ಬಾಂಗ್ಲಾ ಮುಸ್ಲಿಮೆರೆನ್ ಗಡಿಪಾರ್ ಮಲ್ಪರೆಗ್ ಮನವಿ.

ಬಾಂಗ್ಲಾ ಮುಸ್ಲಿಂ ನುಸುಳುಕೋರೆರೆನ್  ಗಡಿಪಾರು ಮಲ್ಪರೆಗ್  ಶ್ರೀರಾಮಸೇನೆ ಮನವಿ

ಭಾರತದ ನೆರೆಕರೆತ  ದೇಶ ಬಾಂಗ್ಲಾಡ್  ಇಂಚಪ್ಪೊಗ್ ರಾಜಕೀಯ ಕ್ಷಿಪ್ರ ಕ್ರಾಂತಿಯಾದ್ ಅರಾಜಕತೆ ಸೃಷ್ಟಿಯಾತುಂಡ್. ಅಲ್ಪ ಸಂಖ್ಯಾತೆರಾಯಿನ ಹಿಂದೂಲೆನ ಮಿತ್ತ್ ನಿರಂತರ ದೌರ್ಜನ್ಯ ಬೊಕ್ಕ ದಬ್ಬಾಳಿಕೆ ಮಲ್ಪುನವ್ವೆನ್ ತೂದ್  ಉಡುಪಿ ಜಿಲ್ಲಾ ಶ್ರೀರಾಮಸೇನೆ ಉಡುಪಿ ಜಿಲ್ಲೆಡ್ದ್  ಬಾಂಗ್ಲಾ ವಲಸಿಗೆರು ಬೊಕ್ಕ ರೋಹಿಂಗ್ಯಾ ರೆನ್  ಕೂಡಲೇ ಗಡಿಪಾರು ಮಲ್ಪೊಡುಂದು ಅಗ್ರಹ ಮಲ್ತುದ್  ಉಡುಪಿ ಜಿಲ್ಲಾ ಪೊಲೀಸ್ ವರಿಷ್ಟಾಧಿಕಾರಿಲೆಗ್  ಮನವಿ ಮೂಲಕ ಅಗ್ರಹ ಮಲ್ತೆರು.

ಆಂತರಿಕ ಮೀಸಲಾತಿಡಾದ್ ಗಲಭೆಯಾದ್  ಹಿಂದೂಲೆನ ಮಿತ್ತ್  ಅಮಾನುಷವಾದ್  ದೌರ್ಜನ್ಯ ಮಲ್ತೊಂದುಲ್ಲೆರ್. ಹಿಂದೂ ಮಂದಿರ, ದೇವಸ್ಥಾನ ಲೂಟಿ, ಹಿಂದೂಲೆನ ಇಲ್ಲದ  ಮಿತ್ತ್ ಆಕ್ರಮಣ, ಹಿಂದೂ ಪೊಣ್ಣು ಜೋಕ್ಲೆನ  ಮಿತ್ತ್  ಅತ್ಯಾಚಾರ, ಕೊಲೆ ಇಂಚಿತ್ತಿನ  ರಾಕ್ಷಶಿ ಕೃತ್ಯೊಲು ನಡತೊಂದುಂಡ್.
1971 ಡ್ ಬಾಂಗ್ಲಾ ದೇಶ ವಾಯಿನಪಖ 21% ಹಿಂದುಲು ಇತ್ತೆರು. ಇತ್ತೆ ಇಪ್ಪುನ ಹಿಂದುಲು ಕೇವಲ 1% ಮಾತ್ರವಾದುಂಡ್. ಅಕುಲು ಅಲ್ಪ ಪೋಡಿಗೆಡ್ ಬದುಕೊಂದುಲ್ಲೆರ್.
ಕರ್ನಾಟಕಡ್  ಅಕ್ರಮ ಬಾಂಗ್ಲಾ ಮುಸ್ಲಿಂ ಬೊಕ್ಕ ಬರ್ಮ ರೋಹಿಂಗ್ಯಾ ಮುಸ್ಲಿಮೆರು 10 ಲಕ್ಷಕುಲಾ  ಅಧಿಕವಾದ್, ಅನಧಿಕೃತವಾದ್  ನೆಲೆಯಾತೆರ್.
ಮೊಕ್ಲೆನ್  ಶಿಕ್ಷೆ ಮಲ್ಪುನವ್  ಬೊಕ್ಕ ರಾಜ್ಯ ಬೊಕ್ಕ ನಮ್ಮ ಜಿಲ್ಲೆಡ್ದ್  ಪಿದಾಯಿ ಪಾಡುನವ್ ಪೊಲೀಸ್ ಇಲಾಖೆದ ಜವಾಬ್ದಾರಿಯಾದುಂಡ್. ಬಾಂಗ್ಲಾ ಮುಸ್ಲಿಮೆರು ಬೊಕ್ಕ ರೋಹಿಂಗ್ಯಾಲು  ಕಾನೂನು ಭಾಹಿರ ಚಟುವಟಿಕೆ ಅತ್ತಾವಂದೇ ದೇಶದ ಭದ್ರತೆಗ್ ಕಂಟಕವಾದುಲ್ಲೆರ್.

ಅಂಚಾದ್  ಕೂಡಲೇ ದೇಶದ್ರೋಹಿ ನುಸುಳುಕೋರೆರಾಯಿನ  ಬಾಂಗ್ಲಾ ಮುಸ್ಲಿಂ ಬೊಕ್ಕ ರೋಹಿಂಗ್ಯಾ ಲೆನ್  ನಮ್ಮ ಜಿಲ್ಲೆ ಬೊಕ್ಕ ರಾಜ್ಯಡ್ದ್  ಗಡಿಪಾರು ಮಲ್ಪೊಡ್.

ದೇಶದ ಆಂತರಿಕ ಸುರಕ್ಷತೆ ದೃಷ್ಟಿಡ್  ಶ್ರೀರಾಮಸೇನೆದ ಹೋರಾಟ ಉಗ್ರಸ್ವರೂಪ ಅನಿವಾರ್ಯ ಆಪುಂಡ್  ಪಂಡುದು ಉಡುಪಿ ಜಿಲ್ಲಾ ಶ್ರೀರಾಮಸೇನೆದ ಮುಖಂಡೆರು ಅಗ್ರಹ ಮಲ್ತೆರು.

ಈ ಸಂದರ್ಭಡ್  ಜಿಲ್ಲಾಧ್ಯಕ್ಷ ಜಯರಾಂ ಅಂಬೆಕಲ್ಲು, ಮುಖಂಡೆರಾಯಿನ  ಸುಧರ್ಶನ್ ಪೂಜಾರಿ, ಶರತ್ ಮಣಿಪಾಲ, ಸುಜಿತ್ ನಿಟ್ಟೂರು, ವಿಕ್ರಂ ಕುಂದರ್, ಸುದೀಪ್ ನಿಟ್ಟೂರು, ಅರುಣ್ ಕುರ್ಕಾಲು, ಮೋಹನ್ ಪೂಜಾರಿ ಕಾಪು, ಸುರೇಶ್ ಶೆಟ್ಟಿ ಶಿರ್ವ, ಸುಧೀರ್ ಅಂಬಲಪಾಡಿ, ರಾಘವೇಂದ್ರ ಮಣಿಪಾಲ, ರಮೇಶ್, ಪ್ರದೀಪ್ ಅಂಬಲಪಾಡಿ ಉಪಸ್ಥಿತರಿತ್ತೆರು.