ಆ. 1ರ್ದ್ ಸೆ.1 ಮುಟ ಶ್ರೀ ಕೃಷ್ಣ ಮಾಸೋತ್ಸವ : ಪುತ್ತಿಗೆ ಶ್ರೀ
ಒಡಿಪು : ಜುಲೈ 30: ಒಡಿಪು ಶ್ರೀಕಷ್ಣ ಮಠಟ್ ಕೃಷ್ಣ ಜನ್ಮಾಷ್ಟಮಿನ್ ಈ ಸಲ ಬಾರಿ ಗೌಜಿಡ್ ಆಚರಣೆ ಮಲ್ಪರೆ ನಿರ್ಧಾರ ಮಲ್ದೆರ್ , ಆ.1ರ್ದ್ ಸೆ.1 ಮುಟ ಒಂಜಿ ತಿಂಗೊಲ್ ದ ಪರ್ಯಂತ ಶ್ರೀಕೃಷ್ಣ ಮಾಸೋತ್ಸವ, ಕೃಷ್ಣಜನ್ಮಾಷ್ಟಮಿ ಶ್ರೀಕಷ್ಣ್ಣ ಲೀಲೋತ್ಸವ, ಲಡ್ಡೋತ್ಸವ, ಸಾಮೂಹಿಕ ಡೋಲೋತ್ಸವ ನಡಪೆರೆ ಉಂಡು ಪಂದ್ ಪರ್ಯಾಯ ಶ್ರೀ ಪುತ್ತಿಗೆ ಮಠದ ಶ್ರೀ ಸುಗುಣೇಂದ್ರ ತೀರ್ಥ ಸ್ವಾಮೀಜಿ ಪಂಡೆರ್ .
ಒಡಿಪು ಕೃಷ್ಣ ಮಠಟ್ ಲೆತ್ತಿನ ಸುದ್ದಿಗೋಷ್ಠಿಡ್ ಪಾತೆರಿನ ಆರ್ , ಈ ಸಲ ವಿಶೇಷವಾದ್ ಲಡ್ಡೋಚ್ಚಯಡ್ 108 ಬಗೆತ ಲಾಡ್ ತಯಾರ್ ಮಲ್ತ್ ಭಕ್ತೆರೆಗ್ ಕೊರ್ಪೆರ್ . ಜನ್ಮಾಷ್ಟಮಿಗ್ ಬೇತೆ ಬೇತೆ ತರದ ಲಾಡ್ , ಚಕ್ಕುಲಿ ಮಲ್ಪುನು ಸಂಪ್ರದಾಯ. ಕಾಲಕ್ರಮೇಣ ಈ ಸಂಪ್ರದಾಯ ಕ್ಷೀಣಿಸಾದ್ ಪೋತುಂಡು . ಈ ಗೌಜಿನ್ ಕುಡೊರ ಪಿರ ಕನಪಿನ ನೆಲೆಟ್ಟ್ ಪರ ಕಾಲದ ಬೇತೆ ಬೇತೆ ಬಗೆತ ಲಾಡ್ ಕೃಷ್ಣಗ್ ಸಮರ್ಪಣೆ ಮಲ್ಪುವ ಪಂದ್ ಪಂಡೆರ್ .
ಸುದ್ದಿಗೋಷ್ಠಿಡ್ ಮಠದ ದಿವಾನೆರಾಯಿನ ನಾಗರಾಜ ಆಚಾರ್ಯ, ಕಾರ್ಯದರ್ಶಿ ಪ್ರಸನ್ನ ಆಚಾರ್ಯ, ರಮೇಶ್ ಭಟ್, ರವೀಂದ್ರ ಆಚಾರ್ಯ ಪಾಲ್ ಪಡೆದಿತ್ತೆರ್ .
by 