ಉಗ್ಗೆಲುಗ್ ಬೂರ್ದಿನ ನಾಯಿದ ರಕ್ಷಣೆ: ಇನ್ನಂಜೆಡ್ ನಡತಿನ ಘಟನೆ

ಉಗ್ಗೆಲುಗ್ ಬೂರ್ದಿನ ನಾಯಿನು ರಕ್ಷಣೆ ಮಲ್ಪುನ ಘಟನೆ ಇನ್ನಂಜೆ ಗ್ರಾಮೊಡ್ ನಡತುಂಡ್.

ಸುಮಾರು ಮೂಜಿ ದಿನೊಡ್ದಿಂಚಿ ಶಾಂತ ಆಚಾರ್ಯ ಮೆರೆನ ಉಗ್ಗೆಲುಡ್ ನಾಯಿ ಆಕಸ್ಮಿಕವಾದ್ ಬೂರ್ದಿತ್ತುಂಡ್.ಉಂದೆನ್ ತೂಯಿನ ಶಾಂತ ಆಚಾರ್ಯ ಮೇರು ಇನ್ನಂಜೆ ಗ್ರಾಮ ಪಂಚಾಯತಿದ ಸದಸ್ಯೆರಾಯಿನ ಸುನೀತಾ ಸಂಜೀವ ಮೂಲ್ಯ ಮೆರೆನ್ ಸಂಪರ್ಕ ಮಲ್ತುದ್ ನಾಯಿನ್ ರಕ್ಷಣೆ ಮಲ್ಪರೆಗ್ ವಿನಂತಿ ಮಲ್ತಿನಪಗ ಆ ಜಾಗೆಗ್ ಬತ್ತುದ್ ತೂಯಿನ ಶ್ರೀಮತಿ ಸುನೀತಾ ಮೇರು ಪ್ರಾಣಿಲೆನ ಮಿತ್ತ್ ಕಾಳಜಿ ಉಪ್ಪುನ ಅಕ್ಷತಾ ಕುಲಾಲ್, ಅಕ್ಷಯ್ ಕುಲಾಲ್ ಬೊಕ್ಕ ಅಕ್ಷಿತ್ ಮೊಕ್ಲೆನ್ ಸಂಪರ್ಕ ಮಲ್ತುದ್ ಜಾಗೆಡ್ ಉಂತುದ್ ನಾಯಿದ ರಕ್ಷಣೆ ಮಲ್ಪರೆಗ್ ತಯಾರಿ ಮಲ್ತೆರ್. ಉಗ್ಗೆಲುಗ್ ಬಲ್ಲು ಪಾಡುದ್ ನಾಯಿನ್ ಉಗ್ಗೆಲುಡ್ದ್ ಮಿತ್ತು ಒಯ್ತೆರ್. ನಾಯಿದ ಜೀವ ಒರಿಪಾಯೆರ್ .ಈ ಪೊರ್ತುಡ್ ಸಂಜೀವ ಮೂಲ್ಯ, ಸ್ವಾತಿ ಉಪಸ್ಥಿತೆರಿತ್ತುದ್ ಸಹಕಾರ ಮಲ್ತೆರ್.

ಜನಕ್ಲೆನ ಓಟುಗ್ ಮಾತ್ರ ಬಿಲೆ ಕೊರ್ದ್ ಜನಕ್ಲೆನ್ ಮಾತ್ರ ಮೆಚ್ಚಾವುನ ಈ ಕಾಲೊಡ್ ಪ್ರಾಣಿಲೆನ ಮಿತ್ತ್ ಕಾಳಜಿ ದೀಯೊಂದ್ ನಾಯಿನ್ ರಕ್ಷಣೆ ಮಲ್ತಿನವ್ವೆನ್ ನಿಜವಾದುಲಾ ಮೆಚ್ಚೊಡಾಯಿನವ್ವ್. ಪಂಡುದ್ ಸ್ಥಳೀಯೆರು ಸುನೀತಾ ಬೊಕ್ಕ ಅರೆನ ತಂಡೊಗ್ ಅಭಿನಂದನೆ ಮಲ್ತೆರ್.