ಏಳ್ ಕಡಲುದಂಚಿಡ್ ಪುತ್ತಿಗೆಶ್ರೀ.

ಉಡುಪಿ, ಜ. 17: ಪುತ್ತಿಗೆ ಶ್ರೀ ಸುಗುಣೇಂದ್ರ ತೀರ್ಥ ಶ್ರೀ ಪಾದೆರೆನ ಚತುರ್ಥ ವಿಶ್ವಗೀತಾ ಪರ್ಯಾಯದ ಅಂಗವಾದ್ “ ಸಪ್ತಸಾಗರದಾಚೆ ಪುತ್ತಿಗೆ ಶ್ರೀಕ್ಲೆನ ದೈವಿಕ ಸಚಿತ್ರ ದಿನಚರಿ “ಛಾಯಾಚಿತ್ರ ಪ್ರದರ್ಶನನ್ ಉಡುಪಿ ಶ್ರೀಕೃಷ್ಣ ಮಠದ ರಾಜನಗಣಡ್ ಜ. 18 ತಾರೀಕುಗ್ ಉದ್ಘಾಟನೆ ಆವರೆಗುಂಡ್.
ಕೊಡವೂರುದ ಉಡುಪ ರತ್ನ ಪ್ರತಿಷ್ಠಾನದ ಸಹಯೋಗದೊಟ್ಟುಗ್ ಈ ಛಾಯಾಚಿತ್ರ ಪ್ರದರ್ಶನ ಆಯೋಜನೆ ಮಲ್ದುಂಡ್.

ಉದಯವಾಣಿ ಪತ್ರಿಕೆದ ಹಿರಿಯ ಪತ್ರಿಕಾ ಛಾಯಾಗ್ರಾಹಕ ಆಸ್ಟ್ರೋ ಮೋಹನ್ ತಮ್ಮ ಅಮೆರಿಕ ಪ್ರವಾಸಡ್ ಶ್ರೀ ಸುಗುಣೇಂದ್ರ ತೀರ್ಥ ಶ್ರೀಪಾದೆರೆನ ಬಗೆಟ್ ನಿರ್ಮಾಣ ಮಲ್ತಿನ ಛಾಯಾಚಿತ್ರಲೆನ್ ಮುಲ್ಪ ಪ್ರಸ್ತುತ ಮಲ್ಪುಂಡ್. ಫಿನಿಕ್ಸ್ ವೆಂಕಟ ಕೃಷ್ಣ ದೇವಸ್ಥಾನಡ್ ಯತಿಕುಲೆನ ನಿತ್ಯ ಪೂಜೆನ್ ಛಾಯಾಚಿತ್ರದ ಮೂಲಕ ಸೆರೆಟ್ ಪತ್ತುದ್ ಒಟ್ಟು 36 ಚಿತ್ರೊಲೆನ ಪ್ರದರ್ಶನ ನಡಪುಂಡ್.
ರಿಸ್ಸೋ ಕೊಸೈ ಕಯ್. ಜಪಾನ್, ನಿಯೋಜಿತ ಅಧ್ಯಕ್ಷ ರೆ. ಕೋಶೊ ನಿವಾನೋ,
ಆಸ್ಟ್ರೇಲಿಯಾ, ವಿಕ್ಟೋರಿಯಾದ ಮಾಜಿ ಸಚಿವ, ಲ್ಯೂಕ್ ಡನೆಲನ್ ಪ್ರದರ್ಶನನ್ ಉದ್ಘಾಟನೆ ಮಲ್ಪುವೆರ್.
ಪರ್ಯಾಯ ಪುತ್ತಿಗೆ ಮಠಾಧೀಶ ಶ್ರೀ ಸುಗುಣೇಂದ್ರ ತೀರ್ಥ ಶ್ರೀಪಾದೆರು ಬೊಕ್ಕ ಕಿರಿಯಾಪಟ್ಟದ ಯತಿಕುಲಾಯಿನ ಶ್ರೀ ಸುಶೀಂದ್ರ ತೀರ್ಥ ಶ್ರೀಪಾದೆರು ಆಶೀರ್ವಾದ ಮಲ್ಪರೆಗುಲ್ಲೆರ್ .
ಸಾರ್ವಜನಿಕೆರು ಜ. 19 ರಿಂದ ಜ. 25ರ ಮುಟ್ಟ ಪ್ರದರ್ಶನನ್ ತೂವರೆಗ್ ಅವಕಾಶ ಉಂಡು.