ಕೊಡವೂರು ಕ್ರೀಡಾ ಕೂಟ

ಕೊಡವೂರು ಹಳೆವಿದ್ಯಾರ್ಥಿ ಸಂಘ ಬೊಕ್ಕ ಯುವಕ ಸಂಘದ 59 ನೇ ವಾರ್ಷಿಕ ಕ್ರೀಡಾಕೂಟ ಜ.8 ಗ್ ಸ್ಥಳೀಯ ಶಾಲಾ ಮೈದಾನಡ್ ನಡತುಂಡ್.
ನ್ಯಾಯವಾದಿ ಅನಿಲ್ ಕುಮಾರ್ ಪಾರಿವಾಳನ್ ಬಾನೊಗ್ ರಾಪಾವುನ ಮೂಲಕ ಕ್ರೀಡಾಕೂಟಗ್ ಚಾಲನೆ ಕೊರ್ದು ಕ್ರೀಡೆ ನಮನ್ ದೈಹಿಕವಾದ್ ಮಾನಸಿಕವಾದ್ ಕ್ರಿಯಾಶೀಲೆರಾದ್ ಶಿಸ್ತುಬದ್ಧ ಜೀವನ ಆಪಿಲೆಕ್ಕ ಮಲ್ಪುಂಡ್ ಬೊಕ್ಕ ಸಾಮಾಜಿಕ ಸ್ವಾಸ್ಥ್ಯಗ್ ಕ್ರೀಡೆ ಪೂರಕವಾದುಂಡ್. ಅಂಚೆನೇ ಕ್ರೀಡೆ ಸೋಲು ಗೇಲುನ್ ಸಮಾನವಾದ್ ಸ್ವೀಕಾರ ಮಲ್ಪುಲೆಕ್ಕ ಮಲ್ತುದ್ ಆತ್ಮಸ್ಥೈರ್ಯನ್ ಉದ್ದೀಪನ ಮಲ್ಪುಂಡ್ ಪಂಡೆರು.
ಮತ್ಸ್ಯೋದ್ಯಮಿ ಸುಧಾಕರ್ ಎ.ಕುಂದರ್,ನಗರಸಭಾ ಸದಸ್ಯ ವಿಜಯ ಕೊಡವೂರು, ಶಾಲಾಭಿವೃದ್ಧಿ ಸಮಿತಿ ಅಧ್ಯಕ್ಷ ರಾಧಾಕೃಷ್ಣ ಪೈ, ಶ್ರೀ ಶಂಕರನಾರಾಯಣ ಶಿಕ್ಷಣ ಪ್ರತಿಷ್ಠಾನದ ಅಧ್ಯಕ್ಷ ಟಿ.ರಾಘವೇಂದ್ರ ರಾವ್, ಶಾಲಾ ಮುಖ್ಯ ಶಿಕ್ಷಕಿ ಪುಷ್ಪಾವತಿ, ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿ ಅಧ್ಯಕ್ಷ ಕೃಷ್ಣ ದೇವಾಡಿಗ,ಉದ್ಯಮಿ ಭಾಸ್ಕರ್ ಪಾಲನ್, ಯುವಕ ಸಂಘದ ಗೌರವಾಧ್ಯಕ್ಷ ಪ್ರಭಾತ್ ಕೋಟ್ಯಾನ್, ಸ್ಥಳೀಯ ಗಣ್ಯರಾದ ಶಿವಾನಂದ ಕುಂದರ್, ರಮೇಶ್ ಅಮೀನ್, ಶೇಖರ್ ಮಾಬ್ಯಾನ್, ಸುರೇಶ್ ಸೇರಿಗಾರ್, ಅಶೋಕ್ ಶೆಟ್ಟಿಗಾರ್,ಸುಧಾ ನಾರಾಯಣ ಶೆಟ್ಟಿ, ಚಂದ್ರಾವತಿ ಕಾನಂಗಿ,ಆಶಾ ಚಂದ್ರಶೇಖರ್,ಶೈಲಜ,ಶರತ್ ಚಂದರ್ ಉಪಸ್ಥಿತರಿತ್ತೆರು..ಕ್ರೀಡಾಕೂಟಡ್ ದುಂಬು ಸ್ಥಳೀಯ ದೇವಾಲಯಡ್ದ್ ಶಾಲಾ ಮೈದಾನದ ಮುಟ್ಟ ಕ್ರೀಡಾ ಪಥ ಸಂಚಲನ ನಡತುಂಡ್. ನಗರಸಭೆತ್ತ ವಿಪಕ್ಷ ನಾಯಕ ರಮೇಶ್ ಕಾಂಚನ್ ಮಹಿಳೆಯೆರೆನ ಕ್ರೀಡಾ ಸ್ಪರ್ಧೆದ ‌ಸಂದರ್ಭಡ್ ಬತ್ತಿನಾರ್ ಪಾತೆರ್ದ್ ಕ್ರೀಡೆದ ಮೂಲಕ ಭೇದಭಾವ ಇಪ್ಪಂದೆ ಸೌಹಾರ್ದ ಸಮಾಜ ಕಟ್ಟರೆಗ್ ಸಾಧ್ಯ ಪಂಡೆರು ಅಂಚೆನೇ ಜಂಟಿ ಸಂಸ್ಥೆದ ಕಾರ್ಯ ಚಟುವಟಿಕೆಲೆನ ಬಗ್ಗೆ ಶ್ಲಾಘನೆ ವ್ಯಕ್ತಪಡಿಸಾದ್ ಶುಭ ಹಾರೈಸಿಯೆರು
ಯುವಕ ಸಂಘದ ಅಧ್ಯಕ್ಷ ದೀಪಕ್.ವಿ ದೇವಾಡಿಗ ಸ್ವಾಗತ ಮಲ್ತುದ್.ಕಾರ್ಯದರ್ಶಿ ಜಗದೀಶ್ ಶೆಟ್ಟಿ ವಂದಿಸಾಯೆರು.ಹಳೆವಿದ್ಯಾರ್ಥಿ ಸಂಘದ ಅಧ್ಯಕ್ಷ ಸತೀಶ್ ಕೊಡವೂರು ನಿರೂಪಣೆ ಮಲ್ತೆರು.
.