ಶಬರಿಮಲೆ ಯಾತ್ರಿಕೆರೆಗ್ ನಿಷೇಧ

ನಡತೊಂದ್  ಬರ್ಪಿನ ಶಬರಿಮಲೆ ಯಾತ್ರಿಕೆರೆಗ್ ನಿಷೇದ..!

ಫೆಂಗಲ್ ಚಂಡಮಾರುತದ ಪರಿಣಾಮ ಕೇರಳಡ್  ಭಾರಿ ಬರ್ಸ ಬರೊಂದುಪ್ಪುನ ನಿಟ್ಟುಡ್  , ಮುಂಜಾಗೃತ ಕ್ರಮವಾದ್ ಶಬರಿಮಲೆಕ್  ಕಾಡುದ ಸಾದಿದ ಮೂಲಕ ನಡತೊಂದ್  ಬರ್ಪಿನ  ಯಾತ್ರಿಕೆರೆಗ್ ನಿಷೇದ ಮಲ್ದೆರ್.

ಕರಿಮಲೆ, ಫುಲ್ಲುಮೇಡು ಸಾದಿಡ್  ಸಂಚಾರ ಮಲ್ಪಂದಿನಂಚ  ಆಜ್ಞೆ ಮಲ್ದೆರ್. ಭೂಕುಸಿತ ಸಾಧ್ಯತೆ ಹಿನ್ನಲೆಡ್  ಅರಣ್ಯ ಮಾರ್ಗೊನ್  ತಾತ್ಕಾಲಿಕವಾದ್ ಬಂದ್ ಮಲ್ದೆರ್.

ನಡತೊಂದ್ ಪೋಪಿನ ಯಾತ್ರಿಕೆರು ನೀಲಕ್ಕಲ್ -ಪಂಪಾ ಮೂಲಕ ಶಬರಿಮಲೆಕ್  ಪೋಪಿನಂಚ ಸೂಚನೆ ಕೊರ್ತೆರ್. ಅರಣ್ಯ ಮೂಲಕ ಬತ್ತಿನ  ಭಕ್ತರೆನ್  ವಿಶೇಷ KSRTC ಬಸ್ ಮೂಲಕ ಪಂಪಾ ಗ್  ಕಡಪುಡುದೆರ್.