ನಾರೀಶಕ್ತಿಗ್ ಹೆಗ್ಗಡೆ ಮೆಚ್ಚುಗೆ

‘ನಾರೀಶಕ್ತಿ’ಗ್ ಹೆಗ್ಗಡೆ ಮೆಚ್ಚುಗೆ
ಉಡುಪಿ: ಪುತ್ತಿಗೆ ಮಠಾಧೀಶ ಶ್ರೀ ಸುಗುಣೇಂದ್ರತೀರ್ಥ ಶ್ರೀಪಾದೆರೆನ ಚತುರ್ಥ ಪರ್ಯಾಯ ಸಾಂಸ್ಕೃತಿಕ ಕಾರ್ಯಕ್ರಮ ಅಂಗವಾದ್ ಸುಶಾಸನ ಉಡುಪಿ ಮುಲ್ಪದ ಶ್ರೀ ಕೃಷ್ಣ ಮಠ ರಾಜಾಂಗಣದ ಶ್ರೀ ಉಪೇಂದ್ರತೀರ್ಥ ವೇದಿಕೆಡ್ ಜ.21ಗ್ ಅಪರಾಹ್ನ‌ 1.30ಡ್ದ್ ಪ್ರಸ್ತುತಪಡಿಸಾವುನ ‘ನಾರೀಶಕ್ತಿ’ ಮಾನಿನಿ ಮನ್ವಂತರ ತಾಳಮದ್ದಳೆ ಕಾರ್ಯಕ್ರಮದ ಲೆಪ್ಪೋಲೆನ್ ಕಾರ್ಯಕ್ರಮ ಸಂಯೋಜಕ ಸುಧಾಕರ ಆಚಾರ್ಯ ಮೇರು ಧರ್ಮಸ್ಥಳ ಧರ್ಮಾಧಿಕಾರಿ ಡಾ. ವೀರೇಂದ್ರ ಹೆಗ್ಗಡೆರೆಗ್ ಕೊರ್ದ್ , ಕಾರ್ಯಕ್ರಮಗ್ ಆಹ್ವಾನ ಕೊರಿಯೆರು.
ನೂತನ ತಾಳಮದ್ದಳೆ ‘ನಾರೀಶಕ್ತಿ’ಡ್ ಬರ್ಪಿನಪಾತ್ರದ ಬಗ್ಗೆ ಮಾಹಿತಿ ಪಡೆಯೀನ ಹೇಮಾವತಿ ಹೆಗ್ಗಡೆ, ಕಾರ್ಯಕ್ರಮಗ್ ಶುಭ ಹಾರೈಸಿಯೆರು.
ಭಾಗವತ ಪಟ್ಲ ಸತೀಶ ಶೆಟ್ಟಿ ಗಾನ ಸಾರಥ್ಯಡ್ ಪ್ರೊ. ಕಿರಣ ಪವನಕೆರೆ ಅರೆನ ಕಲ್ಪನೆ ಬೊಕ್ಕ ಸಾಹಿತ್ಯಡ್ ಪ್ರಸಂಗ ಮೂಡ್ದ್ ಬರ್ಪುಂಡ್.
ಈ ಸಂದರ್ಭಡ್ ದ.ಕ. ಸಾಹಿತ್ಯ ಪರಿಷತ್ತುಧ ಅಧ್ಯಕ್ಷ ಡಾ.ಎಂ.ಪಿ. ಶ್ರೀನಾಥ್, ಟಿ. ಶಂಭು ಶೆಟ್ಟಿ, ಭುವನಪ್ರಸಾದ್ ಹೆಗ್ಡೆ ಮಣಿಪಾಲ ಇತ್ತೆರು.