ಶ್ರೀಪಾದೆರೆನ ಉಪದೇಶ ಕೇಂಡುದ್ ಕೋಟಿಗೀತಾಲೇಖನ ಯಜ್ಞ ದೀಕ್ಷೆ ಸ್ವೀಕಾರ ಮಲ್ತಿನ ವಿದ್ಯಾರ್ಥಿಲು..

ಭಾವಿ ಪರ್ಯಾಯ ಶ್ರೀ ಪುತ್ತಿಗೆ ಮಠದ ಶ್ರೀ ಶ್ರೀ ಸುಗುಣೇಂದ್ರ ತೀರ್ಥ ಶ್ರೀಪಾದೆರು ಬೆಂಗಳೂರುದ ಕೆ ಆರ್ ರೋಡ್ ಕೈತಲುಡುಪ್ಪುನ ಶ್ರೀ ಮಾಧ್ವ ಯುವಕ ಸಂಘ (ರಿ )ವಿದ್ಯಾರ್ಥಿ ನಿಲಯಗ್ ಬತ್ತುದ್ ಪಾಂಡುರಂಗ ವಿಠಲ ದೇವೆರೆನ ತೊಟ್ಟಿಲು ಪೂಜೆನ್ ಮಲ್ತೆರ್ .

ಈ ಸಂದರ್ಭಡ್ ನೂದೆಕುಲಾ ಹೆಚ್ಚ ವಿದ್ಯಾರ್ಥಿಲು ಶ್ರೀಪಾದೆರೆಡ್ದ ಕೋಟಿ ಗೀತಾ ಲೇಖನ ಯಜ್ಞ ದೀಕ್ಷೆನ್ ಸ್ವೀಕಾರ ಮಲ್ತೆರ್.

ಭಗವದ್ಗೀತೆ ಕೇವಲ ಒಂಜಿ ಮತೀಯ ಗ್ರಂಥ ಆದುಪ್ಪಂದೆ ಅವ್ ಜಾಗತಿಕ ಆದೇಶ ಪಂಡುದಗ ಶ್ರೀಪಾದೆರು ತೆರಿಪಾವೊಂದ್ ,ಈ ಭೂಮಿಡ್ ಪುಟ್ಟಿನೇಡ್ ಬೊಕ್ಕ ಭಗವದ್ಗೀತೆನ್ ಓದಿಜಿಡ ನಮ್ಮ ಜನ್ಮನೇ ವ್ಯರ್ಥ ಪಂಡುದು ಶ್ರೀಪಾದೆರು ತೆರಿಪಾಯೆರು.

ಮಾತಾ ವಿದ್ಯಾರ್ಥಿಲು ಶ್ರೀಪಾದೆರೆನ ಉಪದೇಶಡಾದ್ ಪ್ರಭಾವಿತೆರಾದ್ ಗೀತಾ ಲೇಖನ ಯಜ್ಞ ದೀಕ್ಷಾ ಬದ್ಧರಾಯೆರು.

ಮಾಧ್ವ ಯುವಕ ಸಂಘದ ಅಧ್ಯಕ್ಷೆರಾಯಿನ ಶ್ರೀ ಡಾಕ್ಟರ್ ಎಂ ಆರ್ ವಿ ಪ್ರಸಾದ್, ಮುಖ್ಯಸ್ಥೆ ಶ್ರೀಮತಿ ವಾಣಿ ಕಾರ್ಯದರ್ಶಿ ಶ್ರೀ ಅಭಿಷೇಕ್, ಲೇಖಕಿ ಬೊಕ್ಕ ಉಪನ್ಯಾಸಕಿ ಡಾಕ್ಟರ್ ಪ್ರೇಮ, ಶಂಕರಪುರ ಪೊಲೀಸ್ ಠಾಣೆದ ಮುಖ್ಯಸ್ಥೆರ್ ಬೊಕ್ಕ ಗಣ್ಯೆರು ಪಾಲ್ ಪಡೆದಿತ್ತೆರ್..