ಭಾಷೆ ಬೊಕ್ಕ ಸಾಹಿತ್ಯೊನ್ ಶ್ರೀಮಂತ ಬೊಕ್ಕ ಅರ್ಥವತ್ತು ಮಲ್ಪುನೃಟ್ ಪತ್ರಕರ್ತೆರೆನ ಪಾತ್ರ ಮಹತ್ತವಾಯಿನವ್. ಸಮಾಜದ ಬೇನೆ ಬೊಕ್ಕ ಸಮಸ್ಯೆಲೆನ್ ನಿವಾರಣೆ ಮಲ್ಪುನವ್ ಪತ್ರಕರ್ತೆರೆನ ಸೇವೆ ಶ್ಲಾಘನೀಯ ವಾಯಿನವ್ ಪಂಡುದ್ ಜಿ.ಪಂ ಸಿಇಓ ಪ್ರಸನ್ನ ಎಚ್ ಪಂಡೆರ್.
ಆರು ಶುಕ್ರವಾರ ನಗರದ ಮಣಿಪಾಲ್ ಇನ್ ಹೋಟೆಲ್ ಡ್ ಉಡುಪಿ ಜಿಲ್ಲಾ ಕಾರ್ಯನಿರತ ಸಂಘ ಬೊಕ್ಕ ಕೆನಾನ್ ಸಂಸ್ಥೆದ ಸಹಭಾಗಿತ್ವಡ್ ಪತ್ರಿಕಾ ದಿನಾಚರಣೆನ್ ಉದಿಪನ ಮಲ್ತುದ್ ಪಾತೆರಿಯೆರ್.
ಪತ್ರಿಕೆಲೆಡ್ದ್ ಜನಪ್ರತಿನಿಧಿ ಬೊಕ್ಕ ಅಧಿಕಾರಿಲೆನ್ ಎಚ್ಚರ ಮಲ್ಪುನ ಕೆಲಸ ಮಲ್ತೊಂದುಲ್ಲೆರ್. ಆಂಡ ತಮ್ಮ ಅಭಿಪ್ರಾಯೊಲೆನ್ ಆದೇಶಿಸುನ ಪ್ರಯತ್ನ ಇನು ನಡತೊಂದುಪ್ಪುನ , ಏತ್ ಸರಿ ಪನ್ಪಿನವ್ವೆನ್ ಪತ್ರಕರ್ತೆರು ಸ್ವಾ ವಿಮರ್ಶೆ ಮಲ್ತೊನೊಡ್ ಪಂಡುದ್ ಸಲಹೆ ಕೊರಿಯೆರ್.
ಮೊಬೈಲ್ ಬೊಕ್ಕ ಸಾಮಾಜಿಕ ಜಾಲತಾಣೊಲೆಡ್ ಬೋಡಾಯಿನಾತ್ ಮಾಹಿತಿ ಬೊಕ್ಕ ಸುದ್ದಿ ಲಭ್ಯ ಇತ್ತುಂಡಲಾ , ಪತ್ರಿಕೆಲೆನ ಮಹತ್ವ ಕಡಿಮೆಯಾತುಜಿ. ಉಡುಪಿ ಜಿ.ಪಂ ವತಿಡ್ದ್ ಗ್ರಾ.ಪಂ ಡ್ ನಡತೊಂದುಪ್ಪುನ ಗ್ರಂಥಾಲಯಲೆಡ್ ಪುಸ್ತಕಡ್ದ್ ಜಾಸ್ತಿ ಪತ್ರಿಕೆಲೆನ್ ಓದರೆಗ್ ಆಸಕ್ತಿ ತೋಜಾವುನವ್ ಪತ್ರಿಕೆದ ಮಹತ್ವನ್ ತೆರಿಪಾವುಂಡ್ ಪಂಡುದ್ ಪಂಡೆರ್.
ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷ ರಾಜೇಶ್ ಶೆಟ್ಟಿ ಕಾರ್ಯಕ್ರಮದ ಅಧ್ಯಕ್ಷತೆ ಡಿತ್ತೆರ್.
ಈ ಸಂದರ್ಭಡ್ ಮಂಗಳೂರು ಮಹಾವೀರ್ ಏಜನ್ಸಿದ ಸುಧಾಕರ್ ಶೆಣೈ, ಕರ್ನಾಟಕ ರಾಜ್ಯ ಕಾರ್ಯನಿರತ ಪತ್ರಕರ್ತರ ಸಂಘದ ರಾಜ್ಯ ಸಮಿತಿದ ಸದಸ್ಯ ಕಿರಣ್ ಮಂಜನಬೈಲು, ದೆಹಲಿದ ಇಂಡಿಯನ್ ಫೆಡರೇಶನ್ ಆಫ್ ವರ್ಕಿಂಗ್ ಜರ್ನಲಿಸ್ಟ್ ದ ಸದಸ್ಯ ಅರುಣ್ ಕುಮಾರ್ ಶಿರೂರು, ವಾರ್ತಾಧಿಕಾರಿ ಮಂಜುನಾಥ್ ಉಪಸ್ಥಿತರಿತ್ತೆರ್
ಜಿಲ್ಲಾ ಪತ್ರಕರ್ತರ ಸಂಘದ ಪ್ರಧಾನ ಕಾರ್ಯದರ್ಶಿ ನಝೀರ್ ಪೊಲ್ಯ ಸ್ವಾಗತ ಮಲ್ತುದ್ ಕೋಶಾಧಿಕಾರಿ ಉಮೇಶ್ ಮಾರ್ಪಳ್ಳಿ ವಂದನೆ ಮಲ್ತೆರ್. ಪಬ್ಲಿಕ್ ಟಿವಿದ ಉಡುಪಿ ಜಿಲ್ಲಾ ಕ್ಯಾಮರಾಮೆನ್ ಚೇತನ್ ಮಟಪಾಡಿ ನಿರೂಪಣೆ ಮಲ್ತೆರ್.
ಹಿರಿಯ ಪತ್ರಕರ್ತ ಎಸ್.ಜನಾರ್ದನ ಮರವಂತೆ ಮೆರೆನ್ ಈ ಪೊರ್ತುಡ್ ಮಾನಾದಿಗೆ ಮಲ್ತೆರ್. . ಜಿಲ್ಲಾ ಪತ್ರಕರ್ತರ ಸಂಘದ ಕಾರ್ಯಕಾರಿ ಸಮಿತಿ ಸದಸ್ಯ ವಿಜಯ್ ಆಚಾರ್ಯ ಸನ್ಮಾನಿತೆರೆನ ಓಲೆ ಓದಿಯೆರ್. ರಾಜ್ಯ ಪತ್ರಕರ್ತರ ಸಂಘದ ಪ್ರಶಸ್ತಿ ಪಡೆಯಿನ ಹಿರಿಯ ಪತ್ರಿಕಾ ಛಾಯಗ್ರಾಹಕ ಆಸ್ಟ್ರೋ ಮೋಹನ್, ಪತ್ರಕರ್ತ ಬಾಲಕೃಷ್ಣ ಭೀಮಗುಳಿ ಮೊಕ್ಲೆಗ್ ಮಾನಾದಿಗೆ ನಡತುಂಡ್. ಈ ಸಂದರ್ಭಡ್ ಛಾಯಾಚಿತ್ರ ಪತ್ರಿಕೋದ್ಯಮಡ್ ಆಧುನಿಕ ಕೆಮರಾದ ಪಾತ್ರದ ಬಗ್ಗೆ ಕಾರ್ಯಗಾರ ನಡಪಾಯೆರ್.
ಪಿಯುಸಿ ಪರೀಕ್ಷೆಡ್ ಶೇ.೮೦ ಡ್ದ್ ಜಾಸ್ತಿ ಅಂಕೊ ಪಡೆಯಿನ ವಿಜಯ ಕರ್ನಾಟಕ ಪತ್ರಿಕೆದ ವರದಿಗಾರೆ ಹರೀಶ್ ಕಟಪಾಡಿ ಅರೆನ ಮಗೆ ಧನುಷ್, ಎಸ್.ಎಸ್.ಎಲ್.ಸಿ ಪರೀಕ್ಷೆಡ್ ಶೇ.೮೦ ಡ್ದ್ ಜಾಸ್ತಿ ಅಂಕೊ ಪಡೆಯಿನ ನಮ್ಮ ಟಿವಿ ಕಾರ್ಕಳ ವರದಿಗಾರೆ ಅರುಣ್ ಭಟ್ ಅರೆನ ಮಗಲ್ ಶಿವಾನಿ ಎ ಕೈಲಾಜೆ ಮೊಕ್ಲೆಗ್ ಪ್ರತಿಭಾ ಪುರಸ್ಕಾರ ಕೊರಿಯೆರ್..
by 