ಉಡುಪಿ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತು, ಉಡುಪಿ ತಾಲೂಕು ಘಟಕದ ಕನ್ನಡ ಸಾಹಿತ್ಯ ಸಮ್ಮೇಳನ ಡಿಸೆಂಬರ್ 30 ಶನಿವಾರ ಮಣಿಪಾಲದ ಶ್ರೀ ಕ್ಷೇತ್ರ ಶಿವಪಾಡಿ ಉಮಾ ಮಹೇಶ್ವರ ದೇವಸ್ಥಾನದ ಶ್ರೀ ರಮಾನಂದ ಸ್ಮೃತಿ ಮಂಟಪಡ್ ನಡಪರೆಗುಂಡ್ . ಕಾಂಡೆ 8:15 ಡ್ದ್ ರಾತ್ರೆ 8:15 ಮುಟ್ಟ ನಿರಂತರ 12 ಗಂಟೆ ಕಾರ್ಯಕ್ರಮಡ್ ಮಣಿಪಾಲದ ಎಂ ಐ ಟಿ ಬಸ್ ನಿಲ್ದಾಣದ ಮೆರವಣಿಗೆದೊಟ್ಟುಗ್ ಸಮ್ಮೇಳನಾಧ್ಯಕ್ಷೆರಾಯಿನ ಎಚ್ ಶಾಂತರಾಜ್ ಐತಾಳ್ ಅರೆನ್ ಸ್ವಾಗತ ಮಲ್ಪುಂಡ್.
9:25ಗ್ ಅಪರ ಜಿಲ್ಲಾಧಿಕಾರಿ ಮಮತಾ ದೇವಿ ಜಿ. ಎಸ್ ಧ್ವಜಾರೋಹಣ, ಬೊಕ್ಕ ಜಿಲ್ಲಾಧ್ಯಕ್ಷ ನೀಲಾವರ ಸುರೇಂದ್ರ ಅಡಿಗ ಅರೆಡ್ದ್ ಪರಿಷತ್ ಧ್ವಜಾರೋಹಣ ನಡಪರೆಗುಂಡ್. 9:30ಗ್ ಹರ್ಷಿತಾ ಉಡುಪ ಬೊಕ್ಕ ಪ್ರಣಮ್ಯ ತಂತ್ರಿ ಅರೆಡ್ದ್ ಯಕ್ಷ ನಾಟ್ಯ ವೈಭವ ನಡಪರೆಗುಂಡ್. 10 ಗಂಟೆಗ್ ಸರಿಯಾದ್ ದಿವಂಗತ ತಾರಾ ಭಟ್ ನೆಂಪುದ ಪುಸ್ತಕ ಮಳಿಗೆದ ಉದಿಪನ ನಡಪುಂಡ್ .ಸಾಹಿತಿ ನೆಂಪು ನರಸಿಂಹ ಭಟ್ ಉದಿಪನ ಮಲ್ಪರೆಗುಲ್ಲೆರ್ . ಬೊಕ್ಕ ಉದ್ಘಾಟನಾ ಕಾರ್ಯಕ್ರಮ ನಡಪರೆಗಿತ್ತುದ್ ಅಂತರಾಷ್ಟ್ರೀಯ ಕಲಾವಿದ, ಪರಿಸರವಾದಿ ದಿನೇಶ್ ಹೊಳ್ಳ ಮೇರು ದೀಪ ಪ್ರಜ್ವಲನೆ ಮಲ್ಪರೆಗುಲ್ಲೆರ್.
ಉದ್ಘಾಟನಾ ಸಮಾರಂಭಡ್ ಹಿರಿಯ ಸಾಧಕೆರಾಯಿನ ಚಲನಚಿತ್ರ ನಿರ್ದೇಶಕ ಕೃಷ್ಣಪ್ಪ ಉಪ್ಪುರು, ಕಲಾವಿದ ಮನೋಹರ್ ನಾಯಕ್ ಅಂತರಾಷ್ಟ್ರೀಯ ಕ್ರೀಡಾಪಟು ಅರುಣಾಕಲಾ ರಾವ್, ಸಮಾಜ ಸೇವಕ ರವೀಂದ್ರ ಶೆಟ್ಟಿ ಕಡೆಕಾರ್ ಮೆರೆನ್ ಅಭಿನಂದನೆ ಮಲ್ಪರೆಗುಲ್ಲೆರ್.
ಸಾಹಿತ್ಯ ಸಮ್ಮೇಳನಗ್ ಡಾ. ನಾ ಸೋಮೇಶ್ವರ, ಉದ್ಘಾಟನಾ ಸಮಾರಂಭಗ್ ಮುಖ್ಯ ಅತಿಥಿಲಾದ್ ಕನ್ನಡದ ಹಿರಿಯ ಸಾಹಿತಿ, ದೂರದರ್ಶನದ ‘ಥಟ್ ಅಂತ ಹೇಳಿ’ ಕಾರ್ಯಕ್ರಮ ನಿರೂಪಕೆರಾಯಿನ ಡಾ. ನಾ ಸೋಮೇಶ್ವರ ಮೇರು ಬರ್ಪೆರ್
ಬೊಕ್ಕ ಬೇತೆ ಬೇತೆ ಸಾಂಸ್ಕೃತಿಕ ಕಾರ್ಯಕ್ರಮದೊಟ್ಟುಗ್ ಅಂಚೆ ಕಾರ್ಡ್ ಕಥೆಕುಲು (ಗೃಹಿಣಿಯರಿಗಾದ್), ಯುವ ಕವಿಗೋಷ್ಠಿ, ಅಲ್ಲಿ ಇಲ್ಲಿ ಹಾಸ್ಯ ಗೋಷ್ಠಿ , ಅಧ್ಯಕ್ಷೆರೆನೊಟ್ಟುಗ್ ಮುಖಾಮುಖಿ ಇಂಚ ಬೇತೆ ಬೇತೆ ಗೋಷ್ಠಿಲು ನಡಪರೆಗುಂಡ್.
ತಾಲೂಕು ಅಧ್ಯಕ್ಷ ರವಿರಾಜ್ ಎಚ್ ಪಿ ಅರೆನ ಅಧ್ಯಕ್ಷತೆದ ಸಮಾರೋಪ ಸಮಾರಂಭಡ್ ಬೇತೆ ಬೇತೆ ಕ್ಷೇತ್ರಡ್ ಸಾಧನೆ ಮಲ್ತಿನ ಡಾ. ಎನ್. ಎ. ಮಧ್ಯಸ್ಥ (ಪಕ್ಷಿ ಪ್ರಪಂಚ) , ಪ್ರೊ. ಬಾಲಕೃಷ್ಣ ಮದ್ದೋಡಿ ಮಣಿಪಾಲ (ಶಿಕ್ಷಣ), ಡಾ. ವೈ ಸುದರ್ಶನ ರಾವ್ (ವೈದ್ಯಕೀಯ), ಡಾ. ರಶ್ಮಿ ಅಮ್ಮೆಂಬಳ (ಮಾಧ್ಯಮ), ಕೃಷ್ಣ ಸೆಟ್ಟಿಬೆಟ್ಟು (ಯೋಧ), ಲಿಯಾಖತ್ ಆಲಿ (ಚಿತ್ರಕಲೆ) , ನಿದೀಶ್ ಕುಮಾರ್ ಪರ್ಕಳ (ಛಾಯಾಗ್ರಹಣ ), ವಿನಯ ಸರೋಜಾ ಕುಮಾರಿ (ಶಿಕ್ಷಣ), ರಂಜಿತ್ ಶೆಟ್ಟಿ (ಸಂಸ್ಕೃತಿಕ ), ಸಂಜೀವ ಪಾಟೀಲ್ ಪರ್ಕಳ (ಸಾಹಿತ್ಯ ), ನಿತ್ಯಾನಂದ ಕಬಿಯಾಡಿ (ಭಜನೆ), ವಿದುಷಿ ಉಷಾ ಹೆಬ್ಬಾರ್ (ಸಂಗೀತ), ಸುಗುಣ ಶಂಕರ್ ಸುವರ್ಣ ಮಣಿಪಾಲ (ಉದ್ಯಮ ), ಗೋಪಿ ಹಿರೇಬೆಟ್ಟು (ವ್ಯಂಗ್ಯ ಚಿತ್ರ), ಕೃತಿ ಆರ್. ಸನಿಲ್ (ನೃತ್ಯ), ಸುಶೀಲ ಆರ್. ರಾವ್ ಬೈಲೂರು (ಸಾಹಿತ್ಯ ) ಮಹಮ್ಮದ್ ಮೌಲ (ಸಮಾಜ ಸೇವೆ ), ರತ್ನಾಕರ ಕಲ್ಯಾಣಿ ಪೆಡೂ೯ರು (ರಂಗಭೂಮಿ). ವಿದ್ಯಾ ವಿಶ್ವೇಶ (ರಂಗೋಲಿ ), ಸುಜಾತ ಜೆ. ಶೆಟ್ಟಿ (ಔಷದ) ಬೊಕ್ಕ ಪರ್ಕಳದ ಅಜ್ಜ ಅಜ್ಜಿ ಹೋಟೆಲ್ ದಂಪತಿಲಾಯಿನ ಶ್ರೀಮತಿ ವಸಂತಿ ಪ್ರಭು , ಶ್ರೀ ಗೋಪಾಲಕೃಷ್ಣ ಪ್ರಭು . ಮೊಕ್ಲೆಗ್ ಮಾನಾದಿಗೆ ನಡಪುಂಡ್.
ಪರಿಸರದ ಸಂಘ- ಸಂಸ್ಥೆಲಾಯಿನ ಮಂಗಳ ಕಲಾ ಸಾಹಿತ್ಯ ವೇದಿಕೆ ಪಕ೯ಳ, ಸರಿಗಮ ಭಾರತಿ ಪರ್ಕಳ, ಗೋಳಿಕಟ್ಟೆ ಫ್ರೆಂಡ್ಸ್ ಪರ್ಕಳ, ರತ್ನ ಸಂಜೀವ ಕಲಾಮಂಡಲಿ ಸರಳೆಬೆಟ್ಟು , ವಿಘ್ನೇಶ್ವರ ಕಲಾಭವನ ಪರ್ಕಳ, ವಿಪಂಚಿ ಕಲಾಬಳಗ ಮಣಿಪಾಲ ಮೊಕ್ಲೆಗ್ ಮಾನಾದಿಗೆ ನಡಪುಂಡ್.. ಸಮಾರಂಭದ ಸಮಾರೋಪ ಭಾಷಣೊನ್ ಪ್ರೊ . ಮುರಳೀಧರ ಉಪಾಧ್ಯ ಹಿರಿಯಡಕ ಮಲ್ಪರೆಗುಲ್ಲೆರ್.
ಸಭಾ ಕಾರ್ಯಕ್ರಮಡ್ ಬೊಕ್ಕ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆದ ಸಹಕಾರಡ್ ಗುರು ವಸಂತಿ ಸಾಂಸ್ಕೃತಿಕ ವೇದಿಕೆ ಮಣಿಪಾಲದ ಕಲಾವಿದೆರೆಡ್ದ್ ‘ಕಾದಿರುವಳು ಶಬರಿ ‘ ಪನ್ಪಿನ ನಾಟಕ ಪ್ರದರ್ಶನ ಆವರೆಗುಂಡ್. ಕಸಾಪ ಅಧ್ಯಕ್ಶ ರವಿರಾಜ್ ಎಚ್ ಪಿ., ತಾಲೂಕು ಗೌರವ ಕಾರ್ಯದರ್ಶಿಲಾಯಿನ ಜನಾರ್ದನ ಕೊಡವೂರು, ಭುವನ ಪ್ರಸಾದ್ ಹೆಗ್ಡೆ, ಜಿಲ್ಲಾ ಸಹ ಕಾರ್ಯದರ್ಶಿ ಮೋಹನ್ ಉಡುಪ ಹಂದಾಡಿ ಪತ್ರಿಕಾ ಗೋಷ್ಠಿಡ್ ಉಪಸ್ಥಿತರಿತ್ತೆರು.
by 