ಬಡಾನಿಡಿಯೂರು ಸರಕಾರಿ ಶಾಲೆದ ವಠಾರೊಡ್ ಸ್ವಚ್ಚತಾ ಅಭಿಯಾನ.

ಭಾರತೀಯ ವಿಕಾಸ ಟ್ರಸ್ಟ್ ಮಣಿಪಾಲ, ಗ್ರಾಮ ಪಂಚಾಯತ್ ಬಡಾನಿಡಿಯೂರು, ಘನದ್ರವ ತ್ಯಾಜ್ಯ ಘಟಕ, ಬಡಾನಿಡಿಯೂರು ,ಸಹಕಾರದೊಟ್ಟುಗ್ ಉಡುಪಿ ತಾಲೂಕು ಬಡಾನಿಡಿಯೂರು ಸರಕಾರಿ ಹಿರಿಯ ಶಾಲೆದ ಪರಿಸರೊಡ್ 29.10.2021ದಾನಿ ಸ್ವಚ್ಛತಾ ಕಾರ್ಯಕ್ರಮ ನಡತುಂಡ್ . ಸ್ವಚ್ಚತಾ ಕಾರ್ಯಕ್ರಮೊಡ್ ಪಾಲ್ ಪಡೆಯಿನ ರಾಜ್ಯ ಸಂಪನ್ಮೂಲ ವ್ಯಕ್ತಿ ಜೋಸೆಫ್ ರೆಬೆಲ್ಲೋ ಶಾಲೆದ ಜೋಕ್ಲೆಗ್ ಸ್ವಚ್ಚತಾ ಗೀತ ಗಾಯನ, ಸ್ವಚ್ಚತೆದ ಮಹತ್ವ ತೆರಿಪಾಯೆರ್ .

ಬಡಾನಿಡಿಯೂರು ಗ್ರಾಮ ಪಂಚಾಯತ್ ಅಧ್ಯಕ್ಷರಾಯಿನ ಪ್ರಭಾಕರ ತಿಂಗಳಾಯ, ಗ್ರಾಮ ಪಂ. ಸದಸ್ಯರಾಯಿನ ಗಿರೀಶ್ ಸಾಲಿಯಾನ್, ಪ್ರವೀಣ್ ಕಾಂಚನ್, ಯಶೋದಾ ಆಚಾರ್, ಬಡನಿಡಿಯೂರು ಸರಕಾರಿ ಶಾಲೆದ ಮುಖ್ಯೋಪಾಧ್ಯಾಯ ದಿನಕರ ಶೆಟ್ಟಿ ಭಾರತೀಯ ವಿಕಾಸ ಟ್ರಸ್ಟ್ ದ ಮುಖ್ಯ ವ್ಯವಸ್ಥಾಪಕ ಮನೋಹರ ಕಟ್ಗೇರಿ, ಸಂಜೀವಿನ ಸ್ವ ಸಹಾಯ ಸಂಘದ ಅಧ್ಯಕ್ಷೆ ಲತಾ ಅಶೋಕ್ ಉಪಸ್ಥಿತರಿತ್ತೆರ್.

ಶಾಲಾ ವಠಾರ ಪರಿಸರದ ಕಸ, ಪಜಿರ್, ನ್ ಗ್ರಾ ಪಂಚಾಯತ್ ಜನಪ್ರತಿನಿಧಿಲು, ಸಂಜೀವಿನಿ ಸ್ವ ಸಹಾಯ ಸಂಘದ ಸದಸ್ಯೆರ್, ವಿದ್ಯಾರ್ಥಿಲು, ಊರುದಕುಲು,ಭಾರತೀಯ ವಿಕಾಸ ಟ್ರಸ್ಟಿ್ ದ ಸಿಬ್ಬಂದಿಲು ಒಟ್ಟಾದ್ ಸ್ವಚ್ಚ ಮಲ್ತೆರ್.