ವೈದ್ಯೆ ಪನ್ಪಿ ದೇವೆರೆಗ್ ನಮನ…

ವೈದ್ಯೆ ಪನ್ಪಿ ದೇವೆರೆಗ್ ನಮನ

ಭಾರತೊಡ್ ವೈದ್ಯೆರೆನ ಮುಖ್ಯವಾಯಿನ ಕರ್ತವ್ಯೊಲು & ಜವಾಬ್ದಾರಿಲೆನ್ ಗುರುತಿಸಾದ್ ಗೌರವಿಸಾವರೆಗ್ ರಾಷ್ಟ್ರೀಯ ವೈದ್ಯೆರೆನ ದಿನೊನ್ ಆಚರಣೆ ಮಲ್ಪುವೆರ್.
ದೇಶ ತೂಯಿನ ಮಹಾನ್ ವೈದ್ಯೆ, ಅಪ್ರತಿಮ ರಾಜಕಾರಣಿ, ಶಿಕ್ಷಣ ತಜ್ಞೆ, ಪಶ್ಚಿಮ ಬಂಗಾಳದ ಮಾಜಿ ಮುಖ್ಯಮಂತ್ರಿ ಡಾ. ಬಿಪಿನ್ ಚಂದ್ರರಾಯ್ ಮೆರೆನ ಗೌರವಾರ್ಥವಾದ್ ಅರೆನ ಜನ್ಮದಿನವಾಯಿನ ಜುಲೈ 1 ತಾರೀಕುಗ್ ದೇಶದಾದ್ಯಂತ ರಾಷ್ಟ್ರೀಯ ವೈದ್ಯರ ದಿನ ಆಚರಣೆ ಆಪುಂಡ್.
ವಿಶೇಷ ಪಂಡ ಡಾ. ಬಿ ಸಿ ರಾಯ್ ಮೆರೆನ ಪುಟ್ಟುದಿನ ಬೊಕ್ಕ ಮರಣ ದಿನ ಒಂಜೇ ದಿನ (ಜುಲೈ 1) ಆತುಂಡ್. ಮಹಾತ್ಮಾಗಾಂಧೀಜಿರೆನ ವೈಯುಕ್ತಿಕ ವೈದ್ಯೆರಾದಿತ್ತಿನ ರಾಯ್ ಮೇರು 1961 ಫೆ 4 ತಾರೀಕುಗ್ ದೇಶದ ಗೌರವದ ಸಂಕೇತವಾಯಿನ ಭಾರತ ರತ್ನ ಪ್ರಶಸ್ತಿ ಪಡೆಯೆರು.

ತಲ ತಲಾoತರಡ್ದ್ ವೈದ್ಯೆರೆಗ್ ಸಮಾಜಡ್ ಮಾನಾದಿಗೆದ ಜಾಗೆ ಉಂಡು. ಕಣ್ಣುಗ್ ತೋಜುನ ನಡಪುನ ದೇವೆರಾಯಿನ ವೈದ್ಯೆರು ರೋಗಿಲೆನ ಕಡೇತ್ತ ಪಯಣೊಡುಲಾ ಪೊರಂಬಾಟ ಮಲ್ತುದ್, ಜೀವ ಒರಿಪಾವುನ ಪ್ರಯತ್ನ ನಿಜಕುಲಾ ಅತ್ಯದ್ಭುತ.
ಒರಿ ವೈದ್ಯೆ ತನ್ನ ಕುಟುಂಬದ ಸುಖ – ಸಂತೋಷೊನ್ ಬದಿಕ್ ದೀದ್ , ರೋಗಿಲೆನ ಜೀವ ಒರಿಪಾವರೆಗ್ ಅವ್ವೇತೋ ಹರಸಾಹಸ ಮಲ್ಪುವೆ. ಪೆದ್ದಿ ಅಪ್ಪೆಲೆಕ್ಕ ರೋಗಿಲೆನ ಆರೈಕೆ ಮಲ್ಪುನ ವೈದ್ಯೆರು ನಿಜಕುಲಾ ಮಾತೆರೆನ ಪಾಲನಕರ್ತಾ ಪಂಡಲಾ ತಪ್ಪಾವಂದ್.
ತನ್ನ‌ ಅವ್ವೇತೋ ಕಷ್ಟೊಲೆನ್ ಮದತುದ್ ರೋಗಿಲೆಗ್ ಭರವಸೆದ ಪಾತೆರೊಡ್ ಆತ್ಮಸ್ಥೈರ್ಯ ದಿಂಜಾದ್ ರೋಗಿಲೆನ ಆಪ್ತ ಸಂಜೀವಿನಿಯಾಪೆರ್

ವೈದ್ಯಕೀಯ ತುರ್ತುಸ್ಥಿತಿ ಬೊಕ್ಕ ಸಾಂಕ್ರಾಮಿಕ ಸಂದರ್ಭಲೆನ್ ಜಯಿಸಾವರೆಗ್, ನಾಗರಿಕೆರೆಗ್ ಸಕಾಯ ಮಲ್ಪುನ ನಮ್ಮ ವೈದ್ಯೆರೆಗ್ ಮಾತೆರ್ಲಾ ಧನ್ಯವಾದಲೆನ್ ಕೊರೊಡ್, ಅವ್ ನಮ್ಮ ಮಾತೆರೆನ ಕರ್ತವ್ಯಲಾ ಅಂದ್.

ಜಯರಾಂ ಅಂಬೆಕಲ್ಲು ಉಡುಪಿ