ಕಾಯೊನ್ ಬುಡುದ್ ಮಾಯೊನ್ ಸೇರಿನ ಸಾಹಿತಿ..ಅಜೆಕಾರ್

ಹಿರಿಯ ಪತ್ರಕರ್ತ, ಸಾಹಿತಿ,ಲೇಖಕೆರಾಯಿನ ಶೇಖರ್ ಅಜೆಕಾರ್ ಮೇರ್ ತಿಗಲೆಬೇನೆಡ್ ತೀರಿಯೆರ್..

ಬೆಳದಿಂಗಳ ಸಾಹಿತ್ಯ ಸಮ್ಮೇಳನದ ಮುಖೇನ ನಾಡುದ ಗಮನ ಒಯ್ತಿನ ಅಜೆಕಾರ್ ಮೇರ್ ತುಳುನಾಡುದ ಪತ್ರಿಕೆಲೆಡ್ ಪತ್ರಕರ್ತೆರಾದ್ ಲೇಖಕೆರಾದ್ ಸಾಹಿತಿಲಾದ್ ಸಂಘಟಕೆರಾದ್ ವಿಶೇಷ ಸೇವೆ ಮಲ್ದಿನಾರ್.ಕನ್ನಡ, ತುಳುಬಾಸೆದ ಸಾಹಿತಿಯಾದ್,ಪುಗಾರ್ತೆನ ಪಡೆಯಿನ ಆರ್ ತುಳುನಾಡುದ ಕಂಬುಲದ ಬಗ್ಗೆ 5 ಬೂಕುಲೆನ್ ಬರೆತೆರ್.ಮೆರೆನ ಸಾಹಿತ್ಯ ಸಾಧನೆಗ್ ಡಾಕ್ಟರೇಟ್ ಮಾನಾದಿಗೆ ಸೇರಿನಂಚ ಜಿಲ್ಲಾ,ರಾಜ್ಯ ಬೊಕ್ಕ ರಾಷ್ಟ್ರಮಟ್ಟದ ಪ್ರಶಸ್ತಿ ಲ್ ಮೆರೆಗ್ ಸಿಕ್ಕದುಂಡ್.

ಇನಿ ಆರ್ ಅಪಾರ ಬಂಧುಲೆನ್ ಅಗತುದೆರ್.

ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘ ಸಂತಾಪ

ಬೇತೆ ಬೇತೆ ಪತ್ರಿಕೆಲೆಡ್ ಕರಲವು ದಶಕ ಕಾಲ ಸೇವೆ ಸಲ್ಲಿಸಾಯಿನ ಹಿರಿಯ ಪತ್ರಕರ್ತ ಶೇಖರ್ ಅಜೆಕಾರ್ ಅರೆನ ಅಗಲಿಕೆಗ್ ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷ ರಾಜೇಶ್ ಶೆಟ್ಟಿ ಅಲೆವೂರು, ಪ್ರಧಾನ ಕಾರ್ಯದರ್ಶಿ ನಝೀರ್ ಪೊಲ್ಯ, ರಾಜ್ಯ ಸಮಿತಿ ಸದಸ್ಯ ಕಿರಣ್ ಮಂಜನಬೈಲು, ರಾಷ್ಟ್ರೀಯ ಸಮಿತಿ ಸದಸ್ಯ ಅರುಣ್ ಕುಮಾರ್ ಶಿರೂರು, ರಜತ ಮಹೋತ್ಸವ ಸಮಿತಿದ ಸಂಚಾಲಕ ಶರೀಫ್ ಕಾರ್ಕಳ, ಪ್ರಧಾನ ಕಾರ್ಯದರ್ಶಿ ಜಯಕರ ಸುವರ್ಣ ಬೊಕ್ಕ ಸಂಘದ ಪದಾಧಿಕಾರಿಲು, ಸದಸ್ಯೆರು ಸಂತಾಪ ತೆರಿಪಾದೆರ್.