ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ಉಡುಪಿ ವತಿಡ್ದ್ ಪ್ರತಿಭಟನೆ

ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ಉಡುಪಿ ವತಿಡ್ದ್ ಸೌಜನ್ಯ ಪ್ರಕರಣಗ್ ತಾರ್ಕಿಕ ಅಂತ್ಯ ಮಲ್ಪೊಡ್ ಪಂಡುದು ಆಗ್ರಹ ಮಲ್ತುದ್ ವಿದ್ಯಾರ್ಥಿ ಸಭೆನ್ ಮಲ್ತೆರ್.

ನಗರದ ಹೃದಯ ಭಾಗವಾಯಿನ ಬೋರ್ಡ್ ಶಾಲಾ ಮೈದಾನಡ್ಮ 11 ಗಂಟೆಗ್ ಸಭೆಬಸೇರ್ದ್ ಸುರುಕ್ ಮೌನಾಚರಣೆ ಮಲ್ತುದ್ ನಡೆಸಿ ನಂತರ ಎಬಿವಿಪಿ ತಾಲೂಕು ಸಂಚಾಲಕೆರಾಯಿನ ಅಜಿತ್ ಜೋಗಿ ಪ್ರಾಸ್ತಾವಿಕವಾದ್ ಪಾತೆರ್ದ್ ಸೌಜನ್ಯ ಪ್ರಕರಣ ನಡತಿನಪಗ 11 ವರ್ಷ ಪಿರಾವುಡ್ ಸುರುಕ್ ಸಾರಗಟ್ಟಲೆ ಸಂಖ್ಯೆಡ್ ವಿದ್ಯಾರ್ಥಿಲೆನ್ ಒಟ್ಟು ಸೇರ್ಪಾದ್ ಪ್ರಕರಣದ ಗಂಭೀರತೆನ್ ಸರಕಾರಗ್ ಬೊಕ್ಕ ಸಮಾಜಗ್ ತೆರಿಪಾದ್ ಸಿಬಿಐ ತನಿಖೆ ಕೈಕ್ ದೆತೊನಮುಟ್ಟ ಅ.ಭಾ.ವಿ.ಪ ಹೋರಾಟ ಮಲ್ದಿತ್ತುಂಡ್ ಪಂಡೆರು.

ಬೊಕ್ಕ ನಗರ ಕಾರ್ಯದರ್ಶಿ ಶ್ರೀವತ್ಸ ಮೇರು ಪಾತೆರ್ದ್ ಸೌಜನ್ಯ ಪ್ರಕರಣದ ಬಗೆಟ್ ಉಚ್ಚ ನ್ಯಾಯಾಲಯ ಇತ್ತೆ ಸಾರ್ವಜನಿಕ ಹಿತಾಸಕ್ತಿ ದಾವೆಗ್ ಉತ್ತರ ಕೊರ್ಪ ಪಂಡುದ್ ಪಂಡಿಲೆಕ್ಕ ಈ ಪ್ರಕರಣ ತಾರ್ಕಿಕ ಅಂತ್ಯ ಆವೊಡಾಂಡ ನ್ಯಾಯಾಲಯಡ್ ಮೇಲ್ಮನವಿನ್ ಸೌಜನ್ಯ ಕುಟುಂಬದಕುಲು ಅತ್ತುಂಡ ಸಿಬಿಐ ತನಿಖಾ ತಂಡ ಬೊಕ್ಕ ರಾಜ್ಯ ಸರ್ಕಾರಗ್ ಅವಕಾಶವಿತ್ತುದ್ ಈ ಬಗೆಟ್ ವಿಚಾರದ ಗಂಭೀರತೆನ್ ತೆರಿದ್ ಸಿದ್ಧರಾಮಯ್ಯ ನೇತೃತ್ವದ ರಾಜ್ಯ ಸರ್ಕಾರ ನ್ಯಾಯಾಲಯಡ್ ಮೇಲ್ಮನವಿನ್ ಪಾಡೊಡ್ ಇಜ್ಜಾಂಡ ಸಮಾಜಡ್ ಉಂದುವೇ ರೀತಿ ದ್ವಂದ್ವ ಧ್ವೇಷ ಆವೇಶದ ವಾತಾವರಣ ಇಂಚೆನೇ ದುಂಬರಿಯುಂಡ್ ಪಂಡುದು ಪಂಡೆರು.

ಪ್ರಕರಣಗ್ ತಾರ್ಕಿಕ ಅಂತ್ಯೊನ್ ಸಂಬಂಧಪಟ್ಟಿನ ವ್ಯಕ್ತಿ, ಸಂಸ್ಥೆ ಮುಖ್ಯವಾದ್ ಸರ್ಕಾರ ನ್ಯಾಯಾಲಯಡ್ ಮೇಲ್ಮನವಿ ಮಲ್ಪುನ ಮುಖೇನ ಮಲ್ಪೊಡ್ ಪಂಡುದು ಎಬಿವಿಪಿ ಈ ಸಭೆತ್ತ ಮೂಲಕ ಆಗ್ರಹ ಮಲ್ತುಂಡ್.

ಈ ಸಭೆಟ್ ನಗರ ಸಹ ಕಾರ್ಯದರ್ಶಿ ಕಾರ್ತಿಕ್, ಭಾವನಾ, ನಗರ ವಿದ್ಯಾರ್ಥಿನಿ ಪ್ರಮುಖ್ ಸಂಹಿತಾ, ಕೃತಿ, ನಗರ ಹೋರಾಟ ಪ್ರಮುಖ್ ಭೂಷಣ್, ಪ್ರಸನ್ನ ಬೊಕ್ಕ ಪ್ರಮುಖೆರಾಯಿನ ಮಂಗಳಗೌರಿ, ಮನು,ಶಶಾಂಕ್,ಸ್ವಸ್ತಿಕ್,ನವೀನ್,ಪ್ರದೀಪ್, ಅನೀಶ್,ಸಂದೀಪ್, ಶ್ರೀಹರಿ ಬೊಕ್ಕ 200ಕ್ ಲಾ ಜಾಸ್ತಿ ಜನ ಸದಸ್ಯರಿತ್ತೆರು.