ರೋಟರಿ ಗೇನಸಿರಿ ಮುಗಿತಲ ಲೇಸ್ – ತುಲು ಲಿಪಿ ಕಲ್ಪಾದಿಲೆಗ್ ಮಾನಾದಿಗೆ

ರೋಟರಿ ಗೇನಸಿರಿ ಮುಗಿತಲ ಲೇಸ್ – ತುಲು ಲಿಪಿ ಕಲ್ಪಾದಿಲೆಗ್ ಮಾನಾದಿಗೆ

ರಾಜ್ಯೊರ್ಮೆ ಪ್ರಾದೇಶಿಕ ಸಂಸ್ಕೃತಿ, ಬಾಸೆಲೆನ ಬುಲೆಚ್ಚಿಲ್‌ದ ಲೇಸ್‌ಲ್‌ ನಡಪೊಡ್, ತುಲುಕ್ ಎಡ್ಡೆ ಮಾನಾದಿಗೆ ತಿಕ್ಕ್‌ತ್ ನಮ್ಮ ತುಲುವೆರೆನ್ ಗೌರವಿಸಾವುಲೆಕ ಆವೊಡು. ಅಂಚೆನೇ ತುಲುನಾಡ್‌ದ ಮಾತೆರ್ಲ ತುಲು ಲಿಪಿ ಕಲ್ತ್‌ದ್ ದುಂಬುದ ಪೀಳಿಗೆಗೆ ತುಲು ಬಾಸೆ, ಸಂಸ್ಕೃತಿ ಒರಿಪಾಯರ ಪುನೆವೊಡುನ್ಡ್ ರೋಟರಿ ಜಿಲ್ಲೆ 3181 ದ ರಾಜ್ಯಪಾಲೆರ್ ಪ್ರಕಾಶ್ ಕಾರಂತ್ ಪಂಡೆರ್.
ರೋಟರಿ ಬಾಲಭವನ ಮಣ್ಣಗುಡ್ಡೆ ಮುಲ್ಪ ತೇದಿ 25-11-2022 ಸುಕ್ರಾರ ನಡತ್‌ನ ರೋಟರಿ ಕ್ಲಬ್ ಬೈಕಂಪಾಡಿ ಮುಕ್ಲೆನ ಗೇನಸಿರಿ ಮುಗಿತಲ ಲೇಸ್‌ನ್ ಉದಿಪನ ಮಲ್ತ್ ಪಾತೆರ್ಯೆರ್.
ಗೇನಸಿರಿ ಲೇಸ್‌ದ ಸಂಚಾಲಕೆರ್ ಶ್ರೀಕಾಂತ್ ಶೆಟ್ಟಿ ಬಾಳ ಪಾತೆರ್ದ್,
ರೋಟರಿ ಜಿಲ್ಲಾ ಯೋಜನೆದ ಲೆಕ್ಕೊಡ್ ಈ ಲೇಸ್‌ನ್ ಮಲ್ತ್‌ದ್ ಆನ್ಲೈನ್ ಮುಕೇನ ತುಲು ಲಿಪಿ ಕಲ್ಪಾವುನ ಈ ಕಜ್ಜೊಡ್ 150 ರ್ದ್ ಜಾಸ್ತಿ ಜನಕುಲು ಕಲ್ತ್‌ದ್ ಉಂದೆತ ಪ್ರಯೋಜನ ಪಡೆತೆರ್, ಪಿದಯಿ ಜಿಲ್ಲೆದ ಆಸಕ್ತೆರ್‌ಲ ಪಾಲ್ ಪಡೆಯಿನ ಕುಸಿ ಕೊರ್ತ್ಂ‌ಡ್ಂಡ್ ಪಂಡೆರ್.
ರೋಟರಿ ಉಪರಾಜ್ಯಪಾಲೆರ್ ಬಾಲಕೃಷ್ಣ ಶೆಟ್ಟಿ, ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಮಾಜಿ ಪದುಕೆರ್ ನಾಗೇಶ್ ಕುಲಾಲ್ ಮಲ್ಲಬಿನ್ನೆರಾದ್ ಪಾಲ್ ಪಡೆತ್ ಎಡ್ಡೆಪ್ಪು ಬಯಕಿಯೆರ್.
ತುಲು ಲಿಪಿ ಕಲ್ಪಾದಿಲು (ಶಿಕ್ಷಕೆರ್) ಆಯಿನ ಜಗದೀಶ ಗೌಡ ಕಲ್ಕಳ, ಕಿನ್ನು ಭಂಡಾರಿ ಒಡಿಪು,
ಕುಶಾಲಾಕ್ಷಿ ಸೂರಿಂಜೆ, ಉಷಾ ಕೃಷ್ಣಾಪುರ ಮುಕ್ಲೆಗ್ ಮಾನಾದಿಗೆ ಮಲ್ತೆರ್.

ತುಳುನಾಡ್‌ದ ಶೈಲಿದ ವನಸ್‌ದ ಅಟ್ಟನೆ ಇತ್ತುಂಡ್.
ರೋಟರಿ ಜಿಲ್ಲಾ ಸಾಕ್ಷರತ ಸಂಚಾಲಕೆ ಪ್ರಸಾದ್ ಪ್ರಭು, ಗೇನಸಿರಿ ಲೇಸ್‌ದ ಕಾರ್ಯಂತೆರ್ ಗಂಗಾಧರ್ ಬಂಜನ್, ಕ್ಲಬ್‌ದ ಮಾತ ಪದುಕೆರ್ ಕುಟುಮ ಸಮೇತ ಪಾಲ್ ಪಡೆದಿತ್ತೆರ್.
ರೋಟರಿ ಕ್ಲಬ್ ಬೈಕಂಪಾಡಿ ಗುರ್ಕಾರೆ ಅಶೋಕ್ ಎನ್ ಸುರತ್ಕಲ್ ಗುರ್ಕಾರ್ಮೆದ ಮಣೆಟ್ ಇತ್ತೆರ್.
ಸಾನ್ವಿ ಶೆಟ್ಟಿ ತುಲುನಾಡ್‌ದ ನಲಿಕೆದ ಮುಕೇನ ಮಾತೆರೆನ್ಲ ಎದ್ಕೊಂಡೆರ್.
ಶ್ರೀಮತಿ ಅರ್ಪಿತಾ ಶೆಟ್ಟಿ ಲೇಸ್ ಸುದಾರ್ತ್ ಕೊರ್ಯೆರ್.
ದಿನೇಶ್ ಬಂಗೇರ ಸುಗಿತ್‌ದ್, ಕಾರ್ಯಂತೆರ್ ಹರೀಶ್ ಬಿ ಶೆಟ್ಟಿ ಸೊಲ್ಮೆ ಸಂದಾಯ ಮಲ್ತೆರ್.