ನೃತ್ಯ ಸರಣಿಡ್ ಅನ್ವಿತ ತಂತ್ರಿ, ಅರ್ಪಿತ ತಂತ್ರಿ

ಮಹತೋಬಾರ ಶ್ರೀ ಶಂಕರನಾರಾಯಣ ದೇವಸ್ಥಾನ ಬೊಕ್ಕ ನೃತ್ಯನಿಕೇತನ ಕೊಡವೂರು ಸಂಯೋಜನೆದ ಸಾಪ್ತಾಹಿಕ ನೃತ್ಯಸರಣಿ ನೃತ್ಯಶಂಕರ
ಸರಣಿ 50ಡ್ ಕುಮಾರಿ ಅನ್ವಿತ ತಂತ್ರಿ ಬೊಕ್ಕ  ಅರ್ಪಿತ ತಂತ್ರಿ ಸಹೋದರಿಯರೆಡ್ದ್   ಕೊಡವೂರು ದೇವಳದ ವಸಂತ ಮಂಟಪಡ್  ನೃತ್ಯಾರ್ಪಣೆ ಕಾರ್ಯಕ್ರಮ ಅಮೋಘ ಅಭಿನಯದ ಮೂಲಕ ಸಂಪನ್ನ ಆಂಡ್..

ಭರತನಾಟ್ಯಡ್  ಸಮಕಾಲಿನ ನೃತ್ಯದೊಟ್ಟುಗ್ ಪುಗಾರ್ತೆನ್ ಪಡೆಯಿನ ಪ್ರಸ್ತುತಿ ಪೇಕ್ಷಕೆರೆನ್  ಕಡೇಮುಟ್ಟಲಾ  ತೂಪಿಲೆಕ್ಕ ಮಲ್ಪರೆಗ್  ಯಶಸ್ವಿಯಾಂಡ್..
ನೃತ್ಯಶಂಕರ ಸರಣಿ ಮೂಲಕ ಅವ್ವೇತೊ  ಪ್ರತಿಭೆಲೆಗ್ ಶ್ರೀದೇವಳಡ್  ವೇದಿಕೆ ಅವಕಾಶ ಮಲ್ತ್ ಕೊರಿನ ಸಂಯೋಜಕೆರೆನ ಕೆಲಸ ಶ್ಲಾಘನೀಯ.

ಕೊಡವೂರು ನೃತ್ಯನಿಕೇತನದ ವಿದ್ವಾನ್ ಸುಧೀರ್ ರಾವ್ ಕೊಡವೂರು ಬೊಕ್ಕ  ವಿದುಷಿ ಮಾನಸಿ ಸುಧೀರ್ ಶಿಷ್ಯೆರಾಯಿನ  ಈ ಸಹೋದರಿಯೆರು ವೇದಮೂರ್ತಿ ತೊಟ್ಟಂ ಮಧುಸೂದನ ತಂತ್ರಿ ಬೊಕ್ಕ  ಅಕ್ಷತಾ ತಂತ್ರಿಲೆನ ಮೋಕೆದ ಕುವರಿಯೆರು.

ಭರವಸೆದ  ಜೋಕುಲು: ಪ್ರಾಥಮಿಕ ಬೊಕ್ಕ  ಪ್ರೌಢ ಶಿಕ್ಷಣನ್ ಮೌಂಟ್ ರೋಸರಿ ಆಂಗ್ಲ ಮಾಧ್ಯಮ ಶಾಲೆಡ್, ಪದವಿ ಪೂರ್ವ ಶಿಕ್ಷಣನ್ ಎಂಜಿಎಂ ಕಾಲೇಜಿಡ್ ಪೂರೈಸಾದ್ ಪ್ರಸ್ತುತ ಅನ್ವಿತ ದ್ವಿತೀಯ ಬಿ ಎಸ್ಸಿ ಪದವಿನ್  ಎಂಜಿಎಂ ಕಾಲೇಜಿಡ್  ಮಲ್ತೊಂದುಲ್ಲೆರ್.ಅರ್ಪಿತ ದ್ವಿತೀಯ ಪಿಯುಸಿನ್  ಅತ್ಯುತ್ತಮ ಶ್ರೇಣಿಡ್  ಮುಗಿತುದೆರ್.

ತಂತ್ರಿ ಸಹೋದರಿಯೆರು ನೃತ್ಯನಿಕೇತನ ಕೊಡವೂರು ಸಂಸ್ಥೆಡ್  ಕರಿನ  15 ವರುಷಡಿಂಚಿ  ಭರತನಾಟ್ಯ ಅಭ್ಯಾಸನ್ ಮಲ್ತುದ್  ವಿದ್ವತ್ ಅಂತಿಮ ಬೊಕ್ಕ ಪೂರ್ವ ಪರೀಕ್ಷೆಲೆಗ್  ತಯಾರಿ ಮಲ್ತೊಂದುಲ್ಲೆರ್.. ಮೊಕುಲು ಸಂಸ್ಥೆದ  ಮಳೆ ಬಂತು ಮಳೆ, ಚಿತ್ರಾ, ಶ್ರೀನಿವಾಸ ಕಲ್ಯಾಣ, ನಾರಸಿಂಹ ಇಂಚ  ನೃತ್ಯ ರೂಪಕ, ನೃತ್ಯ ನಾಟಕಲೆಡ್  ಪಾಲ್ ಪಡೆದ್  ಮಸ್ತ್  ನೃತ್ಯ ಪ್ರದರ್ಶನಲೆನ್ ಕೊರ್ತೆರ್..

ವಿದ್ವಾನ್ ಭವಾನಿಶಂಕರ್ ನಿರ್ದೇಶನದ ಮೈಮೆದ ಬಬ್ಬು  ತುಳು ನೃತ್ಯ ರೂಪಕಡುಲಾ  ಅಭಿನಯ ಮಲ್ದೆರ್.. ಕರಾವಳಿದ  ಗಂಡು ಕಲೆ ಯಕ್ಷಗಾನದ ಬಡಗು ಬೊಕ್ಕ ತೆಂಕುತಿಟ್ಟುದ  ಯಕ್ಷಗಾನ ಕಲಿಕೆಡುಲಾ ತಂಕ್ಲೃನ ಚಾತುರ್ಪುನ್  ಮೂಡಿಸಾದ್ , ಬಡಾನಿಡಿಯೂರು ಕೇಶವ ರಾವ್ ಅರೆನ  ಸನ್ಯಾಸಿ ಮಠ ಮಕ್ಕಳ ಮೇಳ ಬೊಕ್ಕ ಯಕ್ಷಗಾನ ಕೇಂದ್ರದ ಗುರುಕುಲಾಯಿನ ಸುಬ್ರಹ್ಮಣ್ಯ ಭಟ್, ಶೈಲೇಶ್ ತೀರ್ಥಹಳ್ಳಿ, ಕೃಷ್ಣಮೂರ್ತಿ ಭಟ್   ಮೊಕ್ಲೆಡ ಬಡಗುತಿಟ್ಟು ಯಕ್ಷಗಾನ ಕಲ್ತುದ್ ರುಕ್ಮಿಣಿ, ಮದನಾಕ್ಷಿ, ರಂಭೆ, ಈಶ್ವರ, ಕಂಸ, ರುಚಿಮತಿ, ಮಾಲಿನಿ, ಅರ್ಜುನ, ಅಭಿಮನ್ಯು, ಮೈಂದ, ಗರುಡ, ಹನುಮಂತ, ರಾವಣ, ಧರ್ಮರಾಯ ಇಂಚ   ಪ್ರಮುಖ ಪಾತ್ರಲೆಗ್  ಜೀವ ಕೊರ್ತೆರ್.. ಅಂಚೆನೇ  ತೆಂಕುತಿಟ್ಟುಡ್  ಯಕ್ಷಗಾನಡುಲಾ ಪ್ರದ್ಯುಮ್ನ, ಯವನಾಶ್ವ, ಲಕ್ಷ್ಮಣ ಪಾತ್ರಗಳೂ ಕೂಡ ಗುರುಗಳಾದ ರಾಕೇಶ್ ರೈ ಅಡ್ಕ ರೆನ ನೇತೃತ್ವಡ್ ಅಭಿನಯ ಮಲ್ದೆರ್.

ಯಕ್ಷಗಾನ ಮುಮ್ಮೇಳ ಮಾತ್ರ ಅತ್ತಾವಂದೆ  ಹಿಮ್ಮೇಳದ ರುಚಿನ್  ಸವಿಯರೆಗ್  ಮದ್ದಳೆ  ಬೊಕ್ಕ  ಚೆಂಡೆನ್ ನೆಕ್ಕರೆಮೂಲೆ ಗಣೇಶ್ ಭಟ್ ಮೆರೆಡ,, ಭಾಗವತಿಕೆನ್ ಪುಂಡಿಕೈ ಗೋಪಾಲಕೃಷ್ಣ ಭಟ್ ರೆಡ  ಅಭ್ಯಾಸ ಮಲ್ದೆರ್.. ಜಾನಪದ ಕ್ಷೇತ್ರಡ್ ಗುರು ಹೇಮಂತ್ ರೆಡ  ಕಲಾಮಯಂ ಸಂಸ್ಥೆಡುಲಾ  ತರಬೇತಿ ಪಡೆತುದೆರ್..

ಪೊಣ್ಣು ಜೋಕುಳು ತಮ್ಮ ರಕ್ಷಣೆನ್  ತಂಕುಲೇ ಮಲ್ತೊನರೆಗ್   ಗುರುಕುಲಾಯಿನ  ದಿ| ನಿತ್ಯಾನಂದ ಕೆಮ್ಮಣ್ಣು  ರೆಡ  ತರಬೇತಿ ಪಡೆತುದು ರಾಜ್ಯಮಟ್ಟದ ಬುಡೊಕಾನ್ ಕರಾಟೆ ಚಾಂಪಿಯನ್ ಶಿಪ್ ಡ್ ಪಾಲ್ ಪಡೆದ್  ಸುರುತ ಇನಾಮು  ಅನ್ವಿತ ಪಡೆದೆರ್.. ಪಾಶ್ಚಾತ್ಯ ನೃತ್ಯದ ಒಲವುಡ್ ಗುರು  ಪ್ರವೀಣ್, ಅಶೋಕ್, ಶ್ರೀನಿವಾಸ್ ರೆಡ್ದ್  ಚಿಗುರೊಡೆತುದು ಕೆಲವ್  ಸ್ಪರ್ಧೆಲೆಡ್  ಭಾಗವಹಿಸಾದ್  ಬಹುಮಾನ ಪಡೆದೆರ್..

ಚಿತ್ರಕಲೆ, ಆಟೋಟ ಸ್ಪರ್ಧೆಡುಲಾ ಲ್ಲೂ ದುಂಬುಲ್ಲೆರ್. ಗೈಡ್ಸ್ ತರಬೇತಿ  ಪಡೆದು ರಾಜ್ಯಪುರಸ್ಕಾರ ಪಡೆದೆರ್.. ಸಂಗೀತ ಅಭ್ಯಾಸನ್  ಗುರುಕುಲಾಯಿನ  ಉಷಾ ಹೆಬ್ಬಾರ್ ರೆಡ  ಅಭ್ಯಾಸ ಮಲ್ತುದೆರ್.. ಅರ್ಪಿತಾ ಈಜು ತರಬೇತಿಲಾ  ಪಡೆದೆರ್.. ಎನ್ ಸಿ ಸಿ ಸ್ವಯಂ ಸೇವಕಿಯೆರಾದ್ ಬಿ  ಬೊಕ್ಕ  ಸಿ ಸರ್ಟಿಫಿಕೇಟ್ ಡ್  ಎ ಗ್ರೇಡ್ ಪಡೆದೆರ್.. ಅನ್ವಿತ ಥಲ್ ಸೇನಾ ಶಿಬಿರಡ್  ಭಾಗವಹಿಸಾದ್  ದೆಹಲಿಡ್  ಕರ್ನಾಟಕ  ಬೊಕ್ಕ  ಗೋವಾನ್  ಪ್ರತಿನಿಧಿಸಾದೆರ್. ರಾಷ್ಟ್ರೀಯ ಸೇವಾಯೋಜನೆದ ನೇತೃತ್ವಡ್  ದೆಹಲಿಡ್  ನಡತಿನ  ಗಣರಾಜ್ಯೋತ್ಸವದ ಪಥಸಂಚಲನಡ್  ಪಾಲ್ ಪಡೆದೆರ್..