ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ಉಡುಪಿ ವತಿಡ್ದ್ ವಿಶ್ವ ಪರಿಸರ ದಿನಾಚರಣೆ ಅಂಗವಾದ್ ಎಬಿವಿಪಿ ರಾಷ್ಟ್ರಾದ್ಯಂತ ಆಯೋಜನೆ ಮಲ್ದಿನ ಆಕ್ಸಿಜನ್ ಚಾಲೆಂಜ್ ಅಭಿಯಾನ ಕಾರ್ಯಕ್ರಮನ್ ಜೆಲ್ಲೆದ ಬೇತೆ ಬೇತೆ ಹಾಸ್ಟೆಲ್ ಲೆಡ್ ವಿಶೇಷವಾದ್ ಆಚರಣೆ ಮಲ್ತೆರ್.
ಕೋವಿಡ್-19 ದೇಶಾದ್ಯಂತ ವ್ಯಾಪಕವಾಯಿನ ಸಂದರ್ಭಡ್ ಆಕ್ಸಿಜನ್ ಸಿಲಿಂಡರ್ ಕೊರತೆ ಉಂಡು. ಬೊಕ್ಕ ಅಯಿತ್ತ ಮಹತ್ವನ್ ಸ್ಪಷ್ಟವಾದ್ ತೂತ. ಆ ಒಂಜಿ ಸಂದರ್ಭಡ್ ಎಬಿವಿಪಿ ಕಾರ್ಯಕರ್ತೆರು ತಮ್ಮ ಪರಿಸರಡ್ ದಯಿಲೆನ್ ನಡುದ್ ಸಾಮಾಜಿಕ ಜಾಲತಾಣದ ಮೂಲಕ ಆಕ್ಸಿಜನ್ ಚಾಲೆಂಜ್ ಅಭಿಯಾನನ್ ಮಲ್ದಿತ್ತುಂಡ್. ಒರಿ ವಿದ್ಯಾರ್ಥಿ ಗಿಡನ್ ನಡ್ದ್ ಕುಡೊರಿಯಗ್ ಪ್ರೇರೇಪಣೆ ಮಲ್ತುದ್ ಆಯೋಜನೆ ಮಲ್ದಿನ ವಿಶಿಷ್ಟ ಅಭಿಯಾನನ್ ಇನಿಕುಲಾ ಎಬಿವಿಪಿ ದೇಶಾದ್ಯಂತ ದುಂಬರಿತೊಂದ್ ಬರೊಂದುಂಡ್.
ಎಬಿವಿಪಿ ಉಡುಪಿ ವತಿಡ್ದ್ ಬಲೈಪಾದೆ, ಮಂಚಿ, ಹಿರಿಯಡ್ಕ, ಹೆಬ್ರಿ, ಬನ್ನಂಜೆ ಸೇರಿದಂತೆ ಅನೇಕ ಹಾಸ್ಟೆಲ್ ಲೆಡ್ ಕಾರ್ಯಕ್ರಮನ್ ಮಲ್ದುಂಡ್. ಬೇತೆ ಬೇತೆ ಕಡೆಟ್ ನಡತಿನ ಈ ಕಾರ್ಯಕ್ರಮಡ್ ಎಬಿವಿಪಿ ಜಿಲ್ಲಾ ಸಂಚಾಲಕ ಗಣೇಶ್ ಪೂಜಾರಿ, ತಾಲೂಕು ಸಂಚಾಲಕ ಅಜಿತ್ ಜೋಗಿ, ನಗರ ಕಾರ್ಯದರ್ಶಿ ಶ್ರೀವತ್ಸ, ಸಹ ಕಾರ್ಯದರ್ಶಿ ಕಾರ್ತಿಕ್, ರಾಜ್ಯ ಕಾರ್ಯಕಾರಿಣಿ ಸದಸ್ಯೆ ಸಂಹಿತಾ, ಬೊಕ್ಕ ಪ್ರಮುಖೆರಾಯಿನ ನವೀನ್, ಸ್ವಸ್ತಿಕ್, ಮನು, ಅನಂತಕೃಷ್ಣ, ಪ್ರಶ್ಮಾ, ರಕ್ಷಿತಾ ಸೇರಿನಂಚ ಕೆಲವ್ ಜನ ಪಾಲ್ ಪಡೆಯೆರು.
by 