ಕುಡ್ಲಡ್ ಉದ್ಯಮಿನ ಅಪಹರಣ

ಕುಡ್ಲಗ್ ಬೇಲೆಗ್ ಬತ್ತಿನ ಉದ್ಯಮಿನ ಅಪಹರಣ

ಕುಡ್ಲ ಆಗಸ್ಟ್ 10 : ಬೇಲೆದ ನಿಮಿತ್ತ ಕುಡ್ಲಗ್ ಬತ್ತಿನ ಉದ್ಯಮಿನ್ ದುಷ್ಕರ್ಮಿಲು ಅಪಹರಣ ಮಲ್ತಿನ ಘಟನೆ ನಡತುಂಡು . ಈ ನೆಲೆಟ್ಟ್ ಕುಡ್ಲ ಪೊಲೀಸೆರ್ ಪ್ರಕರಣ ದಾಖಲ್ ಮಲ್ದೆರ್.

ಕುಡ್ಲದ ಖಸಗಿ ಮೆಡಿಕಲ್ ಕಾಲೇಜ್ ಡ್ ಜೋಕ್ಲೆಗ್ ಸೀಟು ಮಲ್ಪರೆ ಕೇರಳದಿಂರ್ದ್ ಬತ್ತಿನ ಶರತ್ ಕೆಲಸ ಮುಗಿಪಾದ್ ಬೆಂಗ್ಳೂರುಗು ಪೋಯೇರೆ ಅಂಗಾರೆ ರಾತ್ರಿ ಪೇಂಟೆದ ಪಿವಿಎಸ್‌ ದ ಕೈತಲ್ ಕಾತೊಂದು ಉಪ್ಪುನಗ ಕಾರ್ ಡ್ ಬತ್ತಿನ ನಾಲ್ ಜನತ ಕೂಟ ಶರತ್ ಮೆರೆನ್ ಬಲವಂತವಾದ್ ಕಾರ್ ಗ್ ಪಾರ್ದ್ ಅಪಹರಣ ಮಲ್ದೆರ್

ಐರ್ದ್ ಬೊಕ್ಕ ಆಯೇನ ಇಲ್ಲಗ್ ಫೋನ್ ಮಲ್ತ್ 10 ಲಕ್ಷ ರೂಪಾಯಿದ ಡಿಮಾಂಡ್ ಮಲ್ದೆರ್ .

10 ಲಕ್ಷ ಕೊರುಂಡ ಆಯೆನ್ ಬುಡುಗಡೆ ಮಲ್ಪುವ ಪಂದ್ ಅವಾಜ್ ಮಲ್ದೆರ್ ಪಂದ್ ಶರತ್ ಮೆರೆನ ಮೊಬೈಲ್ ಫೋನ್ ಸ್ವಿಚ್ ಆಫ್ ಆತುಂಡು ಈ ಬಗ್ಗೆ ಕದ್ರಿ ಪೊಲೀಸರು ಪ್ರಕರಣ ದಾಖಲು ಮಲ್ತ್ ಸಿಸಿ ಟಿವಿ ದೃಶ್ಯಾವಳಿನ್ ಪರಿಶೀಲನೆ ಮಲ್ತೊಂದು ಉಲ್ಲೆರ್.