ಉಡುಪಿ: ನಮ ತುಳುವೆರ್ ಕಲಾ ಸಂಘಟನೆ, ಮುದ್ರಾಡಿ, ಕರ್ನಾಟಕ ಬೀದಿ ನಾಟಕ ಅಕಾಡೆಮಿ ವತಿಡ್ದ್ ಗುರುವಾರ ಉಡುಪಿದ ಯಕ್ಷಗಾನ ಕಲಾರಂಗದ ಐ ವೈ ಸಿ ಸಭಾಂಗಣಡ್ ನಡತಿನ ಕಾರ್ಯಕ್ರಮಡ್ ಸಿಜಿಕೆ ರಂಗ ಪುರಸ್ಕಾರ-2024 ನ್ ರಂಗಕರ್ಮಿಲಾಯಿನ ಉಡುಪಿದ ರವಿರಾಜ ಎಚ್ ಪಿ ಬೊಕ್ಕ ಕುಡ್ಲದ ಶಶಿರಾಜ್ ಕಾವೂರು ಮೊಕ್ಲೆಗ್ ಪೆರಿಯ ವಿದ್ವಾಂಸೆರಾಯಿನ ನಾಡೋಜ ಡಾ. ಕೆ. ಪಿ. ರಾವ್ ಪ್ರದಾನ ಮಲ್ತುದ್ ರಂಗಭೂಮಿಡ್ದ್ ಸಾಮಾಜಿಕ ಬದಲಾವಣೆ ಆಪುಂಡ್. ಬಿ ವಿ ಕಾರಂತ ಶ್ರೇಷ್ಠ ಕಲಾವಿದೆರೆನ ರಂಗಭೂಮಿ ಕ್ಷೇತ್ರದ ಕೊಡುಗೆ ಬಗೆಟ್ ಪಾತೆರಿಯೆರು.
ತುಳುಕೂಟ ಉಡುಪಿದ ಅಧ್ಯಕ್ಷೆರಾಯಿನ ಇಂದ್ರಾಳಿ ಜಯಕರ ಶೆಟ್ಟಿ ಅಧ್ಯಕ್ಷತೆಡಿತ್ತೆರು. ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಸಹಾಯಕ ನಿರ್ದೇಶಕಿ ಶ್ರೀಮತಿ ಪೂರ್ಣಿಮಾ ಬೊಕ್ಕ
ಕಲಾವಿದ ಮೈಮ್ ರಾಮದಾಸ್ ಮೇರು ಸಿಜಿಕೆ ಅರೆನ ಒಟ್ಟುದ ಒಡನಾಟನ್ ನೆಂಪು ಮಲ್ತೊಂಡೆರು .
ಸಂಸ್ಕೃತಿ ವಿಶ್ವಪ್ರತಿಷ್ಠಾನದ ಸ್ಥಾಪಕ ವಿಶ್ವನಾಥ್ ಶೆಣೈ, ರಂಗಕರ್ಮಿ, ನಮ ತುಳುವೆರ್ ಕಲಾ ಸಂಘಟನೆದ ಸುಕುಮಾರ್ ಮೋಹನ್ ಮುದ್ರಾಡಿ ಉಪಸ್ಥಿತರಿತ್ತೆರು. ರಾಜೇಶ್ ಭಟ್ ಪಣಿಯಾಡಿ ಸೊಲ್ಮೆ ಸಂದಾಯ್ತ ಮಲ್ತುದ್, ಪೂರ್ಣಿಮಾ ಜನಾರ್ದನ್ ನಿರೂಪಣೆ ಮಲ್ತೆರು.
by 