ಸಂಸ್ಕ್ರತಿ ಉತ್ಸವ

ಸಂಸ್ಕೃತಿ ವಿಶ್ವ ಪ್ರತಿಷ್ಠಾನದ
ಸಂಸ್ಕೃತಿ ಉತ್ಸವ -2025

ಸಂಸ್ಕೃತಿ ವಿಶ್ವ ಪ್ರತಿಷ್ಠಾನ (ರಿ) ಉಡುಪಿ ಪ್ರತಿವರ್ಷ ನಡಪುನ ಸಂಸ್ಕೃತಿ ಉತ್ಸವ  ಜನವರಿ 30, 31 ಗ್ ಉಡುಪಿದ  ಯಕ್ಷಗಾನ ಕಲಾರಂಗದ ಐ ವೈ ಸಿ ಹವಾ ನಿಯಂತ್ರಿತ ಸಭಾಂಗಣಡ್  ನಡಪರೆಗುಂಡ್.

ರಡ್ಡ್  ದಿನ ನಡಪುನ  ಈ ಉತ್ಸವಡ್ ಜನವರಿ 30 ಗುರುವಾರದಾನಿ ಬಯ್ಯಗ್  5:30ಗ್  ಶ್ರೀ ರಾಘವೇಂದ್ರ ಚಾರಿಟೇಬಲ್ ಟ್ರಸ್ಟ್ (ರಿ) ಹೆಬ್ರಿ ಪ್ರಾಯೋಜಿತ ‘ಶಾರದಾ ಕೃಷ್ಣ ಪುರಸ್ಕಾರ’ ನ್ ರಂಗ ನಿರ್ದೇಶಕೆರಾಯಿನ ಜೀವನ ರಾಮ್ ಸುಳ್ಯ ಮೆರೆಗ್ ಕೊರ್ದ್ ಮಾನಾದಿಗೆ ಮಲ್ಪುಂಡ್ . ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನದ ರಂಗ ಅಧ್ಯಯನ ಕೇಂದ್ರದ ವಿದ್ಯಾರ್ಥಿಲೆಡ್ದ್  ಶ್ರೀಮತಿ ವೈದೇಹಿ ರಚನೆದ, ಜೀವನ ರಾಮ್ ಸುಳ್ಯ ನಿರ್ದೇಶನದ ‘ನಾಯಿಮರಿ’ ನಾಟಕ ಪ್ರದರ್ಶನ ಆಪುಂಡ್ .

ಜನವರಿ 31 ಶುಕ್ರವಾರ  5:30ಕ್ ರಂಗಭೂಮಿ ಬೊಕ್ಕ ಚಲನಚಿತ್ರ ನಟ ಮಂಡ್ಯ ರಮೇಶ್ ಮೆರೆಗ್ ಪಂಚಮಿ ಟ್ರಸ್ಟ್ (ರಿ) ಉಡುಪಿ ಪ್ರಾಯೋಜಿತ ‘ಪಂಚಮಿ ಪುರಸ್ಕಾರ’ ಕೊರ್ಪುಂಡ್.  ಮಂಡ್ಯ ರಮೇಶ್ ನಿರ್ದೇಶನದ ,ಹಬೀಬ್ ತನ್ವೀರ್ ರಚನೆದ ವ್ಯಂಗ್ಯ ವಿಡಂಬನಾತ್ಮಕ ನಾಟಕ ‘ಚೋರ ಚರಣದಾಸ’ ಪ್ರದರ್ಶನ ಆಪುಂಡ್ ಪಂಡುದು ಸಂಸ್ಕೃತಿ ವಿಶ್ವ ಪ್ರತಿಷ್ಠಾನದ ಸಂಚಾಲಕೆ ರವಿರಾಜ್ ಎಚ್. ಪಿ ಪತ್ರಿಕಾ ಪ್ರಕಟಣೆಡ್  ತೆರಿಪಾದೆರ್.

9845240309