ಪುತ್ತಿಗೆ ಪರ್ಯಾಯ ಪೂರ್ವಭಾವಿ ಧಾನ್ಯ ಮುಹೂರ್ತ ವೈಭವ

ಉಡುಪಿದ ಅಷ್ಟಮಠಡ್ ಒಂಜಾಯಿನ ಪುತ್ತಿಗೆ ಮಠದ ಶ್ರೀಸುಗುಣೇಂದ್ರತೀರ್ಥ ಶ್ರೀಪಾದೆರು ಶ್ರೀಕೃಷ್ಣ ಪೂಜೆದ ದ್ವೈವಾರ್ಷಿಕ ಪರ್ಯಾಯ ನಿಟ್ಟುಡ್ ನಾಲನೇ ಸರ್ತಿಗ್ ೨೦೨೪, ಜ.೧೮ಗ್ ಸರ್ವಜ್ಞ ಪೀಠ ಏರರೆಗಿತ್ತುದ್ ಪರ್ಯಾಯ ಪೂರ್ವಭಾವಿ ನಾಲನೇ ಬೊಕ್ಕ ಕಡೇತ್ತ ಧಾನ್ಯ ಮುಹೂರ್ತ ಬುಧವಾರ ನೆರವೇರುಂಡ್.

ಇದಮುಟ್ಟ ಬಾಳೆ, ಅಕ್ಕಿ, ಕಟ್ಟಿಗೆ ಮುಹೂರ್ತ ಪೂರೈಸಿದಿತ್ತುದ್ ತೀರ್ಥ ಕ್ಷೇತ್ರ ಸಂಚಾರಡ್ ಬೊಕ್ಕ ಜ.೮ತಾರೀಕುಗ್ ತಮ್ಮ ಶಿಷ್ಯ‌ ಶ್ರೀಸುಶ್ರೀಂದ್ರತೀರ್ಥೆರೆನೊಟ್ಟುಗ್ ಸೇರೊಂದ್ ಶ್ರೀಸುಗುಣೇಂದ್ರತೀರ್ಥೆರು ಉಡುಪಿ ಪುರಪ್ರವೇಶ ಮಲ್ಪರೆಗುಲ್ಲೆರ್.

ಧಾನ್ಯ ಮುಹೂರ್ತ ಅಂಗವಾದ್
ಪುತ್ತಿಗೆ ಮಠದ ವಿಠಲ ದೇವರೆಗ್ ಕಾಂಡೆ ಮಹಾಪೂಜೆ ಸಲ್ಲಿಸಾದ್, ದೇವತಾ ಪ್ರಾರ್ಥನೆ ನೆರವೇರುಂಡ್. ಬೊಕ್ಕ ಮೆರವಣಿಗೆಡ್ ಪೋದ್ ಚಂದ್ರೇಶ್ವರ, ಅನಂತೇಶ್ವರ, ಶ್ರೀಕೃಷ್ಣ ಮುಖ್ಯಪ್ರಾಣ, ಗರುಢ, ಮಧ್ವ, ಸರ್ವಜ್ಞ ಸಿಂಹಾಸನ, ಭೋಜನ ಶಾಲೆ ಪ್ರಾಣ ದೇವೆರು, ಸುಬ್ರಹ್ಮಣ್ಯ ಗುಡಿ, ನವಗ್ರಹ ಗುಡಿ, ವೃಂದಾವನ, ಗೋ ಶಾಲೆಗ್ ಪೋದ್ ಪ್ರಾರ್ಥನೆ ಸಲ್ಲಿಸಾಯೆರ್.

ಪುತ್ತಿಗೆ ಮಠಗ್ ಪಿರ ಬತ್ತುದು ಮಂಡೆಡ್ ಧಾನ್ಯ ಮುಡಿ, ಸ್ವರ್ಣ ಪಲ್ಲಕ್ಕಿಡ್ ಕಿನ್ನ ಮುಡಿ ದೀದ್ ರಥಬೀದಿಡ್ ಮೆರವಣಿಗೆ ಬೊಕ್ಕ ಶ್ರೀಕೃಷ್ಣಮಠದ ಬಡಗುಮಾಳಿಗೆದ ಗದ್ದುಗೆಡ್ ನಾಲ್ ಮುಡಿತ್ತ ಮಿತ್ತ್ ಕಿನ್ನ ಮುಡಿ ದೀದ್ ಪೂಜೆ ನಡತುಂಡ್.

ಮಹಿಳೆಯೆರು ಕಂಡು ಕಂಡು ನೀ ಎನ್ನ ಕೈಬಿಡುವರೇ ಕೃಷ್ಣ ತಾಳ ಕೀರ್ತನೆ ಮಲ್ತೆರು. ಬೇತೆ ಬೇತೆ ಮಠ, ಉಪಮಠದ ಪ್ರತಿನಿಧಿಕುಳು, ವಿದ್ವಾಂಸರೆಗ್ ಗೌರವ, ನವಗ್ರಹ ದಾನ ಕೊರಿನ ಬೊಕ್ಕ ಪಿರ ಪುತ್ತಿಗೆ ಮಠಗ್ ಬತ್ತುದು ವಿಠಲ ದೇವರೆಗ್ ಪೂಜೆ ಮಲ್ತೆರು.

ಭುವನಾಭಿರಾಮ ಉಡುಪ, ಹರಿಕೃಷ್ಣ ಪುನರೂರು, ಜಯಕರ ಶೆಟ್ಟಿ, ರಂಜನ್ ಕಲ್ಕೂರ, ಬಿ. ಗೋಪಾಲಾಚಾರ್ಯ, ಮುರಳೀಧರ ಆಚಾರ್ಯ, ಪ್ರಸನ್ನ ಆಚಾರ್ಯ, ಮಂಜುನಾಥ ಉಪಾಧ್ಯ, ಶ್ರೀನಾಗೇಶ್ ಹೆಗ್ಡೆ, ವಿ.ಜಿ.ಶೆಟ್ಟಿ, ಕೆ.ಉದಯ ಕುಮಾರ್ ಶೆಟ್ಟಿ, ಅಶೋಕ್ ಕುಮಾರ್ ಕೊಡವೂರು, ದಿನೇಶ್ ಪುತ್ರನ್, ಸುಬ್ರಹ್ಮಣ್ಯ ಉಪಾಧ್ಯ, ರಾಘವೇಂದ್ರ ಭಟ್, ಮಧ್ವರಮಣ ಆಚಾರ್, ರಾಘವೇಂದ್ರ ತಂತ್ರಿ, ಶ್ರೀಧರ‌ ಉಪಾಧ್ಯ, ವಿದ್ವಾನ್ ಹೆರ್ಗ ಹರಿಪ್ರಸಾದ್ ಉಪಸ್ಥಿತರಿತ್ತೆರು.
ಧಾನ್ಯ ಮುಹೂರ್ತದ ಧಾರ್ಮಿಕ ವಿಧಿ ವಿಧಾನ ರಾಘವೇಂದ್ರ ಕೊಡಂಚ ನೇತೃತ್ವಡ್ ನಡತುಂಡ್.

ಈ ಸಂದರ್ಭ ಮಧ್ವ ಸರೋವರದ ಕೈತಲ್ ನಿರ್ಮಾಣ ಆತಿನ ಕಟ್ಟಿಗೆ ರಥಕ್ ಶಿಖರ ದೀಯೆರ್.
ಧಾನ್ಯ ಮುಹೂರ್ತ‌ ಸಂದರ್ಭ ಈ ಬಾರಿ ಪುತ್ತಿಗೆ ಹಿರಿಯ‌ಶ್ರೀಕುಳು ವಿಶೇಷವಾದ್ ಉಪಸ್ಥಿತರಿತ್ತೆರು‌.
……..
ದಾದ ಧಾನ್ಯ ಮುಹೂರ್ತ?
*೨೦೩೪, ಜ.೧೮ಡ್ದ್ ರಡ್ಡ್ ವರ್ಷ ಕಾಲ ನಡಪರೆಗುಪ್ಪುನ ಪುತ್ತಿಗೆ ಪರ್ಯಾಯಗ್ ಬರ್ಪಿನ ಭಕ್ತಾದಿಲೆಗ್ ಅನ್ನ ಸಂತರ್ಪಣೆ ನಿಟ್ಟುಡ್ ಧಾನ್ಯ ಸಂಗ್ರಹನೇ ಧಾನ್ಯ ಮುಹೂರ್ತದ ಪಿರಾವುಡಿತ್ತಿನ ವೈಶಿಷ್ಟ್ಯವಾದುಂಡ್.

.ಪೂಜೆದೊಟ್ಟುಗ್ ಉಪ್ಪಡ್ ದೇವೆರೆನ ಆಂತರಿಕ‌ ಚಿಂತನೆ: ಪುತ್ತಿಗೆಶ್ರೀ

ಪುತ್ತಿಗೆ ಪರ್ಯಾಯ ಪೂರ್ವಭಾವಿ ಧಾನ್ಯ ಮುಹೂರ್ತ‌ ಧಾರ್ಮಿಕ ಸಭೆಟ್ ಪೂಜ್ಯ ಶ್ರೀಪಾದೆರು
ದೇವರೆಗ್ ಪೂಜೆ, ದೀಪ, ಧೂಪ, ನೈವೇದ್ಯ ಸಮರ್ಪಣೆ ಹೊರತಾದ್ ಪ್ರತಿಯೊರಿಲಾ ಆಂತರಿಕವಾದ್ ಭಗವದ್ ಚಿಂತನೆ ನಡಪಾವಡ್.
ಪಂಡುದು ಪುತ್ತಿಗೆ ಮಠದ ಶ್ರೀಸುಗುಣೇಂದ್ರ ತೀರ್ಥಶ್ರೀಪಾದೆರು ತೆರಿಪಾದೆರ್.

ಆರು ಪುತ್ತಿಗೆ ಮಠದ ಸಭಾಂಗಣಡ್ ಪರ್ಯಾಯ ಪೂರ್ವಭಾವಿ‌ ಧಾನ್ಯ ಮುಹೂರ್ತದಂಗವಾದ್ ನಡತಿನ ಧಾರ್ಮಿಕ ಸಭೆಟ್ ಬುಧವಾರ ಆಶೀರ್ವಚನ ಕೊರಿಯೆರ್ .

ಈ ಬಾರಿದ ವಿಶ್ವ ಗೀತಾ ಪರ್ಯಾಯ ಪಂಡುದು ಘೋಷಣೆ ಶ್ರೀಕುಳು, ದೇವರ ಪೂಜೆದ ಸಂಕಲ್ಪ, ಪೂರ್ಣತೆ ನಡುಟ್ ಒಂಜೊಂಜಿ ಫಲ ಉಂಡು. ಪ್ರತಿಯೊರಿಗುಲಾ ದೇವರೆನ ಪೂಜೆ, ಅನುಗ್ರಹದ ಅಪೇಕ್ಷೆಯಿತ್ತುಂಡಲಾ ಜಗತ್ತುಗ್ ಭಗವಂತನ ಅನುಗ್ರಹದ ಫಂಡ್ ಬತ್ತುಂಡ ಮಾತಲಾ ಸುಲಲಿತ ಪಂಡೆರು.

ಮನುಷ್ಯ ಯತ್ನದ ಒಟ್ಟುಗ್ ದೇವರೆನ ಅನುಗ್ರಹ ಬೋಡು. ವೈಯಕ್ತಿಕಡ್ ಜಗದ ಶ್ರೇಯಸ್ಸುದ ಪೂಜೆನೇ ಪರ್ಯಾಯ. ಒಂಜಿ ಕೋಟಿ ಜನಕ್ಲೆಡ್ದ್ ಭಗವದ್ಗೀತೆ‌ ಬರೆಪಾವುನ ಸಂಕಲ್ಪ ನಮ್ಮವು,
ಅವ್ವೆನ್ ಈಡೇರಿಸಾವರೆಗ್ ಶ್ರೀಕೃಷ್ಣೆ ಉಲ್ಲೆ.ಜಗತ್ತುದ ಮೂಲೆ ಮೂಲೆಡುಲಾ ಗೀತಾ ಪ್ರಚಾರವಾದುಂಡ್.
ಪರ್ಯಾಯಡ್ ದೇವೆರೆನ ಸೇವೆದೊಟ್ಟುಗ್ ಭಕ್ತೆರೆನ ಸೇವೆದ ಅವಕಾಶ ಉಡುಪಿ ಜನರಿಗಿತ್ತುಂಡ್.
ಜೀವನ ಕ್ಷಣಿಕ,
ಇಂಚಾದ್
ಅಮೆರಿಕಾಡ್ ಓಪನ್ ಇತ್ತಿನ ಅಂಗಡಿಲೆನ್ ಬ್ಲ್ಯಾಕ್ ಫ್ರೈಡೇ ದಿನ ಸೂರೆ ಮಲ್ಪುಲೆಕ್ಕ ( ಪರ್ಯಾಯ ಪೀಠಡ್ದ್ ಜಪ್ಪುನ ಮಠದ ಕಡೇತ್ತ ದಿನಲಾ ಸೂರೆ ಸಂಪ್ರದಾಯವುಂಡ್) ಇಂಚಾದ್ ದೇವೆರೆನ ಸೇವೆದ ಅವಕಾಶನ್ ಬುಡಂದೆ ಮಲ್ಪೊಡ್ ಪಂಡೆರು.

ಪರ್ಯಾಯ‌‌ ಸ್ವಾಗತ ಸಮಿತಿ ಅಧ್ಯಕ್ಷ ಡಾ.ಎಚ್.ಎಸ್.ಬಲ್ಲಾಳ್, ಪೌರಾಯುಕ್ತ ರಾಯಪ್ಪ, ಪ್ರಸಾದ್ ರಾಜ್ ಕಾಂಚನ್, ಉದ್ಯಮಿ ಪುರುಷೋತ್ತಮ ಶೆಟ್ಟಿ, ಭುವನೇಂದ್ರ ಕಿದಿಯೂರು, ಶ್ರೀರಮಣ ಉಪಾಧ್ಯ, ಸೂರ್ಯನಾರಾಯಣ ಉಪಾಧ್ಯ ಕುಂಭಾಶಿ, ಕರ್ನಾಟಕ ಬ್ಯಾಂಕ್ ನಿರ್ದೇಶಕ ಬಾಲಕೃಷ್ಣ ಅಲ್ಸೆ ಉಪಸ್ಥಿತರಿತ್ತೆರು.

ಡಾ.ಉಷಾ ಪಲ್ಲವಿ ಬಲ್ಲಾಳ್ ಪ್ರಾರ್ಥಿಸಿದರು. ಮಠದ ದಿವಾನ ನಾಗರಾಜ ಆಚಾರ್ಯ ಸ್ವಾಗತ ಮಲ್ತೆರು. ಪರ್ಯಾಯ‌ ಸ್ವಾಗತ ಸಮಿತಿ ಕಾರ್ಯಾಧ್ಯಕ್ಷ ಕೆ. ರಘುಪತಿ ಭಟ್ ಪ್ರಾಸ್ತಾವಿಕ ಪಾತೆರಿಯೆರು.
ರಮೇಶ್ ಭಟ್ ಕೆ.‌ ನಿರೂಪಣೆ ಮಲ್ತೆರು.ಬೆಳಪು ದೇವಿಪ್ರಸಾದ್ ಶೆಟ್ಟಿ‌ ವಂದಿಸಾಯೆರು. ಡಾ.ಅರ್ಚನಾ ನಂದ ಕುಮಾರ್ ರಚಿತ ಕೃತಿಯನ್ನು ಯೂಟ್ಯೂಬ್ ಮೂಲಕ ಶ್ರೀಪಾದೆರು ಬುಡುಗಡೆ ಮಲ್ತೆರು.
……..
ಅತಿಥಿಲೆಗ್ ಮನೆ ಆತಿಥ್ಯ
ಪರ್ಯಾಯ‌ ಸ್ವಾಗತ‌ ಸಮಿತಿ ಕಾರ್ಯಾಧ್ಯಕ್ಷ ಕೆ.ರಘುಪತಿ ಭಟ್ ಪಾತೆರ್ದ್, ಹಿಂದೂ‌ಸಂಸ್ಕೃತಿ, ಮಾಧ್ವ ಪರಂಪರೆದ ಪ್ರಚಾರದೊಟ್ಟುಗ್ ವಿದೇಶಡ್ ೧೫ಕೃಷ್ಣ ಮಂದಿರ ಸ್ಥಾಪನೆ ಹಿನ್ನೆಲೆಡ್ ಪುತ್ತಿಗೆ ಪರ್ಯಾಯ‌ ವಿಶ್ವ ಪರ್ಯಾಯ.

ಪರ್ಯಾಯ ಏರುನ ಸುರುಕ್ ತೀಥ್೯ಸ್ನಾನ ಮಲ್ಪುನ ಕಾಪು ದಂಡತೀರ್ಥಡ್ದ್ ವಿದ್ಯುದಲಂಕಾರ, ನಗರಾಲಂಕಾರಗ್ ಸಿದ್ಧತೆ ನಡದುಂಡ್.

ನಗರದ ೧೦ಕಿ.ಮೀ. ವ್ಯಾಪ್ತಿದ ಇಲ್ಲದಕುಲು ಒರಿ ಇರುವೆರ್ ಅತಿಥಿಲೆಗ್ ಆತಿಥ್ಯದ ಹೊಣೆ ದೆತೊನರೆಗ್ ಪುದರು ನೋಂದಾಯಿಸಾವೊಲಿ ಫಂಡೆರು.
……
೨೦೦೮ ದ ಲೆಕ್ಕ ೨೦೨೪ರಲ್ಲೂ ಡಿಸಿಡ್ದ್ ಪೌರ ಸನ್ಮಾನ
೨೦೦೮ಡ್ ಪುತ್ತಿಗೆ ಶ್ರೀಸುಗುಣೇಂದ್ರತೀರ್ಥ‌ ಶ್ರೀಪಾದೆರು ಪರ್ಯಾಯ ಪೀಠ ಏರುನ ಸುರುಕ್ ನಗರಸಭೆ ಪೌರ ಸನ್ಮಾನನ್ ಆಡಳಿತಾಧಿಕಾರಿಯಾದಿತ್ತಿನ ಜಿಲ್ಲಾಧಿಕಾರಿ ನೆರವೇರಿಸಾಯೆರ್. ಈ ಬಾರಿಲಾ ಜ.೮ ಗ್ ಶ್ರೀಕ್ಲೆನ ಪುರಪ್ರವೇಶಡ್ ಬೊಕ್ಕ ಪೌರ ಸನ್ಮಾನಲಾ ಜಿಲ್ಲಾಧಿಕಾರಿ ಅಧ್ಯಕ್ಷತೆಡ್ ನಡಪರೆಗುಂಡ್ (ಚುನಾಯಿತ ಸದಸ್ಯರಿತ್ತುಂಡಲಾ ಅಧ್ಯಕ್ಷೆ ಉಪಾಧ್ಯಕ್ಷೆ ಚುನಾವಣಾ ಮೀಸಲು ಬರಂದಿನ ಹಿನ್ನೆಲೆಡ್ ಈ ಸರ್ತಿಲಾ ಜಿಲ್ಲಾಧಿಕಾರಿಯೇ ಆಡಳಿತಾಧಿಕಾರಿಯಾದುಪ್ಪುವೆರ್)
……..
ಶ್ರೀಕೃಷ್ಣಗ್ ನವಧಾನ್ಯ ಸಮರ್ಪಣೆ
ಧಾನ್ಯ ಮುಡಿತ್ತ ನಡುಟ್ ಪೀಠಾಸೀನರಾದಿತ್ತಿನ ಪುತ್ತಿಗೆ ಶ್ರೀಕ್ಲೆನ ಮಾರ್ಗದರ್ಶನಡ್ ನವಗ್ರಹ ಚಿಂತನೆಡ್ದ್ ಅತಿಥಿಲು ತಟ್ಟೆಗ್ ನವ ಧಾನ್ಯ ಸಮರ್ಪಣೆ ಮಲ್ತುದ್ ನವಗ್ರಹ‌ಚಿಂತನೆದೊಟ್ಟುಗ್ ಶ್ರೀಕೃಷ್ಣಗ್ ಅರ್ಪಣೆ ಮಲ್ತೆರು. ಶ್ರೀಧರ ಉಪಾಧ್ಯ ನವಗ್ರಹ‌ಸ್ತೋತ್ರ ಪಠಣೆ ಮಲ್ತೆರು.
………
ವೈಶಿಷ್ಟ್ಯಪೂರ್ಣ ಆಹ್ವಾನ ಪತ್ರಿಕೆ ಬುಡುಗಡೆ

ಶ್ರೀಕೃಷ್ಣನ ಅನುಗ್ರಹ ಪತ್ರವಾದ್ ಒಂಜಿ ಲಕ್ಷ ಜನಕ್ಲೆಗ್ ಆಹ್ವಾನ ಪತ್ರ ತಲುಪಿಸಾವುನ ಗುರಿ ಉಂಡು ಪಂಡುದು ಶ್ರೀಕೂಳು ಪಂಡೆರು.

ಕನ್ನರ್ಪಾಡಿ ಶ್ರೀಜಯದುರ್ಗಾಪರಮೇಶ್ವರಿ ದೇವಳದ‌ ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷ ರಾಘವೇಂದ್ರ‌ಭಟ್ ಅರೆಗ್ ಫುದೆ ಕಾಣಿಕೆ ಸಮರ್ಪಣೆ‌ ಬ್ಯಾನರ್ ಹಸ್ತಾಂತರ ಮಲ್ತೆರ್
……
ಸಂಸ್ಕೃತಿ, ಸಂಸ್ಕಾರ ಒರಿಪಾಲೆ: ಡಾ.ಹೆಗ್ಗಡೆ

ಪುತ್ತಿಗೆ ಪರ್ಯಾಯ ೨೦೨೪,೨೦೨೬‌ ಆಹ್ವಾನ ಪತ್ರಿಕೆ ಪುತ್ತಿಗೆ ಶ್ರೀಕ್ಲೆನ ವಿಶೇಷ ಮುತುವರ್ಜಿಡ್ ವಿಶಿಷ್ಟವಾದ್ ರೂಪು ಆದಿತ್ತುದ್ ಬುಡುಗಡೆ ಮಲ್ತೆರ್.

ಶ್ರೀಕೃಷ್ಣ ಬೋಧಿಸಾಯಿನ ಗೀತಾ‌ಸಾರನ್ ಜಗತ್ತುಗ್ ಉನ್ಪಾದ್ ಧರ್ಮ, ಸಂಸ್ಕೃತಿ, ಸಂಸ್ಕಾರದ ಒರಿಪುಗ್ ಆದ್ಯ ಗಮನ ಅಗತ್ಯ ಪಂಡುದು ರಾಜರ್ಷಿ‌ಡಾ.ಡಿ.ವೀರೇಂದ್ರ ಹೆಗ್ಗಡೆ ತೆರಿಪಾದೆರ್.
ಪರ್ಯಾಯ‌ ಸಂಸ್ಕಾರ ವಿದ್ಯಾರ್ಥ, ಯುವಜನಕ್ಲೆಗ್ ಮುಟ್ಟೊಡ್. ಭಗವಂತನ ಸೇವೆಡಾದ್ ಸಂತೃಪ್ತಿ ಪಡೆಯೊಡ್.
ಪುದೆಕಾಣಿಕೆ ವರ್ಷೊಗ್ ಆಪಿನಾತ್ ಸಂಗ್ರಹ ಆವಡ್. ಪರ್ಯಾಯ ಸುದೆಟ್ ನಮ ಮಾತಾ ಮೀದ್ ಪುನೀತರಾವೊಡ್ ದೇಶ, ಜಗತ್ತುಗ್ ಸುಭಿಕ್ಷೆಯಾವಡ್.‌
ವಿದೇಶೊಗ್ ಪೋಯಿನಪಗ ಕೃಷ್ಣಮಂದಿರಡ್ ಇಂಗ್ಲೀಷ್‌ ಸತ್ಯನಾರಾಯಣ‌ ಪೂಜೆ ಮೂಲಕ ಧಾರ್ಮಿಕತೆದ ಪ್ರಸಾರ ಖುಷಿ ಕೊರುಂಡ್ ಪಂಡೆರು.
……..