ಯೋಗ ದಿನತ್ತ ಅಂಗವಾದ್ ಯೋಗಾಸನ ಮಲ್ತಿನ ಪೇಜಾವರ ಶ್ರೀ..

ಅಂತರಾಷ್ಟ್ರೀಯ ಯೋಗ ದಿನಾಚರಣೆ ಹಿನ್ನೆಲೆಡ್ ಉಡುಪಿ ಪೇಜಾವರ ಮಠಾಧೀಶ ವಿಶ್ವಪ್ರಸನ್ನ ತೀರ್ಥ ಸ್ವಾಮೀಜಿ ಯೋಗಾಸನದ ಕಠಿಣ ಭಂಗಿಲೆನ್ ಪ್ರದರ್ಶನ ಮಲ್ತೆರ್. ಚೆನ್ನೈ ಪ್ರವಾಸಡುಪ್ಪುನ ಸ್ವಾಮೀಜಿ ತನ್ನ ಶಿಷ್ಯ ವರ್ಗದ ಒಟ್ಟುಗ್ ದೇವೆರೆನ ಗರ್ಭಗುಡಿತ್ತ ಎದುರುಡ್ ಯೋಗಾಸನ ಮಲ್ತೆರ್. ಪ್ರತಿಯೊರಿಲಾ ಯೋಗಾಭ್ಯಾಸನ್ ರೂಢಿ ಮಲ್ತೊನ್ಲೆ. ಮಾನಸಿಕ & ದೈಹಿಕ ಆರೋಗ್ಯಗ್ ಬಾರೀ ಎಡ್ಡೆ ಪಂಡುದು ಸಂದೇಶ ಕೊರಿಯೆರು.