ತುಳು ಸೆಬಿ ಸವಾಲ್ ಡ್ ಪಾಲ್ ಪಡೆಲೆ ಇನಾಮು ಗೆಂದುಲೆ..

ಅ.30 ತಾರೀಕುದಾನಿ ತುಳು ಸಬಿ ಸವಾಲ್ -2

ಮಂಗಳೂರು: ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ, ತುಲುವೆರ್ ಕುಡ್ಲ ಮತ್ತು ರಿಷಿ ಸಾಮಾಜಿಕ ಸಾಂಸ್ಕೃತಿಕ ಪ್ರತಿಷ್ಠಾನ ಬೆಳ್ತಂಗಡಿ ಸಹಯೋಗಡ್ ಅ.30ತಾರೀಕುದಾನಿ ಉರ್ವಸ್ಟೋರ್‌ದ ತುಳು ಭವನೊಡ್ ತುಳು ಸಬಿಸವಾಲ್ -2 ರಸಪ್ರಶ್ನೆ ಪಂತೊ‌ ನಡಪರೆಗುಂಡ್.

ತುಳುನಾಡುದ ವೈಭವ, ಕಲೆ, ಸಂಸ್ಕೃತಿ, ವಿಚಾರೊಲೆನ್ ಒರಿಪಾದ್ ಬುಲೆಪಾವುನ ನಿಟ್ಟುಡ್ ಕಾರ್ಯಕ್ರಮೊಡ್ ತುಳು ಭಾಷೆ, ಸಂಸ್ಕೃತಿ, ಆಚರಣೆಲು, ಆಚಾರ -ವಿಚಾರೊಲು, ಒಗಟು, ಗಾದೆ ಪಾತೆರ, ಜಾನಪದ ನಲಿಕೆ, ಸಿನಿಮಾ, ನಾಟಕ, ಯಕ್ಷಗಾನ, ರಂಗಭೂಮಿ, ದೇವಸ್ಥಾನ, ದೈವಸ್ಥಾನೊಲು, ಪರ್ಬೊಲು, ಕಂಬುಲ , ಆಟ, ತುಳುನಾಡುದ ಸಾಧಕೆರೆನ ವಿಷಯೊಡ್ ಸವಾಲ್ ಉಪ್ಪುಂಡ್

. ಕಾಂಡೆ 9.30ಗ್ ಪಂತೊ ಸುರು ಆವರೆಗಿತ್ತುದ್ , 10 ವರ್ಷ ಮಿತ್ತುದಕುಲು ರಡ್ಡ್ ತಂಡ ಮಲ್ತುದ್ ಪಾಲ್ ಪಡೆಯೊಲಿ. ಸುರುತ್ತ ಸುತ್ತುಡ್ ಲಿಖಿತ ಪರೀಕ್ಷೆ ಇತ್ತುದ್ , ಐಟ್ ಎಡ್ಮ. ತಂಡೊನ್ ಫೈನಲ್‌ಗ್‌ ಆಯ್ಕೆ ಮಲ್ಪುಂಡ್. ಸುರುತ್ತ ಮೂಜಿ ತಾನೊ ಪಡೆಯಿನಕ್ಲೆಗ್ ಪಣವುದ ಇನಾಮು ತಿಕ್ಕುಂಡ್. ಪುದರ್ ನೋಂದಣಿ‌ ಬೊಕ್ಕ ಮಾಹಿತಿಗಾದ್‌ ಸಂಪರ್ಕ: 9901319694, 9449990789.