ಜಾತಿನಿಂದನೆ ಮಲ್ತಿನ ನಟೆ ಉಪೇಂದ್ರನ್ ಬಂಧಿಸಾವೊಡ್: ಜಯನ್ ಮಲ್ಪೆ.

ಚಿತ್ರ ನಟೆ, ನಿರ್ದೇಶಕೆ ಬೊಕ್ಕ ನಿರ್ಮಾಪಕೆರಾಯಿನ ಉಪೇಂದ್ರನ್ ಜಾತಿ‌ನಿಂದನೆ ಮಲ್ತಿನ ಹಿನ್ನೆಲೆಡ್ ಕೂಡಲೇ ಬಂಧಿಸಾವೊಡ್ ಪಂಡುದ್ ಕರ್ನಾಟಕ ‌ರಾಜ್ಯ ದಲಿತ ಸಂಘರ್ಷ ಸಮಿತಿದ ‌ರಾಜ್ಯ‌ ಸಮಿತಿ ‌ಸದಸ್ಯೆ ಬೊಕ್ಕ ‌ದಲಿತ ಚಿಂತಕೆರಾಯಿನ ಜಯನ್ ಮಲ್ಪೆ ಆಗ್ರಹ ಮಲ್ತುದೆರ್.
ಕಾರ್ಯಕ್ರಮಡ್ ಪಾತೆರನಗ ದಲಿತ ಸಮುದಾಯನ್ ಗುರಿಯಾದ್ ದೀಯೊಂದ್ ಅವಹೇಳನಕಾರಿಯಾದ್ ಜಾತಿನಿಂದನೆ ಮಲ್ಪನವ್ ‌ಖಂಡನೀಯ. ಇಂಚಿನ ಮನಸ್ಥಿತಿ ‌ಇಪ್ಪುನ ನಟೆ ಉಪೇಂದ್ರನ ಮಾತಾ ಚಲನ ಚಿತ್ರೊಲೆನ್ ಬಹಿಷ್ಕಾರ ಮಲ್ಪೊಡ್ ಪಂಡುದ್ ಪಂಡಿನ ಜಯನ್‌ ಮಲ್ಪೆ, ಅರೆನ ವಿರುದ್ಧ ರಾಜ್ಯಾದ್ಯಂತ ‌ದಲಿತ‌ ಸಂಘಟನೆಲು ‌ಕೈತಲುದ ಪೊಲೀಸ್ ‌ಠಾಣೆಡ್ ದೂರು ದಾಖಲೆ ಮಲ್ಪರೆಗ್ ಲೆಪ್ಪು ಕೊರ್ತೆರ್.
ರಿಯಲ್ ‌ಸ್ಟಾರ್ ಪನೊಂದ್ ಒಂಜಿ ರಾಜಕೀಯ ‌ಪಕ್ಷ ಕಟ್ಟೊಂದ್ ಜನಸೇವೆ ಮಲ್ಪುವೆ ಪನ್ಪಿನ ಈ ನಟೆ ಉಪೇಂದ್ರೆ, ಊರಿದ್ದ ಕಡೆ ಹೊಲಗೇರಿ ಪಂಡುದು ಜಾತಿ ನಿಂದನೆ ‌ಪದ ಬಳಕೆ ಮಲ್ತುದ್ ಸಂವಿಧಾನಗ್ ‌ಮಲ್ತಿನ ಅಪಚಾರ‌ ಪಂತೆರ್.