ಕನ್ನಡದ ಖ್ಯಾತ ನಟ, ಪವರ್ ಸ್ಟಾರ್ ಬೊಕ್ಕ ಕರ್ನಾಟಕದ ಮಲಬಾರ್ ಗೋಲ್ಡ್ ಅಂಡ್ ಡೈಮಂಡ್ಸ್ ದ ಮಾಜಿ ಬ್ರ್ಯಾಂಡ್ ಅಂಬಾಸಿಡರ್ ಆದಿತ್ತಿನ ಪುನೀತ್ ರಾಜಕುಮಾರ್ ಮೆರೆನ ಸಾವುಗ್ ಮಲಬಾರ್ ಗ್ರೂಪ್ ಅಧ್ಯಕ್ಷ ಎಂಪಿ ಅಹ್ಮದ್ ಮೇರ್ ತೀವ್ರ ಸಂತಾಪ ವ್ಯಕ್ತಪಡಿಸಾದೆರ್.ಪುನೀತ್ ರಾಜಕುಮಾರ್ ಮೇರು ಮಲಬಾರ್ ಕುಟುಂಬದ ಗೌರವಾನ್ವಿತ ಸದಸ್ಯರಾದಿತ್ತೆರ್. ಅರೆನ ಅಕಾಲಿಕ ಸಾವುಡ್ ಕನ್ನಡ ಚಲನಚಿತ್ರ ಉದ್ಯಮೊಗ್ ಬಾರೀ ಮಲ್ಲ ನಷ್ಟ ಆತುಂಡ್. ಈ ಸಂದರ್ಭೊಡ್ ಅರೆನ ಕುಟುಂಬ ಬೊಕ್ಕ ಅಸಂಖ್ಯಾತ ಅಭಿಮಾನಿಲೆಗ್ ದುಃಖೊನ್ ತಡೆತೊಂಬಿನ ಶಕ್ತಿನ್ ಆ ದೇವೆರ್ ಕೊರಡ್ ಪಂಡುದ್ ಪ್ರಾರ್ಥನೆ ಮಲ್ಪುವೆ ಪಂಡುದ್ ಅಹ್ಮದ್ ಮೇರು ತನ್ನ ಸಂತಾಪ ಸಂದೇಶೊಡ್ ತೆರಿಪಾದೆರ್.
ಕರ್ನಾಟಕೊಡ್ ಮಲಬಾರ್ ದ ಬ್ರ್ಯಾಂಡ್ ಅಂಬಾಸಿಡರ್ ಆದಿತ್ತಿನ ಪುನೀತ್ ಮೇರು ಮಲಬಾರ್ ಗೋಲ್ಡ್ ಅಂಡ್ ಡೈಮಂಡ್ಸ್ ನ್ ಕರ್ನಾಟಕದ ಜನತೆಗ್ ಪರಿಚಯ ಮಲ್ಪರೆಗ್ ತನ್ನವೇ ಆಯಿನ ಕೊಡುಗೆ ಕೊರ್ತೆರ್. ನಮ್ಮ ಬ್ರ್ಯಾಂಡ್ ದ ಒಟ್ಟುಡ್ ಆರು ಪಡೆದಿನ ಸಹಭಾಗಿತ್ವ ಅಮೂಲ್ಯವಾದಿತ್ತುಂಡ್. ಬೊಕ್ಕ ಅರೆನ ಅಕಾಲಿಕ ಸಾವುಡ್ ಎಂಕ್ ತೀವ್ರ ಆಘಾತ ಆತುಂಡ್ ಪಂಡುದ್ ಅಹ್ಮದ್ ಕಣ್ಣನೀರ್ ಪಾಡಿಯೆರ್.
by 