ಕನ್ನಡ ಸಾಹಿತ್ಯ ಪರಿಷತ್ತು ಉಡುಪಿ ಜಿಲ್ಲೆ ಉಡುಪಿ ತಾಲೂಕು ಘಟಕ & ಸಂಸ್ಕೃತಿ ವಿಶ್ವ ಪ್ರತಿಷ್ಠಾನ (ರಿ) ಉಡುಪಿ ಆಶ್ರಯಡ್ ನಡತಿನ ಉಡುಪಿ ಬುಡ್ನಾರುಡುಪ್ಪುನ ಯಕ್ಷ ಸಂಜೀವ ಯಕ್ಷಗಾನ ಕೇಂದ್ರಡ್ ಆಯೋಜನೆ ಮಲ್ದಿನ ವಿನೂತನ ಪ್ರಯೋಗ ” ಹಾಡು ಹರಟೆ” ಪ್ರಸಿದ್ಧ ಕವಿ ಡುಂಡಿರಾಜ್ , ಗಾಯಕ , ನಾಟಕ ನಿರ್ದೇಶಕ ಬೊಕ್ಕ ಸಂಗೀತಗಾರ ಗುರುರಾಜ ಮಾರ್ಪಳ್ಳಿ ಬೊಕ್ಕ ಹಾಸ್ಯ ಭಾಷಣಕಾರೆರಾಯಿನ ಸಂಧ್ಯಾ ಶೆಣೈ ಮೆರೆನ ಕೂಡುವಿಕೆಡ್ ನಡತಿನ ಕವಿನ ಎದುರುಡೇ ಕವಿತಾ ವಾಚನದ ಪೊಸ ಕಾರ್ಯಕ್ರಮ ನಡತುಂಡ್.
ಚುಟುಕು ಕವಿ ಪಂಡುದೇ ಪ್ರಸಿದ್ಧಿ ಪಡೆಯಿನ ಡುಂಡಿರಾಜೆರು ಉತ್ತಮವಾಯಿನ ಬೊಕ್ಕ ಮಾರ್ಮಿಕವಾಯಿನ ಕವನಲೆನ್ ಬರೆದಿತ್ತುದ್, ಅರೆನ ಈ ಪ್ರತಿಭಾ ಪಕ್ಷನ್ ಮಾರ್ಪಳ್ಳಿ ಮೇರ್ ಸ್ವತಃ ರಾಗಬದ್ಧವಾದ್ ಪಂಡುದ್ ತೋಜಾಯೆರೆಡ ಸಂಧ್ಯಾ ಶೆಣೈ ಮೇರ್ ಕವಿನೊಟ್ಟುಗ್ ಪಾತೆರಕತೆದೊಟ್ಟುಗ್ ಹಾಸ್ಯದ ಹೊನಲುನ್ ಪರಪಾಯೆರ್.
ಹಾರ್ಮೋನಿಯಂ ಡ್ ಶಶಿಕಿರಣ್ ಬೊಕ್ಕ ತಬಲಾಡ್ ಕಾರ್ತಿಕ್ ಭಟ್ ಸಹಕಾರ ಕೊರಿಯೆರ್.
ಸುರುಟ್ ನಡತಿನ ನಡತಿನ ಸಭಾ ಕಾರ್ಯಕ್ರಮಡ್ ಡಾ. ಭಾರ್ಗವಿ ಐತಾಳ್ ಕಾರ್ಯಕ್ರಮನ್ ಉದ್ಘಾಟನೆ ಮಲ್ತೆರ್. ಕನ್ನಡ & ಸಂಸ್ಕೃತಿ ಇಲಾಖೆದ ಸಹಾಯಕ ನಿರ್ದೇಶಕಿ ಶ್ರೀಮತಿ ಪೂರ್ಣಿಮಾ ಪೂರ್ಣಿಮಾ ಮುಖ್ಯ ಅತಿಥಿಯಾದಿತ್ತೆರ್ . ಸಂಸ್ಕೃತಿ ವಿಶ್ವ ಪ್ರತಿಷ್ಠಾನದ ಗೌರವಾಧ್ಯಕ್ಷ ವಿಶ್ವನಾಥ ಶೆಣೈ, ಅಧ್ಯಕ್ಷರಾಯಿನ ಪ್ರೊ.ಶಂಕರ್, ಕಸಾಪದ ಜಿಲ್ಲಾಧ್ಯಕ್ಷರಾಯಿನ ನೀಲಾವರ ಸುರೇಂದ್ರ ಅಡಿಗ, ಉಡುಪಿ ತಾಲೂಕು ಘಟಕದ ಅಧ್ಯಕ್ಷರಾಯಿನ ರವಿರಾಜ್ ಎಚ್ ಪಿ , ಗೌರವ ಕಾರ್ಯದರ್ಶಿ ಜನಾರ್ದನ ಕೊಡವೂರು ಮೊಕುಲು ಮಾತಾ ಸಭೆಟ್ ಉಪಸ್ಥಿತರಿತ್ತೆರು . ರಾಜೇಶ್ ಭಟ್ ಪಣಿಯಾಡಿ ನಿರೂಪಣೆ ಮಲ್ತುದ್ ಶ್ರೀಮತಿ ಪೂರ್ಣಿಮಾ ಕೊಡವೂರು ಧನ್ಯವಾದ ಸಮರ್ಪಣೆ ಮಲ್ತೆರ್.
by 