ಮೇಧಾ ನ್ಯಾಚುರಲ್ ಕೋಲಾ ಲೋಕಾರ್ಪಣೆ

ವಿದೇಶಿ ಕಂಪೆನಿಲು ತಯಾರ್ ಮಲ್ಪುನ ಕೋಲ್ಡ್ ಡ್ರಿಂಕ್ಸ್ ಲೆಗ್ ಜೋಕುಲೆನ ಆರೋಗ್ಯ ಹಾಳಾವೊಂದುಂಡ್.ಆ ನಿಟ್ಟುಡ್ ಈ ಮೇಧಾ ನ್ಯಾಚುರಲ್ ಕೋಲಾ ತಯರ್ ಮಲ್ತುದ್ ಜನಕ್ಲೆನ ಆರೋಗ್ಯದ ಬಗೆಟ್ ಕಾಳಜಿ ದೀಯೊಂದ್ ಮಲ್ದಿನ ಈ ಪಾನೀಯ ದೇಶವಿದೇಶೊಡ್ ಪುಗಾರ್ತೆನ್ ಪಡೆಯಡ್ ಪಂಡುದ್ ಉಡುಪಿ ಶಾಸಕೆರಾಯಿನ ಯಶ್ಪಾಲ್ ಸುವರ್ಣ ಪಂಡೆರ್.ಉಡುಪಿ ಅಂಬಾಗಿಲುದ ಅಮ್ರತ್ ಗಾರ್ಡನ್ ಡ್ ನಡತಿನ ಮೇಧಾ ನ್ಯಾಚುರಲ್ ಕೋಲಾ ನ್ ಲೋಕಾರ್ಪಣೆ ಮಲ್ತುದ್ ಕಜ್ಜೊಗ್ ಎಡ್ಡೆಪು ಬಯಕಿಯೆರ್.ಈ ಪೊರ್ತುಡ್ ಶ್ರೀ ರಾಮದಾಸ ಆಶ್ರಮ ಬೆಂಗಳೂರುದ ಶ್ರೀ ಶ್ರೀ ಶ್ರೀ ಶಕ್ತಿ ಶಾಂತಾನಂದ ಮಹರ್ಷಿಲು ಕಜ್ಜೊನ್ ಬೊಲ್ಪು ಅರ್ಲಾದ್ ಉದಿಪನ ಮಲ್ತುದ್ ಆಶೀರ್ವಚನ ಮಲ್ತೆರ್..ಕಜ್ಜೊಡ್ ಮೇಧಾ ನ್ಯಾಚುರಲ್ ಕೋಲಾ ಈ ಕಂಪೆನಿದ ಮಾಲಕೆರಾಯಿನ ಆನಂದ ಶೆಟ್ಟಿ ಅಧ್ಯಕ್ಷತೆಡಿತ್ತೆರ್.ಕೊಡವೂರು ವಾರ್ಡ್ ದ ನಗರ ಸಭಾ ಸದಸ್ಯೆರಾಯಿನ ವಿಜಯ್ ಕೊಡವೂರು ಪ್ರಾಸ್ತಾವಿಕ ಪಾತೆರಿಯೆರ್.ತಾರಾ ಉಮೇಶ್ ಆಚಾರ್ಯ ಕಜ್ಜೊದ ನಿರೂಪಣೆ ಮಲ್ತೆರ್.ಯಶೋದ ಕೇಶವ್ ಸೊಲ್ಮೆ ಸಂದಾಯ್ತ ಮಲ್ತೆರ್.