ಗುರುವಂದನೆ

ಶ್ರೀಚಕ್ರ ಪೀಠ ಸುರಪೂಜಿತೆ ಶ್ರೀ ದುರ್ಗಾ ಆದಿಶಕ್ತಿ ಕ್ಷೇತ್ರ ಸಂಭ್ರಮದ ಗುರುಪೂರ್ಣಿಮೆ ಆಚರಣೆ

ಉಡುಪಿ ದೊಡ್ಡಣ್ಣ ಗುಡ್ಡೆದ ಶ್ರೀಚಕ್ರ ಪೀಠ ಸುರಪೂಜಿತೆ ಶ್ರೀ ದುರ್ಗಾ ಆದಿಶಕ್ತಿ ಕಾರಣಿಕ ಕ್ಷೇತ್ರಡ್ ಗುರು ಪುಣ್ಣಿಮೆ ಕಾರ್ಯಕ್ರಮ ಕ್ಷೇತ್ರದ ಧರ್ಮದರ್ಶಿ ಶ್ರೀಯುತ ಶ್ರೀ ರಮಾನಂದ ಗುರೂಜಿ ಮಾರ್ಗದರ್ಶನಡ್ ಶಿಷ್ಯ ವರ್ಗದ ಸಹಕಾರದೊಟ್ಟುಗ್ ಸಂಭ್ರಮದೊಟ್ಟುಗ್ ಆಚರಣೆ ಮಲ್ತೆರ್..

ಕ್ಷೇತ್ರದ ಗಾಯತ್ರಿ ಧ್ಯಾನಪೀಠದ ಕಪಿಲ ಮಹರ್ಷಿಲೆನ ದಿವ್ಯ ಸನ್ನಿಧಾನಡ್ ಧಾರ್ಮಿಕ ಕಾರ್ಯಕ್ರಮವಾದ್ ಮನ್ಯು ನಾಮಕ ಲಕ್ಷ್ಮಿ ನರಸಿಂಹ ಯಾಗ ಪೆರಡೂರುದ ದಿನೇಶ್ ಅಡಿಗ ನೇತೃತ್ವಡ್ ಸಂಪನ್ನ ಆಂಡ್..
ಕಪಿಲ ಮಹರ್ಷಿಲೆನ ಸನ್ನಿಧಾನಡ್ ವಿಶೇಷ ಪೂಜೆ ಮಲ್ತಿನೇಡ್ ಬೊಕ್ಕ ಭಕ್ತ ಸಮೂಹ ಶ್ರೀ ಗುರೂಜಿನ್ ಭಕ್ತಿ ಪೂರ್ವಕವಾದ್ ಗುರುಪೀಠಡ್ ಕುಲ್ಲಾದ್ ಪಾದಪೂಜೆ ಮಲ್ತೆರು…
ಸಂಕಷ್ಟಡಿತ್ತಿನ ಸಂಕಷ್ಟ ನಿವಾರಣೆ ಮಲ್ತೆರ್. ತನ್ನ ಸೂಕ್ತ ಮಾರ್ಗದರ್ಶನಡ್ ನೆಮ್ಮದಿದ ಬಾಳ್ವೆನ್ ನಡೆಸಾದ್ ಮಾರ್ಗದರ್ಶನ ಕೊರ್ದ್ ಸಲಹಿನ ಗುರುಕುಲೆಗ್ ಶಾಲು ಪೊದಿತುದ್ ಪೇಟ ಪಾಡ್ದ್ ಫಲ ಪುಷ್ಪ ಕಾಣಿಕೆನ್ ದೀದ್ ಕೃತಜ್ಞತೆನ್ ಸಲ್ಲಿಸಾಯೆರ್..
ನೃತ್ಯ ಸೇವೆಗ್ ವಿಶೇಷವಾಯಿನ ಕ್ಷೇತ್ರಡ್ ನೃತ್ಯಾರ್ಥಿಲೆಡ್ದ್ ನೃತ್ಯ ಸೇವೆ ನಡತುಂಡ್.. ಪ್ರಜ್ಞ ಆಂಗ್ಲ ಮಾಧ್ಯಮ ಶಾಲೆದ ಶಿಕ್ಷಕ ಶಿಕ್ಷಕಿಯೆರು ಬೊಕ್ಕ ವಿದ್ಯಾರ್ಥಿಲು ಮನರಂಜನ ಕಾರ್ಯಕ್ರಮ ನೆರವೇರಿಸಾಯೆರು..
ಕುಮಾರಿ ಧನ್ಯಶ್ರೀ ಕುಮಾರಿ ಅನಗ ಜಾನಕಿ ಎಸ್ ಕ್ಷೇತ್ರದ ಸ್ವಾತಿ ಆಚಾರ್ಯನ ನೃತ್ಯ ಸೇವೆ ಜನಾಕರ್ಷಣೆ ಆಂಡ್..
ಅಪಾರ ಸಂಖ್ಯೆಡ್ ನಡತಿನ ಭಕ್ತೆರೆಗ್ ಫಲ ಮಂತ್ರಾಕ್ಷತೆ ಕೊರ್ದ್ ಆಶೀರ್ವಾದ ಮಲ್ತೆರು..
ಶ್ರೀ ದುರ್ಗಾ ಆದಿಶಕ್ತಿ ದೇವಿನ ಮಹಾಪೂಜೆನ್ ಅನಿಶ್ ಆಚಾರ್ಯ ಮಲ್ತೆರ್..
ಶ್ರೀಯುತ ಆನಂದ್ ಬಾಯಾರಿ ಮೇರ್ ದುರ್ಗಾದಿ ಶಕ್ತಿ ದೇವಿನ್ ವಿಶೇಷವಾದ್ ಅಲಂಕಾರ ಮಲ್ದಿತ್ತೆರು..
ಕಪಿಲ ಮಹರ್ಷಿಗ್ ವಿಶೇಷ ಅರ್ಚನೆ ಸಹಿತ ಗುರು ಪೂಜೆನ್ ಸ್ವಸ್ತಿಕ್ ಆಚಾರ್ಯ ಮೇರ್ ನೆರವೇರಿಸಾಯೆರು.. ಪಂಚಭಕ್ಷ ಸಹಿತವಾಯಿನ ಮಹಾ ಅನ್ನಸಂತರ್ಪಣೆ ಮೃಷ್ಟಾನ್ನ ರೀತಿಡ್ ಭಕ್ತೆರೆಗ್ ಕೊರಿಯೆರ್…
ಬಯ್ಯಗ್ ಕಡಿಯಾಳಿ ಮಾತೃ ಭಜನಾ ಮಂಡಳಿದ ಬಜಕರೆಡ್ದ್ ಭಜನೆ ಸಂಕೀರ್ತನೆ ಸತ್ಯನಾರಾಯಣ ವ್ರತಕಥ ಪೂಜೆ ಶ್ರೀಚಕ್ರ ಮಾತೆಗ್ ಪುಣ್ಣಿಮೆದ ವಿಶೇಷ ಪೂಜೆಲು ನಡತುಂಡ್ …
ಗುರು ಪೂರ್ಣಿಮೆದ ಪ್ರಯುಕ್ತ ಶಾಲೆ ಜೋಕ್ಲೆಗ್ ಗುರೂಜಿ ಬ್ಯಾಗ್ ವಿತರಣೆ ಮಲ್ತೆರು