10 ವೈದ್ಯ ದಂಪತಿಲೆಗ್ ಮಾನಾದಿಗೆ ನಡತಿನ ಪೊರ್ಲು..

ಕ.ಸಾ.ಪ.ಉಡುಪಿ ಜಿಲ್ಲೆ ಉಡುಪಿ ತಾಲೂಕು ಘಟಕ,ಸಂಸ್ಕ್ರತಿ ವಿಶ್ವ ಪ್ರತಿಷ್ಠಾನ (ರಿ) ಉಡುಪಿ ಮೊಕ್ಲೆನ ಒತ್ತುಸೇರಿಗೆಡ್,ಮಲಬಾರ್ ಗೋಲ್ಡ್ & ಡೈಮಂಡ್ಸ್ ಉಡುಪಿದ ಆಶ್ರಯೊಡ್ ವೈದ್ಯೆರೆನ ದಿನೊತ್ತ ಅಂಗವಾದ್ ವೈದ್ಯಕೀಯ ಸೇವೆಡ್ ತೊಡಗಿಸಾವೊಂದಿನ 10 ವೈದ್ಯ ದಂಪತಿಲೆಗ್ ಗೌರವ ಮಾನಾದಿಗೆ ನಡತುಂಡ್.

ಉಡುಪಿ ಜಿಲ್ಲಾಧಿಕಾರಿ ಕೂರ್ಮಾರಾವ್ ಮಲ್ಲ ಬಿನ್ನೆರಾದಿತ್ತುದ್ ವೈದ್ಯ ದಂಪತಿಲೆನ್ ಮಾನಾದಿಗೆ ಮಲ್ತುದ್ ಎಡ್ಡೆಪ್ಪು ಬಯಕಿಯೆರ್.ಕ.ಸಾ.ಪ.ದ ಉಡುಪಿ ಜಿಲ್ಲಾಧ್ಯಕ್ಷೇಅಯಿನ ನೀಲಾವರ ಸುರೇಂದ್ರ ಅಡಿಗ ಗುರ್ಕಾರ್ಮೆಡಿತ್ತೆರ್.

ಕಾರ್ಯಕ್ರಮೊಡ್ ಉಡುಪಿ ಸಂಸ್ಕ್ರತಿ ವಿಶ್ವ ಪ್ರತಿಷ್ಟಾನದ ಗೌರವಾಧ್ಯಕ್ಷೆರಾಯಿನ ವಿಶ್ವನಾಥ ಶೆಣೈ, ಅಧ್ಯಕ್ಷೆರಾಯಿನ ಪ್ರೊ. ಶಂಕರ್,ಕ.ಸಾ.ಪ.ಉಡುಪಿ ತಾಲೂಕು ಅಧ್ಯಕ್ಷೆರಾಯಿನ ರವಿರಾಜ್ ಎಚ್.ಪಿ.,ಕಾರ್ಯದರ್ಶಿ ಜನಾರ್ಧನ ಕೊಡವೂರು, ಮಲಬಾರ್ ಗೋಲ್ಡ್ & ಡೈಮಂಡ್ಸ್ ದ ಉಡುಪಿ ಮುಖ್ಯಸ್ಥೆರಾಯಿನ ಹಫೀಜ್ ರೆಹಮಾನ್, ರಾಘವೇಂದ್ರ ನಾಯಕ್, ಪುರಂದರ್ ಉಪಸ್ಥಿತರಿತ್ತೆರ್.ರಾಘವೇಂದ್ರ ಕರ್ವಾಲು ಕಜ್ಜೊದ ನಿರೂಪಣೆ ಮಲ್ತೆರ್.