ಪುತ್ತಿಗೆ ಪರ್ಯಾಯದ ಲಾಂಛನ ಬುಡುಗಡೆ..

ಶ್ರೀ ಕ್ರಷ್ಣಪೂಜಾ ಪರ್ಯಾಯೋತ್ಸವ ಪುತ್ತಿಗೆ ಮಠದ ನೇತ್ರತ್ಬಡ್ 2024-26 ನಡಪರೆಗುಂಡ್.ಆ ಪ್ರಯುಕ್ತ ಸ್ವಾಗತ ಸಮಿತಿದ ಉದಿಪನ ಮಠತ್ತ ಸುಗುಣ ಸಭಾಂಗಣಡ್ ನಡತುಂಡ್.ಧರ್ಮಸ್ಥಳದ ಧರ್ಮಾಧಿಕಾರಿ ಶ್ರೀ ವೀರೇಂದ್ರ ಹೇಗ್ಗಡೆರ್ ಕಾರ್ಯಾಲಯ ಉದಿಪನ ಮಲ್ತುದ್,ಸಭಾಂಗಣೊಡ್ ಸ್ವಾಗತ ಸಮಿತಿದ ಉದಿಪನ ನಡತುಂಡ್.ಈ ಪೊರ್ತುಡ್ ಪುತ್ತಿಗೆ ಪರ್ಯಾಯದ ಲಾಂಛನೊನ್ ಹೆಗ್ಡೆರ್ ಬುಡುಗಡೆ ಮಲ್ತೆರ್.

ಜಗದ್ಗುರು ಮಹಾಸಂಸ್ಥಾನದ ಪುತ್ತಿಗೆ ಮಠದ ಮಲ್ಲ ಯೋಜನೆಯಾಯಿನ ಕೋಟಿಗೀತಾಲೇಖನಯಜ್ಞದ ಬಗೆಟ್ ಉಲ್ಲೇಖ..ಲಾಂಛನೊಡ್ ಉಂಡು.

ವಿಶ್ವೊಗ್ ಶಾಂತಿ ತಿಕ್ಕೊಡಾಂಡ ಶ್ರೀ ಕ್ರಷ್ಣನ ಸಂದೇಶ ಬಾರೀ ಅಗತ್ಯ ಉಂಡು.ಕೋಟಿಗೀತಾಲೇಖನಯಜ್ಞೊನ್ ವಿಶ್ವದಾದ್ಯಂತ ಪರಪಾವುನ ಬೇಲೆ ಮಲ್ದಿನವ್ ಬಾರೀ ಕುಷಿತ್ತ ಸಂಗತಿ ಪಂಡುದ್ ವೀರೇಂದ್ರ ಹೆಗ್ಗಡೆರ್ ಪಂಡೆರ್.

ಗ್ರಾಮೀಣಾಭಿವೃದ್ಧಿದ ಕಾರ್ಯಕರ್ತೆರ್ ಪರ್ಯಾಯಗ್ ಸಂಪೂರ್ಣ ಸಹಕಾರ ಕೊರ್ಪ ಪಂಡುದ್ ಈ ಪೊರ್ತುಡ್ ಪಂಡೆರ್.ಈ ಸರ್ತಿದ ಪರ್ಯಾಯ ವಿಶ್ವಪರ್ಯಾಯ ಆವಡ್ ಪಂಡೆರ್.

ಈ ಪೊರ್ತುಡ್ ಕಟೀಲುದ ಅಸ್ರಣ್ಣೆರ್,ಕುಂಭಾಶಿ ಸೂರ್ಯನಾರಾಯಣ ಉಪಾಧ್ಯಾಯ, ಅಧ್ಯಕ್ಷೆರಾಯಿನ ಎಚ್.ಎಸ್.ಬಲ್ಲಾಳ್,ಕಾರ್ಯಾಧ್ಯಕ್ಷೆರಾಯಿನ ಕೆ.ರಘುಪತಿ ಭಟ್,ಕಾಪು ಕ್ಷೇತ್ರದ ಶಾಸಕೆರಾಯಿನ ಗುರ್ಮೆ ಸುರೇಶ್ ಶೆಟ್ಟಿ, ಉಡುಪಿ ಶಾಸಕೆರಾಯಿನ ಯಶ್ಪಾಲ್ ಸುವರ್ಣ,ಸಮಿತಿದ ಪ್ರಧಾನ ಕಾರ್ಯದರ್ಶಿ ಬೆಳಪು ದೇವಿಪ್ರಸಾದ್ ಶೆಟ್ಟಿ, ಮಾಜಿ ಸಚಿವೆರಾಯಿನ ಪ್ರಮೋದ್ ಮಧ್ವರಾಜ್,ಶ್ರೀ ಹೇರಂಜೆ ಕ್ರಷ್ಣ ಭಟ್,ಕೋಶಾಧಿಕಾರಿ ನಾಗೇಶ್ ಹೆಗ್ಡೆ,ರಂಜನ್ ಕಲ್ಕೂರ,ಹರಿಕ್ರಷ್ಣ ಪುನರೂರು,ಪುರುಷೋತ್ತಮ ಶೆಟ್ಟಿ, ಜಯಕರ ಶೆಟ್ಟಿ ಇಂದ್ರಾಳಿ,ಮಟ್ಟಾರು ರತ್ನಾಕರ್ ಹೆಗ್ಡೆ,ಭುವನಪ್ರಸಾದ್ ಹೆಗ್ಡೆ ಉಪಸ್ಥಿತರಿತ್ತೆರ್.