ಗಣೇಶ ವಿಗ್ರಹ ಬೊಕ್ಕ ಮೂರ್ತಿ ತಯಾರಿಕ ಘಟಕೊಗ್ ಭೇಟಿ ಕೊರಿನ ಡಿಸಿ..

ನಗರದ ಕಡಿಯಾಳಿದ ಗಣೇಶ ವಿಗ್ರಹಲೆನ ಬೊಕ್ಕ ಮೂರ್ತಿ ತಯಾರಿಕ ಘಟಕ ಬೊಕ್ಕ ಮಾರಾಟ ಸಂಸ್ಥೆಗ್ ಜಿಲ್ಲಾಧಿಕಾರಿ ಡಾ. ವಿದ್ಯಾ ಕುಮಾರಿ. ಕೆ ಇನಿ ಬಯ್ಯಗ್ ಭೇಟಿ ಕೊರ್ದ್ ಪರಿವೀಕ್ಷಣೆ ಮಲ್ತೆರ್.

ಈ ಸಂದರ್ಭಡ್ ಗಣಪತಿ ವಿಗ್ರಹ ತಯಾರ್ ಮಲ್ಪುನಕ್ಲೆನೊಟ್ಟುಗ್ ಪಾತೆರಿನ ಆರ್ , ವಿಗ್ರಹ ತಯಾರಿಕೆಗ್ ಬಳಸೊಂದುಪ್ಪುನ ವಸ್ತುಲು ಬೊಕ್ಕ ಬಣ್ಣದ ಲೇಪನದ ಬಗ್ಗೆ ಮಾಯಿತಿ ಪಡೆತುದು ಪಾತೆರ್ದ್ ಬಣ್ಣ ಇಪ್ಪಂದಿನ ವಿಗ್ರಹಲೆನ ತಯಾರಿಕೆಗ್ ಜಾಸ್ತಿ ಒತ್ತು ಕೊರೊಡ್ ಪಂಡೆರು.

ಪ್ಲಾಸ್ಟರ್ ಆಫ್ ಪ್ಯಾರಿಸ್ ಬೊಕ್ಕ ಬಣ್ಣದ ವಿಗ್ರಹಲೆನ್ ಜಲಮೂಲಗ್ ವಿಸರ್ಜನೆ ಮಲ್ಪುನೆಡ್ದಾವರ ಲೆಡ್, ಕ್ರೋಮಿಯಂ ಅಪಾಯಕಾರಿ ರಾಸಾಯನಿಕಡ್ದ್ ನೈಸರ್ಗಿಕ ಜಲ ಮೂಲಗ್ ತೊಂದರೆಯಾಪುಂಡ್. ನೆತ್ತ ಒಟ್ಟುಗ್ ಭೌತಿಕ ಬೊಕ್ಕ ರಾಸಾಯನಿಕ ಗುಣಕುಲು ಪರಿಸರದ ಮಿತ್ತ್ ದುಷ್ಪರಿಣಾಮ ಆಪಿನೆಡ್ದಾವರ ಪ್ರಾಣಿ ಪಕ್ಷಿ, ಜಲಚರಕ್ಲೆನ ಜೀವಗ್ ಅಪಾಯ ಆಪುನ್ ಮಾತ್ರ ಅತ್ತಾವಂದೆ ಸಾರ್ವಜನಿಕರ ಆರೋಗ್ಯ ಗುಲಾ ಧಕ್ಕೆ ಆಪುಂಡ್ ಈ ಬಗ್ಗೆ‌ದಾಲ ಸಮಸ್ಯೆ ಬತ್ತುಂಡ ಕೂಡಲೇ ಅಕ್ಲೆನ ಮಿತ್ತ್ ಕಾನೂನು ಕ್ರಮ ದೆತೊನೊಡ್ ಪಂಡುದ್ ಪರಿಸರ ಮಾಲಿನ್ಯ ಅಧಿಕಾರಿಲೆಗ್ ಸೂಚನೆ ಕೊರಿಯೆರು.

ಮಣ್ಣುಡ್ ಬೊಕ್ಕ ಬಣ್ಣ ಲೇಪಿತ ಉಪ್ಪಂದಿನ ವಿಗ್ರಹದ ನ್ ಮಾತ್ರ ಜಲಮೂಲದ ಕೈತಲ್ ವಿಸರ್ಜನೆ ಮಲ್ಪರೆಗ್ ವ್ಯವಸ್ಥೆ ಮಲ್ಪೊಡ್ ಬೊಕ್ಕ ಘನ ತ್ಯಾಜ್ಯೊಲನ್ ವಿಗ್ರಹದ ಒಟ್ಟುಗ್ ವಿಸರ್ಜನೆ ಮಲ್ಪರೆಗ್ ಅವಕಾಶ ಕೊರ್ರೆಗ್ ಬಲ್ಲಿ ಪಂಡೆರು.

ನಗರ ಸ್ಥಳೀಯ ಸಂಸ್ಥೆಲು ಬೊಕ್ಕ ಗ್ರಾಮ ಪಂಚಾಯಿತಿಲು ಗಣೇಶ ವಿಗ್ರಹಲೆನ ವಿಸರ್ಜನೆಗ್ ಪ್ರತ್ಯೇಕ ವ್ಯವಸ್ಥೆ ಮಲ್ಪೊಡ್ ಪಂಡೆರು.

ಸಾರ್ವಜನಿಕೆರು ಗಣೇಶ ಚತುರ್ಥಿನ್ ಶಾಂತಿ ಬೊಕ್ಕ ಸೌಹಾರ್ದಯುತವಾದ್ , ಪರಿಸರ ಸ್ನೇಹಿಯಾದ್ ಆಚರಣೆ ಮಲ್ಪೊಡ್ ಪಂಡೆರ್.
ಈ ಸಂದರ್ಭಡ್ ಪ್ರಾದೇಶಿಕ ಪರಿಸರ ಅಧಿಕಾರಿ ಕೆ .ಎಂ. ರಾಜು, ಜಿಲ್ಲಾ ವಾರ್ತಾಧಿಕಾರಿ ಮಂಜುನಾಥ್ ಬಿ. ಬೊಕ್ಕ ಅಧಿಕಾರಿಲು ಉಪಸ್ಥಿತರಿತ್ತೆರು