ನೆಟ್ಟಾರ್ ಆರೋಪಿಲೆನ್ ಬೆಳ್ಳಾರೆ ರಸ್ತೆಡೇ ಎನ್ ಕೌಂಟರ್ ಮಲ್ಪುಲೆ: ಪುತ್ತಿಲ.

ಬೆಳ್ಳಾರೆ ಪುತ್ತಿಲ ಅಭಿಮಾನಿ ಬಳಗದ ವತಿಡ್ದ್ ಭಾರತ ಮಾತ ಪೂಜಾನಾ ಕಾರ್ಯಕ್ರಮ ಬೆಳ್ಳಾರೆದ ಅಜಪಿಲ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ಸಭಾಭವನಡ್ ನಡತುಂಡ್.
ಸಭೆತ್ತ ಕೇಂದ್ರ ಬಿಂದು ಅರುಣಕುಮಾರ್ ಪುತ್ತಿಲ ಮೇರ್ ಪಾತೆರ್ದ್ , ದೇಶೊಡೇ ಸಂಚಲನ ಪುಟ್ಟಾಯಿನ ಪ್ರವೀಣ್ ನೆಟ್ಟಾರು ಹತ್ಯೆ ಆರೋಪಿಲೆನ ಶರಣಾಗತಿಕ್ ಜೂನ್ ತಿಂಗೊಲ್ದ 30 ತಾರೀಕುಮುಟ್ಟ NIA ನ್ಯಾಯಾಲಯ ಅವಕಾಶ ಕೊರ್ದಿತ್ತುಂಡ್. ಶರಣಾಯಿಜೆರಡ ಇಲ್ಲ್ ಬೊಕ್ಕ ಅಸ್ತಿ ನ್ ಮುಟ್ಟುಗೊಲು ಮಲ್ಪುವಾ ಪಂಡುದ್ ತೆರಿಪಾದೆರ್. ಆಂಡ ಕೊರ್ತಿನ ಗಡು ಮುಗಿದಿತ್ತುದ್, ಅಕ್ಲೆನ ವಿರುದ್ದ ಆಯಿನಸತ್ ಬೇಗ ಕ್ರಮ ದೆತೊನೊಡ್ ಅಂಚೆನೇ ಪ್ರವೀಣ್ ಹತ್ಯೆದ 11 ಆರೋಪಿಲೆನ್ ಬೆಳ್ಳಾರೆ ನಡುರಸ್ತೆಡೇ ಎನ್ ಕೌಂಟರ್ ಮಲ್ಪೊಡ್ ಪಂಡೆರು. ಹಿಂದುಲೆನ ಒಗ್ಗಟ್ಟುನ್ ಪೊಲಿಪರೆಗ್ , ಕಾರ್ಯಕರ್ತೆರೆನ ದೃತಿ ಕೆಟ್ಡಾವರೆಗ್ ಕೆಲವೆರು ಪ್ರಯತ್ನ ಮಲ್ತೊಂದಿತ್ಯುದ್, ಅಂಚಿನಕ್ಲೆನ ವಿರುದ್ಧ ಯಾನು ಸಾಮಾನ್ಯ ಕಾರ್ಯಕರ್ತೆಯಾದ್ ಬೆಳ್ಳಾರೆದ ಹಿಂದು ಕಾರ್ಯಕರ್ತೆರೆನ ಒಟ್ಟುಗ್ ಉಂತುವೆ ಪಂಡೆರು.