ಪುತ್ತಿಗೆ ಪರ್ಯಾಯದ ಕನಕ್(ಕಟ್ಟಿಗೆ) ಮುಹೂರ್ತ ಸಂಪನ್ನ..

ಪುತ್ತಿಗೆ ಪರ್ಯಾಯ 2024-26 ಪೂರ್ವಭಾವಿಯಾದ್ ನಡಪುನ ಮುಹೂರ್ತಲೆಡ್ ಒಂಜಾಯಿನ ಕನಕ್ ಒಟ್ಟು ಮಲ್ಪುನ ಮುಹೂರ್ತ ಪುತ್ತಿಗೆಮಠಾಧೀಶೆರಾಯಿನ ಶ್ರೀ ಶ್ರೀ ಸುಗುಣೇಂದ್ರತೀರ್ಥ ಶ್ರೀಪಾದೆರು & ಶ್ರೀ ಶ್ರೀ ಸುಶ್ರೀಂದ್ರತೀರ್ಥ ಶ್ರೀಪಾದೆರೆನ ಆದೇಶದಂಚ 26-06-2023 ಶ್ರೀಕೃಷ್ಣಮಠದ ಕನಕುದ ರಥ ಉಪ್ಪುನ ಜಾಗೆಡ್ ಸಂಪನ್ನ ಆಂಡ್.. ವಿದ್ವಾನ್ ಹೆರ್ಗ ವೇದವ್ಯಾಸ ಭಟ್ ಬೊಕ್ಕ ಶ್ರೀ ರಾಘವೇಂದ್ರ ಕೊಡಂಚರೆನ ನೇತೃತ್ವಡ್ ಧಾರ್ಮಿಕ ವಿಧಿವಿಧಾನೊಲು ನಡತುಂಡ್. ಪಟ್ಟದ ದೇವೆರು ಶ್ರೀ ಉಪೇಂದ್ರವಿಠಲ ದೇವರೆಡ ಫಲನ್ಯಾಸಪೂರ್ವಕ ಪ್ರಾರ್ಥನೆ, ಚಂದ್ರಮೌಳೀಶ್ವರ ಬೊಕ್ಕ ಅನಂತೇಶ್ವರ, ಶ್ರೀಕೃಷ್ಣಮಠದಲ್ಲಿ ಪ್ರಾರ್ಥನೆ, ನವಗ್ರಹದಾನೊನ್ ಈ ಸಂದರ್ಭಡ್ ಮಲ್ತುಂಡ್. ಶ್ರೀಕೃಷ್ಣಮಠದ ಪದ್ಮನಾಭ ಮೇಸ್ತ್ರಿ ನೇತೃತ್ವಡ್ ಕನಕ್ (ಕಟ್ಟಿಗೆ )ಸಂಗ್ರಹ ಮಲ್ಪುನ ಪ್ರಕ್ರಿಯೆಗ್ ಚಾಲನೆ ಕೊರುಂಡ್. ಅಷ್ಟಮಠದ ಪ್ರತಿನಿಧಿಲು, ಆನೆಗುಡ್ಡೆ ದೇವಸ್ಥಾನದ ಅರ್ಚಕೆರಾಯಿನ ಸೂರ್ಯನಾರಾಯಣ ಉಪಾಧ್ಯಾಯ, ಶ್ರೀಧರ ಉಪಾಧ್ಯಾಯ, ಕೇಂಜ ಶ್ರೀಧರ ತಂತ್ರಿ, ಬಿ. ಗೋಪಾಲಾಚಾರ್ಯ, ಬ್ರಾಹ್ಮಣ ಸಭೆತ್ತ ಅಧ್ಯಕ್ಷರಾಯಿನ ಮಂಜುನಾಥ ಉಪಾಧ್ಯಾಯ, ಬೇತೆ ಬೇತೆ ಸಂಘಸಂಸ್ಥೆದ ಪದಾಧಿಕಾರಿಲು ಬೊಕ್ಕ ಗಣ್ಯೆರು ಉಪಸ್ಥಿತರಿತ್ತೆರು. ಈ ಸಂದರ್ಭಡ್ ಸಾಂಕೇತಿಕವಾದ್ ಅಲ್ಪ ಬತ್ತಿನ ಗಣ್ಯೆರೆಗ್ ಸಿದ್ದಿ ತಳಿತ್ತ ವಿಶೇಷ ಪೆಲತ್ತ ತಸಿ ವಿತರಣೆ ಮಲ್ತೆರ್. ಶ್ರೀಮಠದ ದಿವಾನರಾಯಿನ ಮುರಳೀಧರ ಆಚಾರ್ಯ, ನಾಗರಾಜ ಆಚಾರ್ಯ, ಶ್ರೀಪಾದರ ಆಪ್ತಕಾರ್ಯದರ್ಶಿಲಾಯಿನ ಪ್ರಸನ್ನಾಚಾರ್ಯ ಉಪಸ್ಥಿತರಿತ್ತೆರು.