ಮಾಣಿ- ಮೈಸೂರು ರಾಷ್ಟ್ರೀಯ ಸಾದಿಡ್ ಮಂಗಳೂರು – ಮಡಿಕೇರಿ -ಮೈಸೂರು ನ್ ಸಂಪರ್ಕ ಮಲ್ಪುನ ಪ್ರಮುಖ ಸಾದಿ. ಕರಿನ ಕೆಲವು ಸರ್ತಿ ಕೊಡಗು ಜಿಲ್ಲೆಡ್ ತೀವ್ರವಾಯಿನ ಬರ್ಸೊಡಾದ್ ಗುಡ್ಡೆ ಬೂರ್ದ್ , ಬೊಕ್ಕ ರಸ್ತೆ ಕುಸಿತ ಆದ್ ಅವ್ವೇತೊ ಜನ ಜೇವ, ಇಲ್ಲ್ ಕಳೆಯೊಂದ್ , ಪುನರ್ವಸತಿ ಕೇಂದ್ರಡ್ ವಾಸ ಆದುಪ್ಪುನ ನಿಜ ಘಟನೆ. ಅದಗ ಸಂಪಾಜೆ ಘಾಟಿ ಕುಸಿತ ಆದ್ ಸುಮಾರು ತಿಂಗೊಲು ಕಾಲ ಸ್ತಬ್ದ ಆತುಂಡ್. ಉಂದೆಟಾದ್ ಪ್ರಮುಖ ಪ್ರವಾಸಿ ಕೇಂದ್ರವಾಯಿನ ಕೊಡಗು ಬೊಕ್ಕ ಮೈಸೂರುಗ್ ಪೋಪಿನ ಪ್ರವಾಸಿಲು ಪರದಾಟ ಮಲ್ದಿನವ್ ತೆರಿದನ ವಿಚಾರ.
ಇತ್ತೆ ಕುಡ ಬರ್ಸದ ಆರ್ಭಟ ಸುರುವಾತುಂಡ್.. ಮಡಿಕೇರಿ ರಸ್ತೆದ ಸಂಪಾಜೆ- ಕೊಯಾನಾಡು ಮದ್ಯೆ ರಸ್ತೆ ಕುಸಿತ ಆತುಂಡ್. ಈ ಕೂಡಲೇ ಸರಕಾರ ಕ್ರಮ ದೆತೊನುಜಿಡ ಕುಡೊರ ಮಡಿಕೇರಿ ಸಂಪರ್ಕ ಕಳೆಯೊನೊಡಾಪುಂಡ್. ಅಂಚಾದ್ ಜನಕುಲ್ ಬೊಕ್ಕ ಪ್ರವಾಸಿಲೆನ ಹಿತದ್ರಿಷ್ಟಿಡಾದ್ ಕೂಡಲೇ ಸರಕಾರ ಸಂಪಾಜೆ ಘಾಟಿದಂಚಿ ಗಮನ ಕೊರೊಡುಂದ್ ಶ್ರೀರಾಮಸೇನೆದ ಉಡುಪಿ ಜಿಲ್ಲಾಧ್ಯಕ್ಷ ಬೊಕ್ಕ ರಾಜ್ಯ ಮುಖಂಡ, ಮೂಲತ ಸಂಪಾಜೆದಾರಾಯಿನ ಜಯರಾಂ ಅಂಬೆಕಲ್ಲು ಸರಕಾರೊಗ್ ಅಗ್ರಹ ಮಲ್ದೆರ್..
by 