ್ರೆಗ್ 7.30 ಗಂಟೆಗ್ ಶ್ರೀ ಕ್ರಷ್ಣ ಮಠದ ರಾಜಾಂಗಣಡ್ ಜಾದೂ, ಜಾನಪದ, ರಂಗಭೂಮಿ ಬೊಕ್ಕ ಸಂಗೀತ ಸಮ್ಮಿಲನದ ವಿಸ್ಮಯ ಜಾದೂ ವಿನೂತನ ಜಾದೂ ತಂತ್ರದೊಟ್ಟುಗ್ ಪ್ರೇಕ್ಷಕೆರೆನ್ ರಂಜಿಸಾವರೆಗುಂಡ್.
ಇಂಡಿಯಾಸ್ ಗಾಟ್ ಟ್ಯಾಲೆಂಟ್ ರಿಯಾಲಿಟಿ ಶೋ ಮೂಲಕ ವಿಶ್ವದಾದ್ಯಂತ ಪ್ರಸಿದ್ದಿಯಾತಿನ ತುಳುನಾಡುದ ಭೂತಾರಾಧನೆದ ಅಂಶ ಇತ್ತಿನ ಯಕ್ಷಿಣಿ, ಸುಪ್ತ ಮನಸ್ಸುದ ಚಮತ್ಕಾರ, ನವರಸಪೂರ್ಣ ಜಾದೂ, ಸಮಕಾಲೀನ ಬೊಕ್ಕ ಆಧುನಿಕ ಮ್ಯಾಜಿಕ್ ಇಲ್ಯೂಷನ್ ಸಂಗಮದ ಕಾರ್ಯಕ್ರಮ ಪುತ್ತಿಗೆ ಪರ್ಯಾಯಗಾದ್ ವಿಶೇಷವಾದ್ ತಯಾರಾತುಂಡ್ ಪಂಡುದು ಪತ್ರಿಕಾ ಪ್ರಕಟಣೆಡ್ ತೆರಿಪಾದುಂಡ್.