ಕನಕದಾಸ ಅಧ್ಯಯನ ಕೇಂದ್ರ

ಕನಕದಾಸ ಅಧ್ಯಯನ, ಸಂಶೋಧನಾ ಕೇಂದ್ರದ ಸದಸ್ಯೆರಾದ್  ಡಾ. ಕಾತ್ಯಾಯಿನಿ ಕುಂಜಿಬೆಟ್ಟು

ರಾಷ್ಟ್ರೀಯ ಸಂತ ಕವಿ ಕನಕದಾಸ ಅಧ್ಯಯನ ಬೊಕ್ಕ ಸಂಶೋಧನಾ ಕೇಂದ್ರದ ಸದಸ್ಯೆರನ್ನಾದ್ ಉಡುಪಿದ  ಡಾ. ಕಾತ್ಯಾಯಿನಿ ಕುಂಜಿಬೆಟ್ಟು ಮೆರೆನ್  ಸರ್ಕಾರ  ನೇಮಕ ಮಲ್ತುದ್  ಆದೇಶ ಮಲ್ದುಂಡ್..

ಡಾ. ಕಾತ್ಯಾಯಿನಿ ಕುಂಜಿಬೆಟ್ಟು ಮೇರು ಸಾಹಿತ್ಯದ ಕಾವ್ಯ , ಕತೆ, ನಾಟಕ, ವಿಮರ್ಶೆ, ಅಂಕಣ ಬರಹ, ಅನುವಾದ, ಸಂಶೋಧನೆ  ಇಂಚಿತ್ತಿನ ಪ್ರಕಾರಲೆಡ್   ಸುಮಾರು 30ಗುಲಾ ಜಾಸ್ತಿ  ಕೃತಿಕುಲೆನ್  ಪ್ರಕಟ ಮಲ್ತುದೆರ್. ಕಾಯಕಾವ್ಯ, ಅವನು ಹೆಣ್ಣಾಗಬೇಕು, ನಕ್ಷತ್ರ ನಕ್ಕ ರಾತ್ರಿ, ಮುಂತಾದ ಕವನ ಸಂಗ್ರಹೊಲು, ತೊಗಲು ಗೊಂಬೆ ಕಾದಂಬರಿ, ಇರವಿನ ಅರಿವು, ಮೊಗ್ಗಿನ ಮಾತು, ಉಂದು ಮಾತಾ  ಮೆರೆನ ಕೆಲವು ಕೃತಿಕುಲು.

ಕನಕದಾಸೆರೆನ  ಕೀರ್ತನೆಲೆನ್  ಬೊಕ್ಕ  ವಚನಲೆನ್ ತುಳುಕ್  ಅನುವಾದ ಮಲ್ದಿನ  ಮೇರು ಕನಕನ ಕೃತಿಕುಲೆನ್ ಆಧಾರ ಮಲ್ತುದ್  ನಾಟಕಲೆನ್  ಬರೆತೆರ್. ರಾಮಧಾನ್ಯ ಚರಿತೆನ್  ತುಳುಕ್ ಅನುವಾದ ಮಲ್ತುದ್ ಮೂಲದೊಟ್ಟುಗ್  ಪ್ರಕಟ ಮಲ್ದೆರ್ . ಅಯಿಕ್ ಕರ್ನಾಟಕ ಸರ್ಕಾರ ‘ಕನಕ ಯುವ ಪ್ರಶಸ್ತಿ. ನ್  ಕೊರ್ತುಂಡ್..

ಸಾಹಿತ್ಯ ಸಂಸ್ಕೃತಿಗ್  ಮೇರು ಕೊರ್ತಿನ ಕೊಡುಗೆನ್ ಗಮನಿಸಾದ್ ಸರ್ಕಾರ, ಸಾಹಿತ್ಯ ಅಕಾಡೆಮಿ, ನಾಟಕ ಅಕಾಡೆಮಿ ಇನಾಮು ಕೊರ್ದ್ ಮಾನಾದಿಗೆ ಮಲ್ದುಂಡ್.. ಪ್ರಸ್ತುತ ಮೇರು ಉಡುಪಿದ  ಎಂ ಜಿ ಎಂ ಕಾಲೇಜಿಡ್ ಪ್ರಾಧ್ಯಾಪಕರಾದುಲ್ಲೆರ್..