ಮಾ.19ಗ್ ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ರಜತ ಮಹೋತ್ಸವ ಉದಿಪನ
ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘ ನೆತ್ತ ರಜತ ಮಹೋತ್ಸವದ ಉದ್ಘಾಟನಾ ಸಮಾರಂಭ ಮಾ.19ತಾರೀಕುಗ್ ಐತಾರದಾನಿ ಮಧ್ಯಾಹ್ನ 2ಗಂಟೆಗ್ ಉಡುಪಿ ಎಂಜಿಎಂ ಕಾಲೇಜಿದ ರವೀಂದ್ರ ಮಂಟಪಡ್ ನಡಪರೆಗುಂಡ್ ಪಂಡುದು ರಜತ ಮಹೋತ್ಸವ ಸಮಿತಿದ ಸಂಚಾಲಕ ಮುಹಮ್ಮದ್ ಶರೀಫ್ ತೆರಿಪಾದೆರ್.
ಉಡುಪಿ ಪತ್ರಿಕಾ ಭವನಡ್ ಸುದ್ದಿಗೋಷ್ಠಿಡ್ ಪಾತೆರಿನ ಆರು, ಸಮಾರಂಭನ್ ನಿವೃತ್ತ ಲೋಕಾಯುಕ್ತ ನ್ಯಾಯಮೂರ್ತಿ ಎನ್.ಸಂತೋಷ್ ಹೆಗ್ಡೆ ಉದಿಪನ ಮಲ್ಪುವೆರ್. ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷ ರಾಜೇಶ್ ಶೆಟ್ಟಿ ಅಲೆವೂರು ಅಧ್ಯಕ್ಷತೆಡಿಪ್ಪುವೆರ್.
ಮುಖ್ಯ ಅತಿಥಿಲಾದ್ ಕರ್ನಾಟಕ ಕಾರ್ಯನಿರತ ಪತ್ರಕರ್ತರ ಸಂಘದ ರಾಜ್ಯಾಧ್ಯಕ್ಷ ಶಿವಾನಂದ ತಗಡೂರು, ಉಪಾಧ್ಯಕ್ಷ ಬೊಕ್ಕ ಉಡುಪಿ ಜಿಲ್ಲಾ ಉಸ್ತುವಾರಿ ಅಜ್ಜಮಾಡ ರಮೇಶ್ ಕುಟ್ಟಪ್ಪ, ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಸ್ಥಾಪಕ ಉಪಾಧ್ಯಕ್ಷ ಎ.ಎಸ್.ಎನ್.ಹೆಬ್ಬಾರ್ ಪಾಲ್ ಪಡೆಯರೆಗುಲ್ಲೆರ್. ಇಂಡಿಯನ್ ಫೆಡರೇಶನ್ ಆಫ್ ವರ್ಕಿಂಗ್ ಜರ್ನಲಿಸ್ಟ್ ನೆತ್ತ ಸದಸ್ಯೆರಾಯಿನ ಅರುಣ್ ಕುಮಾರ್ ಶಿರೂರು, ಕರ್ನಾಟಕ ಕಾರ್ಯನಿರತ ಪತ್ರಕರ್ತರ ಸಂಘದ ರಾಜ್ಯ ಸಮಿತಿ ಸದಸ್ಯ ಕಿರಣ್ ಮಂಜನಬೈಲು ಗೌರವ ಉಪಸ್ಥಿತಿಡುಪ್ಪುವೆರು.
ಈ ಸಂದರ್ಭಡ್ ಸಂಘದ ಸ್ಥಾಪಕ ಪ್ರಧಾನ ಕಾರ್ಯದರ್ಶಿ ಆಯಿನ ಯು.ಎಸ್.ಶೆಣೈ ಮೆರೆನ್ ಮಾನಾದಿಗೆ ಮಲ್ಪುವೆರ್. ಅಂಚೆನೇ ಸ್ಥಾಪಕ ಪದಾಧಿಕಾರಿಲು ಬೊಕ್ಕ ಸದಸ್ಯರೆನ್ ಮಾನಾದಿಗೆ ಮಲ್ಪುವೆರ್. ಹಿರಿಯ ಪತ್ರಕರ್ತ ಬಿ.ರವೀಂದ್ರ ಶೆಟ್ಟಿ ಆರು ಬರೆಯಿನ ‘ನಮ್ಮ ಉಡುಪಿ’ ಪುಸ್ತಕ ಬುಡುಗಡೆ ಆವರೆಗುಂಡ್. ಸಭಾ ಕಾರ್ಯಕ್ರಮಗ್ ದುಂಬು ರಸಮಂಜರಿ ಕಾರ್ಯಕ್ರಮ ನಡಪರೆಗುಂಡ್ ಪಂಡುದು ಆರು ತೆರಿಪಾಯೆರು.
ಸುದ್ದಿಗೋಷ್ಠಿಡ್ ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷ ರಾಜೇಶ್ ಶೆಟ್ಟಿ ಅಲೆವೂರು, ಸಂಘದ ಪ್ರಧಾನ ಕಾರ್ಯದರ್ಶಿ ನಝೀರ್ ಪೊಲ್ಯ, ಸಮಿತಿಯ ಪ್ರಧಾನ ಕಾರ್ಯದರ್ಶಿ ಜಯಕರ ಸುವರ್ಣ, ಕೋಶಾಧಿಕಾರಿ ಉಮೇಶ್ ಮಾರ್ಪಳ್ಳಿ ಉಪಸ್ಥಿತರಿತ್ತೆರು.
by 