ತ್ಯಾಗ,ಸಹನೆ,ವಿಶ್ವಾಸದ ದ್ಯೋತಕವಾದುಪ್ಪುನ ಮಾತಾ ಕಾಲೊಡುಲಾ ಮಾನಾದಿಗೆ ದೆತೊನುನಾ ಪೊಂಜೊವುಲೆಗ್ ಮಾ.8 ತಾರೀಕುದಾನಿ ವಿಶೇಷ ದಿನನ್ ಕೊರ್ದ್ ಸಾರ್ವತ್ರಿಕ ವಾದ್ ಮಹಿಳಾ ದಿನಾಚರಣೆದ ಮುಖೇನ ಮಾನಾದಿಗೆ ಮಲ್ಪುವೆರ್.ಇನಿ ಮಾತಾ ರಂಗೊಡುಲಾ ಅಸಾಧ್ಯವಾಯಿನ ಸಾಧನೆನ್ ಮಲ್ತ್ ತೋಜಾದೊಲ್.ಆದರ್ಶ ಗ್ರಹಿಣಿಯಾದ್,ಇಲ್ಲಡ್ ಸಂತ್ರಪ್ತಿದ ಬದುಕು ನಡಪಾವುನ ಪೊಣ್ಣು ರಾಜ್ಯದ ರಾಣಿಯಾದ್,ದೇಶದ ಪ್ರಧಾನಿಯಾದ್,ರಾಷ್ಟಪತಿಯಾದ್ ದೇಶದ ಭವಿಷ್ಯೊನ್ ಬರೆತೊಲ್.ಮಾತೆಕುಲಾ ಸೈ ಪಂಡಿನ ಪೊಣ್ಣು ದುಂದುವೆಚ್ಚದ,ಸ್ವೇಚ್ಚಾಚಾರದ ಬದುಕುಗ್ ತನನ್ ಒಯ್ತೊಂದ್,ತನ್ನ ಅಹಂ ಮುಖೇನ ಸಮಾಜಗ್ ತೊಡಕಾಪಿನ ಸಂದರ್ಭೊಲ್ ಕೆಲವ್ ಕಡೆಟ್ ತೋಜಿದ್ ಬರ್ಪುಂಡ್.ಕಾಲ ಮಾತೆವೆನ್ಲಾ ಮದಪಾವುಂಡ್ ಪನ್ಪಿನ ನಂಬಿಕೆದೊಟ್ಟುಗ್ ಭವ್ಯ ಸಮಾಜದ ನಿರ್ಮಾಣದ ತಾದಿ ಪೊಣ್ಣನ ಸಂಸ್ಕಾರಯುತ ಸುಸಂಸ್ಕೃತ ಬದುಕುದೊಟ್ಟುಗ್ ಶುರು ಆವಡ್.ನಾರೀ ಶಕ್ತಿ ದೈವೀಶಕ್ತಿ ಆವಡ್.
ಮಹಿಳಾ ದಿನಾಚರಣೆದ ಎಡ್ಡೆಪ್ಪುಲು
ಚಂದ್ರಿಕಾ ಜಯಪ್ರಕಾಶ್,ಕಾರ್ಯದರ್ಶಿ ಒಡಿಯೂರು ಗ್ರಾಮವಿಕಾಸ ಯೋಜನೆ ಉಡುಪಿ ಜಿಲ್ಲೆ.
by 