ವಿಶ್ವಗುರುಕುಲಾಯಿನ ಶ್ರೀ ಮಧ್ವಾಚಾರ್ಯೆರ್ ಅಮೋಘವಾಯಿನ ಕೊಡುಗೆ ಕೊರ್ತೆರ್:ಪುತ್ತಿಗೆ ಶ್ರೀ..

ವಿಶ್ವಗುರುಕುಲಾಯಿನ ಶ್ರೀಮಧ್ವಾಚಾರ್ಯೆರು ಸಜ್ಜನೆರೆನ ಉದ್ಧಾರಗಾದ್ ಅಪೂರ್ವವಾಯಿನ ಕೊಡುಗೆ ಕೊರ್ತೆರ್. .

ಪ್ರಸ್ಥಾನ ತ್ರಯಲೆಗ್ ಅತ್ಯದ್ಭುತವಾಯಿನ ವ್ಯಾಖ್ಯಾನನ್ ಮಲ್ದೆರ್. ಶ್ರೀಮಧ್ವಾಚಾರ್ಯೆರ್ ಕೊರಿನ ಗ್ರಂಥೊಲು ಅತ್ಯಂತ ವಿಮರ್ಶಾತ್ಮಕವಾತುಂಡ್. ಅಯಿಟುಲಾ ಆರು ರಚನೆ ಮಲ್ದಿನ ಮಹಾಭಾರತ ತಾತ್ಪರ್ಯ ನಿರ್ಣಯ ಅತ್ಯುತ್ಕೃಷ್ಟ ವಿಮರ್ಶಾತ್ಮಕ ಗ್ರಂಥವಾದುಂಡ್..

ಈ ಗ್ರಂಥಲೆನ ಅಧ್ಯಯನಡಾದ್ ಉತ್ತಮವಾಯಿನ ಗೇನೊನ್ ಪಡೆತೊನೊಲಿ ಪಂಡುದು ಪುತ್ತಿಗೆ ಶ್ರೀಪಾದೆರು ತೆರಿಪಾದೆರ್.

ಆರು ಇನಿ ಬೆಂಗಳೂರುಡುಪ್ಪುನ ಶ್ರೀ ಪ್ರಸನ್ನ ಆಚಾರ್ಯೆರೆನ ಇಲ್ಲಡ್ ನಡತಿನ ತಾತ್ಪರ್ಯ ನಿರ್ಣಯ ಗ್ರಂಥದ ಮಂಗಳೋತ್ಸವಡ್ ಅನುಗ್ರಹ ಸಂದೇಶನ್ ಕೊರಿಯೆರು.

ಶ್ರೀ ಪ್ರಸನ್ನ ಆಚಾರ್ಯೆರೆನ ಮಗೆ ಚಿ. ಸಾತ್ವಿಕಗ್ ಪ್ರಸಿದ್ಧ ವಿದ್ವಾಂಸೆರಾಯಿನ ಪ್ರೊ ಹರಿದಾಸ ಭಟ್ಟೆರ್ ಕರಿನ ಕೆಲವು ತಿಂಗೊಲುಡಿಂಚಿ ಮಹಾಭಾರತ ತಾತ್ಪರ್ಯ ನಿರ್ಣಯ ಗ್ರಂಥದ ಪಾಠೊನ್ ಮಲ್ತೊಂದಿತ್ತೆರು. ಅಯಿತ್ತ ಮಂಗಳೋತ್ಸವದ ನಿಮಿತ್ತವಾದ್ ನಡತಿನ ಸಭಾ ಕಾರ್ಯಕ್ರಮಡ್ ವಿದ್ವಾನ್ ಹರಿದಾಸ ಭಟ್ಟೆರು ಮಧ್ವಾಚಾರ್ಯೆರ ಗ್ರಂಥೊಲೆನ ಮಹತ್ವನ್ ತೆರಿಪಾಯೆರು. ಚಿ.ಸಾತ್ವಿಕ‌ ಗ್ರಂಥದ ಅನುವಾದನ್ ಮಲ್ತೆ..

ಪರಮಪೂಜ್ಯ ಶ್ರೀಪಾದೆರೆನ ಮುಖ್ಯ ಕಾರ್ಯದರ್ಶಿಲಾಯಿನ ವಿದ್ವಾನ್ ಎಂ.ಪ್ರಸನ್ನ ಆಚಾರ್ಯೆರೆನ ಇಲ್ಲಡ್ ಇನಿ ಶ್ರೀಪುತ್ತಿಗೆ ಮಠದ ಸಂಸ್ಥಾನ ಪೂಜೆ, ಯತಿ ಭಿಕ್ಷೆ ಬೊಕ್ಕ ಮಹಾಭಾರತ ತಾತ್ಪರ್ಯ ನಿರ್ಣಯ ಗ್ರಂಥದ ಮಂಗಳ ಬೊಕ್ಕ ಬದರೀಯಾತ್ರೆದ ಸಮರ್ಪಣಾ ಕಾರ್ಯಕ್ರಮೊಲು ಬಾರೀ ಗೌಜಿಡ್ ನಡತುಂಡ್.

*ಈ ಸಂದರ್ಭಡ್ 108 ಭಕ್ತೆರೆಗ್ ಗೀತಾಲೇಖನ ಯಜ್ಞದ ದೀಕ್ಷೆನ್ ಕೊರಿಯೆರ್.

ಪ್ರಸಿದ್ಧ ವಿದ್ವಾಂಸೆರು ಬೊಕ್ಕ ಮಠದ ಅಭಿಮಾನಿಲು ಉಪಸ್ಥಿತರಿತ್ರೆರು.