ತಿರುಮಲ ಸನ್ನಿಧಿಡ್ ಲಡ್ಡುಪ್ರಸಾದ ಘಟನೆ ಖಂಡನೀಯ.

ತಿರುಮಲ ಸನ್ನಿಧಿಯಲ್ಲಿ ನಡೆದ ಲಡ್ಡೂಪ್ರಸಾದ ಘಟನೆ ಅತ್ಯಂತ ಖಂಡನೀಯ
~~~~~~
ಪರ್ಯಾಯಶ್ರೀಪುತ್ತಿಗೆಶ್ರೀಪಾದೆರು.

ತಿರುಮಲ ಕ್ಷೇತ್ರಡ್ ಲಡ್ಡೂ ಪ್ರಸಾದಡ್ ನಡತಿನ ಕಲಬೆರಕೆದ  ಘಟನೆ ಬಾರೀ  ಖಂಡನೀಯ ಬೊಕ್ಕ ಅಕ್ಷಮ್ಯ ಅಪರಾಧ. ಪರ್ಯಾಯ ಶ್ರೀಪುತ್ತಿಗೆ ಶ್ರೀಪಾದೆರು.
ಹಿಂದೂ ಧರ್ಮೀಯೆರೆನ  ಅತ್ಯಂತ ಪ್ರಮುಖ ಶ್ರದ್ಧಾಕೇಂದ್ರವಾಯಿನ  ತಿರುಪತಿದ  ಶ್ರೀವೇಂಕಟೇಶ್ವರ ದೇವೆರೆನ  ಪರಮ ಪಾವನವಾದ ನೈವೇದ್ಯ ಪ್ರಸಾದನ್ ಕಲಬೆರಕೆದ  ತುಪ್ಪನ್  ಮಿಶ್ರಣ ಮಲ್ಪುನ ಮೂಲಕ ಮಲ್ಲ ಅಪಚಾರನ್  ಮಲ್ದುಂಡ್. ಈ ಮೂಲಕ ಬಾರೀ ಮಲ್ಲ ಧಾರ್ಮಿಕ ಸಮಾಜಗ್ ಬೇನೆ ಆದಿತ್ತುದ್  ಖಂಡನೀಯ ಬೊಕ್ಕ ಅಕ್ಷಮ್ಯ ಅಪರಾಧವಾದುಂಡ್.
ದೇವಸ್ಥಾನ ಬೊಕ್ಕ  ಮಠ ಮಂದಿರದ ಮಿತ್ತ್  ನಿರಂತರವಾದ್  ನಡತೊಂದುಪ್ಪುನ ಆಕ್ರಮಣಲೆನ್ ಶಾಶ್ವತವಾದ್  ತಡೆಪೊಡು. ನೆಕ್ಕಾದ್  ರಾಜಕೀಯ ಪಕ್ಷಲೆನ ಕಪಿಮುಷ್ಟಿಡ್ ದೇವಸ್ಥಾನ ಬೊಕ್ಕ ಮಠ ಮಂದಿರಲೆನ್  ಮುಕ್ತ ಮಲ್ಪೊಡ್. ಸನಾತನ ಧರ್ಮದ ಸಂರಕ್ಷಣೆಗಾದ್  ರಾಷ್ಟ್ರ ಮಟ್ಟಡ್  ಸಂತೆರೆನ ಪೀಠಾಧಿಪತಿಲೆನ  ನೇತೃತ್ವದ ಮಾರ್ಗದರ್ಶಕ ಮಂಡಳಿನ್  ರಚನೆ ಮಲ್ಪೊಡ್. ಒವ್ವೇ  ಕಾರಣಗುಲಾ  ರಾಜಕೀಯ ಹಸ್ತಕ್ಷೇಪ ಇಪ್ಪರೆಗ್ ಬಲ್ಲಿ ಪಂಡುದು ಪರ್ಯಾಯ ಶ್ರೀಪುತ್ತಿಗೆ ಶ್ರೀಕೃಷ್ಣ ಮಠದ ಪೀಠಾಧಿಪತಿಲಾಯಿನ ಪರಮಪೂಜ್ಯ ಶ್ರೀ ಶ್ರೀ ಸುಗುಣೇಂದ್ರತೀರ್ಥ ಶ್ರೀಪಾದೆರು ತೆರಿಪಾಯೆರು.
ಶ್ರೀ ಭಂಡಾರಿಕೇರಿ ಮಠಾಧೀಶೆರೆಡ್ದ್ ಖಂಡನೆ.
ತಿರುಪತಿಡ್  ಶ್ರೀನಿವಾಸನ ಸನ್ನಿಧಿಡ್  ನಡಪುನ ಅಪಚಾರನ್  ತೀರ್ವವಾದ್ ಖಂಡಿಸಾದ್  ಧರ್ಮ ಸಂಸತ್ ನ್  ರಚನೆ ಮಲ್ತುದ್ ಆ ಮೂಲಕ ರಾಜಕೀಯ ಪಕ್ಷಲೆನ  ಹಸ್ತಕ್ಷೇಪಡಾದ್  ಮುಕ್ತ ಮಲ್ಪೊಡ್  ಪಂಡುದು ಶ್ರೀಭಂಡಾರಕೇರಿ ಮಠಾಧೀಶೆರಾಯಿನ  ಪರಮಪೂಜ್ಯ ಶ್ರೀ ಶ್ರೀ ವಿದ್ಯೇಶತೀರ್ಥಶ್ರೀಪಾದೆರು ತೆರಿಪಾಯೆರು.
...