ಜಾಗ್ರತಿ ಕಾರ್ಯಕ್ರಮ

ತಾ.06/01/2024 ಶನಿವಾರ , ಕರ್ನಾಟಕ ರಾಜ್ಯ ಮಾಲಿನ್ಯ ನಿಯಂತ್ರಣ ಮಂಡಳಿ ಪ್ರಾದೇಶಿಕ ಕಛೇರಿ, ಉಡುಪಿ ಬೊಕ್ಕ ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಆಯುರ್ವೇದ ಕಾಲೇಜು & ಆಸ್ಪತ್ರೆ, ಉಡುಪಿ ಬೊಕ್ಕ ಮೇ||| ಆಯುಷ್ ಎನ್ವಿರೋಟೆಕ್ ಪ್ರೈ.ಲಿ.ಉಡುಪಿ ಮೊಕ್ಲೆನ ಸಹಯೋಗದೊಟ್ಟುಗ್ ಉಡುಪಿ ಶ್ರೀ ಧರ್ಮಸ್ಥಳ ಆಯುರ್ವೇದ ಕಾಲೇಜಿಡ್ ” ಜೀವ ವೈವಿದ್ಯ ತ್ಯಾಜ್ಯವಸ್ತು ನಿರ್ವಹಣೆ 2016 ” ಜಾಗೃತಿ ಕಾರ್ಯಕ್ರಮ ನಡತುಂಡ್.

ಮುಖ್ಯ ಅತಿಥಿಲಾದ್ ಶ್ರೀಮತಿ ವಿಜಯಾ ಹೆಗ್ಡೆ ( ಹಿರಿಯ ಪರಿಸರ ಅಧಿಕಾರಿ ಮಂಗಳೂರು ವಿಭಾಗ) ಮೇರು ಜಾಗೃತಿ ಕಾರ್ಯಕ್ರಮನ್ ಉದಿಪನ ಮಲ್ತೆರು. ಕಾಲೇಜಿದ ಪ್ರಾಂಶುಪಾಲರಾದ ಡಾ.ಮಮತಾ ಕೆ. ವಿ ಮೇರು ಅಧ್ಯಕ್ಷಡಿತ್ತೆರು. ವೇದಿಕೆಡ್ ಶ್ರೀ ಜೆ.ಚಂದ್ರ ರೀಜನಲ್ ಡೈರೆಕ್ಟರ್ ಬೆಂಗಳೂರು, ಡಾ.ಕೆ. ಎಂ. ರಾಜು ಮುಖ್ಯ ಅಧಿಕಾರಿಲು ಕೆ. ಎಸ್. ಪೀ. ಸಿ. ಬಿ. ಉಡುಪಿ, ಬೊಕ್ಕ ಏ. ಎಫ್. ಐ. ಉಡುಪಿ ಕಾರ್ಯದರ್ಶಿ ಡಾ.ಸಂದೀಪ್ ಸನಿಲ್, ಸಂಸ್ಥೆಯ ಹೆಚ್. ಐ. ಸಿ. ಮುಖ್ಯಸ್ಥೆರಾಯಿನ ಡಾ.ಪ್ರಸನ್ನ ಎನ್ ಮೊಗಸಾಲೆ, ಆಯುಷ್ ಎನ್ವಿರೋಟೆಕ್ ನೆತ್ತ ಶ್ರೀ.ಮಾರುತಿ ಹೆಗ್ಡೆ ಮೇರು ಉಪಸ್ಥಿತರಿತ್ತೆರು.

ಎಸ್.ಡಿ.ಎಂ ಕಾಲೇಜಿದ ಬೇತೆ ಬೇತೆ ವೈದ್ಯಕೀಯ ವಿಭಾಗದ ಮುಖ್ಯಸ್ಥೆರು, ಅಧ್ಯಾಪಕ ವೃಂದದಕುಲು, ಕಾಲೇಜಿದ ಸ್ನಾತಕೋತ್ತರ ವೈದ್ಯ ವಿಧ್ಯಾರ್ಥಿಲು, ಎಸ್. ಡಿ. ಎಂ.ಕಾಲೇಜು & ಆಸ್ಪತ್ರೆದ ವ್ಯವಸ್ಥಾಪಕೆರು, ಆಸ್ಪತ್ರೆದ ಹೆಚ್. ಐ. ಸಿ. ವಿಭಾಗದ ಸದಸ್ಯೆರು, ಆಸ್ಪತ್ರೆದ ಶುಶ್ರೂಷಕೆರು, ಸಿಬ್ಬಂದಿ ವರ್ಗ, ಸ್ವಚ್ಛತಾ ಸಿಬ್ಬಂಧಿಲು, ಜಿಲ್ಲೆದ ಬೇತೆ ಬೇತೆ ಕಡೆಟ್ ಬತ್ತಿನ ಆಯುಷ್ ವೈದ್ಯೆರ್, ಆರೋಗ್ಯ ಇಲಾಖೆದ ಸದಸ್ಯೆರು ಪಾಲ್ ಪಡೆಯೆರು.

ಡಾ.ಪ್ರಸನ್ನ ಎನ್ ಮೊಗಸಾಲೆ ಸ್ವಾಗತ ಮಲ್ತೆರು , ಸಭಾ ಕಾರ್ಯಕ್ರಮದ ಬೊಕ್ಕ ಸುಮಾರು ಒಂಜಿ ಗಂಟೆ ಕಾಲ ಶ್ರೀ ಜೇ. ಸಿ ಚಂದ್ರ ಬೆಂಗಳೂರು ಮೇರು ” ಜೀವ ವೈದ್ಯಕೀಯ ತ್ಯಾಜ್ಯ ವಸ್ತು ನಿರ್ವಹಣೆ ” ಮಾಹಿತಿ ಕಾರ್ಯಾಗಾರ ಬಗ್ಗೆ ಉಪನ್ಯಾಸ ಕೊರಿಯೆರು….ಮುಖ್ಯವಾದ್ ನಮ್ಮ ಪರಿಸರದ ಸುತ್ತಮುತ್ತಲುದ ಬೇತೆ ಬೇತೆ ಆರೋಗ್ಯ ಸಂಸ್ಥೆದ ವ್ಯವಸ್ಥೆದಡಿ ಉತ್ಪತ್ತಿಯಾಪಿನ ಜೀವ ತ್ಯಾಜ್ಯಲು, ಸೂಕ್ತ ಸಂಗ್ರಹಣಾ ಕ್ರಮ – ತ್ಯಾಜ್ಯ ವಿಲೇವಾರಿ ವ್ಯವಸ್ಥೆ ಲು, ಬೊಕ್ಕ ನಿಯಮಳು , ಜೀವ ತ್ಯಾಜ್ಯ ಸಂಸ್ಕರಣಾ ಘಟಕದ ಕಾರ್ಯ ವೈಖರಿ, ಸಾಮಾಜಿಕ ಆರೋಗ್ಯದ ಮಿತ್ತ್ ವೃತ್ತಿ ನಿರತ ವೈದ್ಯೆರು ಬೊಕ್ಕ ವೈದ್ಯಕೀಯ ಸಿಬ್ಬಂದಿಲೆನ ಜವಾಬ್ದಾರಿಲು, ಪರಿಸರ ನೈರ್ಮಲ್ಯ ಇಂಚಿನ ವಿಷಯದ ಬಗ್ಗೆ ಮಾಹಿತಿ ಕೊರಿಯೆರು.

ಎಸ್. ಡಿ. ಎಮ್. ಆಯುರ್ವೇದ ಕಾಲೇಜಿದ ಪ್ರಾಂಶುಪಾಲರಾಯಿನ ಡಾ.ಮಮತಾ ಕೆ.ವಿ. ಮೆರೆನ ಅದ್ಯಕ್ಷೀಯ ಭಾಷಣದೊಟ್ಟುಗ್ ಜಾಗೃತಿ ಕಾರ್ಯಕ್ರಮ ಸಮಾಪ್ತಿ ಆಂಡ್. ಡಾ.ಸದಾನಂದ ಭಟ್ ಕಾಪು ಮೇರು ಧನ್ಯವಾದ ಸಮರ್ಪಣೆ ಮಲ್ತೆರು. ಕಾರ್ಯಕ್ರಮ ನಿರ್ವಹಣಾ ಉಸ್ತುವಾರಿನ್ ಡಾ. ಶ್ರೇಯಶ್ರೀ ಸುವರ್ಣ ಮೇರು ಮಲ್ತೆರು, ಸಹಾಯಕ ವೈದ್ಯೆರು ಪ್ರತಿಭಾ ಬೊಕ್ಕ ಅಸೀರಾ ಕಾರ್ಯಕ್ರಮ ನಿರೂಪಣೆ ಮಲ್ತೆರು.