ಮಲಬಾರ್ ಗೋಲ್ಡ್ ಆಂಡ್ ಡೈಮಂಡ್ ವತಿಡ್ದ್ ಶಿಕ್ಷಕೆರೆಗ್ ಗೌರವ ಪುರಸ್ಕಾರ

ಮಲಬಾರ್ ಗೋಲ್ಡ್ ಆಂಡ್ ಡೈಮಂಡ್ ವತಿಡ್ದ್ ಶಿಕ್ಷಕೆರೆಗ್ ಗೌರವ ಪುರಸ್ಕಾರ

ಮಲಬಾರ್ ಗೋಲ್ಡ್ ಅಂಡ್ ಡೈಮಂಡ್ಸ್ ಬೊಕ್ಕ ಕನ್ನಡ ಸಾಹಿತ್ಯ ಪರಿಷತ್ತು ಉಡುಪಿ ತಾಲೂಕು ಘಟಕ ಆಶ್ರಯಡ್ ಶಿಕ್ಷಕರ ದಿನೊತ್ತ ಪ್ರಯುಕ್ತ ಉಡುಪಿ ಜಿಲ್ಲೆದ 5 ಪೆರಿಯ ಸಾಧಕ ಶಿಕ್ಷಕೆರೆಗ್ ಗೌರವ ಪುರಸ್ಕಾರ 2022 ಕೊರ್ದ್ ಮಾನಾದಿಗೆ ಮಲ್ತೆರ್.

ಸೆಪ್ಟೆಂಬರ್ 5 ತಾರೀಕುದಾನಿ ಉಡುಪಿದ ಮಲಬಾರ್ ಅಂಡ್ ಗೋಲ್ಡ್ ಡೈಮಂಡ್ಸ್ ಶಾಖೆಡ್ ನಡತಿನ ಕಾರ್ಯಕ್ರಮಡ್ ಲಕ್ಷ್ಮೀನಾರಾಯಣ ಭಟ್ (ಶಿಕ್ಷಣ & ರಂಗಭೂಮಿ) , ರಾಜೇಂದ್ರ ಭಟ್ ಕೆ (ಶಿಕ್ಷಣ &ನಿರೂಪಣೆ ) , ಪ್ರೊ. ನಾರಾಯಣ ಎಂ. ಹೆಗಡೆ (ಶಿಕ್ಷಣ & ಸಂಘಟನೆ), ಪ್ರೊ. ಕೊಕ್ಕರ್ಣೆ ಸುರೇಂದ್ರನಾಥ್ ಶೆಟ್ಟಿ ( ಶಿಕ್ಷಣ & ಅರ್ಥಶಾಸ್ತ್ರ) , ಡಾ. ರೇಖಾ ವಿ. ಬನ್ನಾಡಿ (ಶಿಕ್ಷಣ & ಸಾಹಿತ್ಯ ) ಕ್ಷೇತ್ರಡ್ ಮಲ್ತಿನ ಅನನ್ಯ ಸೇವೆಗಾದ್ ಈ ಪುರಸ್ಕಾರ ಕೊರಿಯೆರ್.

ಸಭಾಧ್ಯಕ್ಷತೆಡಿತ್ತಿನ ಯಕ್ಷಗಾನ ಅಕಾಡೆಮಿದ ಮಾಜಿ ಅಧ್ಯಕ್ಷೆರಾಯಿನ ಪ್ರೊ . ಎಂ. ಎಲ್ ಸಾಮಗ ಪಾತೆರ್ದ್ ಶಿಕ್ಷಕೆರೆನ ಸೇವೆ ಬಾರೀ ಮಲ್ಲ ಸೇವೆ ಸಮಾಜಡ್ ಅಕ್ಲೆನ್ ಗುರುತಿಸಾದ್ ಗೌರವ ಮಲ್ಪುನ ಅಗತ್ಯ. ಈ ನಿಟ್ಟುಡ್ ಸಾಹಿತ್ಯ ಪರಿಷತ್ತು ಬೊಕ್ಕ ಮಲಬಾರ್ ಗೋಲ್ಡ್ ಅಂಡ್ ಡೈಮಂಡ್ಸ್ ಉಡುಪಿ ಶ್ಲಾಘನೀಯ ಕೆಲಸ ಮಲ್ದುಂಡ್ ಪಂಡೆರು .

ಸಮಾರಂಭಡ್ ಸಂಸ್ಕೃತಿ ವಿಶ್ವ ಪ್ರತಿಷ್ಠಾನದ ಗೌರವಾಧ್ಯಕ್ಷ ಉಡುಪಿ ವಿಶ್ವನಾಥ ಶೆಣೈ,ಅಧ್ಯಕ್ಷೆರಾಯಿನ ಪ್ರೊ. ಶಂಕರ್, ಮಲಬಾರ್ ಗೋಲ್ಡ್ ಅಂಡ್ ಡೈಮಂಡ್ ನೆತ್ತ ವ್ಯವಸ್ಥಾಪಕೆ ಹಫೀಝ್ ರೆಹಮಾನ್ , ಕನ್ನಡ ಸಾಹಿತ್ಯ ಪರಿಷತ್ತುದ ಉಡುಪಿ ತಾಲೂಕು ಘಟಕದ ಅಧ್ಯಕ್ಷೆ ರವಿರಾಜ್ ಹೆಚ್. ಪಿ ಉಪಸ್ಥಿತರಿತ್ತುದ್ , ಹಾಸ್ಯ ಭಾಷಣಕಾರೆರಾಯಿನ ಸಂಧ್ಯಾ ಶೆಣೈ ಸ್ವಾಗತ ಮಲ್ತುದ್, ಶ್ರೀನಿವಾಸ್ ಉಪಾಧ್ಯ ಸೊಲ್ಮೆ ಸಂದಾಯ್ತ ಮಲ್ತೆರ್,ರಾಘವೇಂದ್ರ ಪ್ರಭು ಕರ್ವಾಲು ನಿರೂಪಣೆ ಮಲ್ತೆರ್.