ಪುತ್ತಿಗೆ ಪರ್ಯಾಯ ಪುದೆಕಾಣಿಕೆ ಸಮಿತಿ ಸಭೆ

ಉಡುಪಿ: ಜನವರಿಡ್ ನಡಪೃಗುಪ್ಪುನ ಪುತ್ತಿಗೆ ಮಠದ ಪರ್ಯಾಯ‌ ಮಹೋತ್ಸವದ ಪುದೆಕಾಣಿಕೆ ಸಮಿತಿ ಸಭೆ ಪುತ್ತಿಗೆ ಮಠದ ಸಭಾಂಗಣಡ್ ಐತಾರದಾನಿ ನಡತುಂಡ್
ಪುದೆಕಾಣಿಕೆ ಸಮಿತಿದ ಸಂಚಾಲಕ ಬೈಕಾಡಿ ಸುಪ್ರಸಾದ್ ಶೆಟ್ಟಿ ಪಾತೆರ್ದ್ , ಪುತ್ತಿಗೆ ಶ್ರೀ ಕ್ಲೆನ ಪರ್ಯಯಾ ಮಹೋತ್ಸವ ನ್ ವಿಜೃಂಭಣೆಡ್ ನಡಪಾವುನ ಹಿನ್ನೆಲೆಡ್ ಪುದೆಕಾಣಿಕೆ ಮೆರವಣಿಗೆನ್ ಅದ್ದೂರಿಯಾದ್ ನಡಪಾವರೆಗ್ ಚಿಂತನೆ ನಡಪಾದುಂಡ್. ಸುಮಾರು ೫೦ ಭಾಗಡ್ ಪುದೆಕಾಣಿಕೆ ಸಮಿತಿನ್ ಮಲ್ದುಂಡ್.ಅಲ್ಪಲ್ಪ ಸಭೆ ಮಲ್ತುದ್ ಪುದೆಕಾಣಿಕೆನ್ ಅಚ್ಚುಕಟ್ಟಾದ್ ನಿರ್ವಹಣೆ ಮಲ್ಪರೆಗ್ ಮಾರ್ಗದರ್ಶನ ಕೊರೊಂದುಂಡ್. ಪುತ್ತಿಗೆ ಶ್ರೀಕುಲು ವಿದೇಶಡ್ ಮಠಕುಲೆನ್ ಸ್ಥಾಪನೆ ಮಲ್ತುದ್ ನಮ್ಮ ಧರ್ಮ ಸಂಸ್ಕೃತಿನ್ ಪ್ರಸಿದ್ಧಿ ಮಲ್ಪುನೇಟ್ ಯಶಸ್ವಿಯಾತೆರ್.ಇಂಚಾದ್ ಈ ಪರ್ಯಾಯ ವಿಶ್ವಮಟ್ಟದ ಪರ್ಯಾಯವಾದಿತ್ತುದ್ ನಮ್ಮ ಜವಾಬ್ದಾರಿನ್ ಅಚ್ಚುಕಟ್ಟಾದ್ ನಿರ್ವಹಣೆ ಮಲ್ಪುವಾ ಪಂಡೆರು.
ಸಮಿತಿದ ಪ್ರಧಾನ‌ ಕಾರ್ಯದರ್ಶಿ ಬೆಳಪು ದೇವಿಪ್ರಸಾದ್ ಶೆಟ್ಟಿ ಪಾತೆರ್ದ್ , ಉಭಯ ಜಿಲ್ಲೆದ ಸಹಕಾರಿಲು ಸೇರ್ದ್ ಎಡ್ಡೆ ರೀತಿಡ್ ಪುದೆಕಾಣಿಕೆ ಕೊರೊಡುಂದ್ ಮನವಿ ಮಲ್ತುದಾ. ಬೇತೆ ಬೇತೆ ಸಂಸ್ಥೆಲೆಗ್ ಮಾತಾ ಮಾಹಿತಿ ಕೊರ್ದಿತ್ತುದ್, ಪುದೆಕಾಣಿಕೆ ಮೆರವಣಿಗೆದ ಬಗ್ಗೆಟುಲಾ ಮಾಹಿತಿ ಕೊರ್ತುಂಡ್. ನಾಡ ಹಬ್ಬದ ರೀತಿಡ್ ನಡಪರೆಗುಂಡ್. ಸರಕಾರದ ವತಿಡ್ದ್ ವಹಿಸಾವೊಡಾಯಿನ ಜವಾಬ್ದರಿದ ಬಗೆಟ್ ಜಿಲ್ಲಾಧಿಕಾರಿಲೆನ ನೇತೃತ್ವಡ್ ಸಭೆ ನಡಪಾವರೆಗ್ ತೀರ್ಮಾನ ಮಲ್ದುಂಡ್ ಪಂಡೆರು.
ಸಭೆಟ್ ಆನೆಗುಡ್ಡೆ ವಿನಾಯಕ ದೇವಸ್ಥಾನ
ಮ್ಯಾನೆಜಿಂಗ್ ಟ್ರಸ್ಟಿ ಕೆ.ಶ್ರೀ ರಮಣ ಉಪಾಧ್ಯಾಯ,
ಕೃಷ್ಣಮೂರ್ತಿ ಆಚಾರ್ಯ, ಅಮೃತಾ ಕೃಷ್ಣಮೂರ್ತಿ, ಯೋಗೀಶ್ ಶೆಟ್ಟಿ, ಅಂಡಾರು ದೇವಿಪ್ರಸಾದ್ ಶೆಟ್ಟಿ, ಬ್ರಾಹ್ಮಣ ಸಭಾದ ಮಂಜುನಾಥ ಉಪಾಧ್ಯ, ಶ್ರೀಕಾಂತ ನಾಯಕ್, ಶಶಿಕಾಂತ್ ಪಡುಬಿದ್ರಿ, ಜ್ಯೋತಿ ದೇವಾಡಿಗ, ಮಾತೃ ಮಂಡಳಿಯ ಪದ್ಮಾ, ಶ್ರೀಕಾಂತ್ ಸಿದ್ದಾಪುರ, ಉದಯ್ ಮಠದಬೆಟ್ಟು, ಕೃಷ್ಣ ರಾವ್ ಕೊಡಂಚ, ಬಾಸ್ಕರ್ ರಾವ್ ಕಿದಿಯೂರು, ಏಲ್.ಎನ್.ಹೆಗ್ಡೆ, ರಾಘವೇಂದ್ರ ಕಿಣಿ, ರಾಘವೇಂದ್ರ ಭಟ್ ಕನರ್ಪಾಡಿ, ರಘುಪತಿ ರಾವ್, ಚೈತನ್ಯ ಮತ್ತಿತರರು ಉಪಸ್ಥಿತರಿತ್ತೆರು.
ನಾಗರಾಜ್ ಆಚಾರ್ಯ ಸ್ವಾಗತ ಮಲ್ತುದ್, ವಿಜಯ ರಾಘವ ಸೊಲ್ಮೆ ಸಂದಾಯ್ತ ಮಲ್ತೆರ್.. ರವೀಂದ್ರ ಆಚಾರ್ಯ ಕಾರ್ಯಕ್ರಮ ನಿರೂಪಣೆ ಮಲ್ತೆರು.