ಕೊಡವೂರುಡ್ ಪ್ರಾಥಮಿಕ ಆರೋಗ್ಯ ಕೇಂದ್ರ ಮಲ್ಪೆದ ಉಪಕೇಂದ್ರದ ಉದಿಪನ.

ಕೊಡವೂರುಡ್ ಪ್ರಾಥಮಿಕ ಆರೋಗ್ಯ ಕೇಂದ್ರ ಮಲ್ಪೆದ ಉಪಕೇಂದ್ರದ ಉದಿಪನ.

ಕೊಡವೂರು ಪರಿಸರೊಡ್ ಮಸ್ತ್ ಬಡವೆರು ಬೊಕ್ಕ ಮಧ್ಯಮ ವರ್ಗದ ಜನಕುಲು ಹೆಚ್ಚಾದಿತ್ತುದ್ ಖಾಸಗಿ ಆಸ್ಪತ್ರೆಡ್ ತಪಾಸಣೆ ಮಲ್ಪರೆಗ್ ಸಾರಗಟ್ಟಲೆ ರೂಪಾಯಿ ಖರ್ಚಾಪುಂಡ್.
ಅಂಚಾದ್ ಆರ್ಥಿಕವಾದ್ ಪಿರ ಒರಿದಿನ ಕುಟುಂಬೊಲೆಗ್ ಕೈತಲುಡೇ ಎಡ್ಡೆ ಬೊಕ್ಕ ಉಚಿತವಾದ್ ಆರೋಗ್ಯ ಸೇವೆ ತಿಕ್ಕೊಡಾಂಡ ನಮ್ಮ ಪರಿಸರಡೇ ಆರೋಗ್ಯ ಕೇಂದ್ರ ಬೋಡು ಪಂಡುದು ಮಸ್ತ್ ವರ್ಷಡಿಂಚಿ ವೈದ್ಯಾಧಿಕಾರಿ ಬೊಕ್ಕ ಸರಕಾರಗ್ ಪೊರಂಬಾಟದ ಮುಖೇನ ಇನಿ ನಮ್ಮ ವಾರ್ಡುಡ್ ಸರ್ಕಾರಿ ಆರೋಗ್ಯ ಕೇಂದ್ರ ಮಲ್ಪರೆಗಾತುಂಡ್ ನನ ದುಂಬುದ ದಿನೊಕ್ಲೆಡ್ ಎಡ್ಡೆ ರೀತಿದ ಸೇವೆದೊಟ್ಟುಗ್ ಪ್ರತಿಯೊರಿಗುಲಾ ಉಚಿತವಾದ್ ಸರಕಾರದ ಮಾತಾ ಸವಲತ್ತುಲೆನ್ ಇಲ್ಲ – ಇಲ್ಲಗ್ ಮುಟ್ಟಾವುನ ಜವಾಬ್ದಾರಿ ಎನ್ನ ಪಂಡುದು ನಗರ ಸಭಾ ಸದಸ್ಯೆರಾಯಿನ ವಿಜಯ್ ಕೊಡವೂರು ತೆರಿಪಾಯೆರ್.

ನನ ದುಂಬುದ ದಿನೊಟ್ ಬೆರಿ ಮೂಳೆ ಮುರಿತ ಆಯಿನಕ್ಲೆಗ್ ಬೊಕ್ಕ ದಿವ್ಯಾಂಗೆರೆಗ್ ಇಲ್ಲಡ್ ಪಿದಾಯಿ ಬರ್ರೆಗ್ ಸಾಧ್ಯ ಆವಂದಿನಕ್ಲೆಗ್ ಇಲ್ಲ- ಇಲ್ಲಗ್ ಪೋದ್ ಅಕ್ಲೆನ ಆರೋಗ್ಯ ತಪಾಸಣೆ ಮಲ್ಪುನ ವ್ಯವಸ್ಥೆ ಮಲ್ಪುಂಡ್ ಪಂಡೆರು.

ಈ ಸಂದರ್ಭಡ್ ಸಿ. ಎ. ಬ್ಯಾಂಕ್ ಅಧ್ಯಕ್ಷೆರಾಯಿನ ನಾರಾಯಣ್ ಬಲ್ಲಾಳ್, ಸೌತ್ ಕೆನರಾ ಫೋಟೋಗ್ರಾಫರ್ಸ್ ಅಸೋಸಿಯೇಶನ್ ಉಡುಪಿದ ಅಧ್ಯಕ್ಷೆರಾಯಿನ ಜನಾರ್ಧನ ಕೊಡವೂರು,ಪ್ರಭಾತ್ ಕೊಡವೂರು,ಶ್ರೀ ಶಂಕರನಾರಾಯಣ ದೇವಸ್ಥಾನ ವ್ಯವಸ್ಥಾಪನಾ ಸಮಿತಿದ ಸದಸ್ಯೆರಾಯಿನ ಶ್ರೀಮತಿ ಚಂದ್ರಾವತಿ ಸುರೇಶ್ ಕಾನಂಗಿ, ಶೇಕರ್ ಮೊಗವೀರ, ಕೃಷ್ಣ ಅಮೀನ್. ಮೂಡುಬೆಟ್ಟು,ಯಶೋಧಾ ರಾಜೇಂದ್ರ ಬಾಚನಬೈಲು, ಉಪಸ್ಥಿತರಿತ್ತೆರ್