ತುಳುನಾಡ್ದ ದೈವಾರಾಧನೆಗ್ ವಿಶೇಷವಾಯಿನ ಮಾನಾದಿಗೆ ಉಂಡು.ಇನಿತ್ತ ತುಳುನಾಡುಡ್ ದೈವಾರಾಧನೆಗ್ ಅವಮಾನ ಆವೊಂದುಂಡ್.ಅವ್ವೆನ್ ತುಳುವೆರ್ ಅರ್ಥ ಮಲ್ತೊನೊಡ್.ಮಾನವನ್ ದೇವೆರ್ ಮಲ್ಪರೆಗ್ ಪೋವೊಡ್ಚಿ.ಮಾನವನ ಸಿದ್ದಾಂತೊನ್ ಗೆತೊನುಗ..ಸತ್ಯದ ಸಾದಿಡ್ ನಡತೊಂದಿತ್ತಿನ ತುಳುನಾಡುದ ಧರ್ಮೊನ್ ಒರಿಪುಲೆ ಪಂಡುದ್ ತುಳುನಾಡ್ದ ದೈವಾರಾಧನೆದ ಚಿಂತಕೆರಾಯಿನ ತಮ್ಮಣ್ಣ ಶೆಟ್ಟಿ ಪಂಡೆರ್.ಆರ್ ಸೌಜನ್ಯ ಅತ್ಯಾಚಾರದ ಬಗೆಟ್ ಒಡಿಪುದ ಅಜ್ಜರಕಾಡುಡ್ ನಡತಿನ ಪ್ರತಿಭಟನಾ ಸಭೆಟ್ ಕೈಮರ ಪಾತೆರ ಪಾತೆರಿಯೆರ್.
ಧರ್ಮಸ್ಥಳ ನಮ್ಮ ಆರಾಧ್ಯ ಕೇಂದ್ರ. ಅಣ್ಣಪ್ಪೆ ನಂಬಿಕೆದ ದೈವ.ಅವ್ವನ್ ನಮ ಒರಿತ್ ಕೊರೊಡ್.ಆ ಜಾಗೆದ ಕಲೆಕಾರ್ನಿಕೊನ್ ಒರಿತುದ್ ಕೊರೊಡ್ ಪಂಡೆರ್.ತುಳುನಾಡುದ ದೈವೊಲು ನಮನ್ ಬುಡುದ್ ಪಾಡಯೆರ್.
ಹಿಂದುತ್ವದ ಪಿರಾವುಡ್ ನಕಲಿ ಹಿಂದುತ್ವದಕುಲು ಲಕ್ಕುದೆರ್.ನಮ ಸಂಸ್ಕಾರದ ಹಿಂದುಲು ಆವೊಡ್.ಸನಾತನ ಧರ್ಮೊನ್ ಒರಿಪುನ ಬೇಲೆ ಮಲ್ಪುಗ ಪಂಡೆರ್.ಈ ಪೊರ್ತುಡ್ ಸೌಜನ್ಯನ ಆರೋಪಿಲೆಗ್ ಕೂಡಲೇ ಶಿಕ್ಷೆ ಆವೊಡ್.ಸ್ತ್ರೀ ಶಾಪ ಎರೆನ್ಲಾ ಬುಡುದ್ ಪೋಪುಜಿ.ದೈವದ ನಿಯಮದ ಪ್ರಕಾರ 12 ವರ್ಷ ಕಾಪೊಡ್ ನಮ.ಅಪರಾಧಿಲೆಗ್ ಶಿಕ್ಷೆ ಆಯಿನಾತ್ ಬೇಗ ನಮ ದೈವ ದೇವೆರ್ ಶಿಕ್ಷೆ ಕೊರ್ಪೆರ್ ಪಂಡುದ್ ಈ ಪೊರ್ತುಡ್ ಪಂಡೆರ್.
by 