ಪರಿಸರ ದಿನಾಚರಣೆ

ಫಲ ಕೊರ್ಪಿನ  ಗಿಡಕುಲೆನ್  ನಡ್ಪುನ ಮೂಲಕ ಪರಿಸರ ದಿನಾಚರಣೆ

ನಮ್ಮ ಮನೆ ನಮ್ಮ ಮರ ತಂಡ, ಕನ್ನಡ ಸಾಹಿತ್ಯ ಪರಿಷತ್ ಉಡುಪಿ ಜಿಲ್ಲೆ ಉಡುಪಿ ತಾಲೂಕು, ಎಂ.ಐ .ಟಿ ಯ ಎನ್.ಎಸ್.ಎಸ್ ವಿಭಾಗದ ವತಿಡ್ದ್  ಉಡುಪಿ ಜಿಲ್ಲಾ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಪ್ರಗತಿನಗರದ ಆವರಣಡ್  ಪರಿಸರ ದಿನಾಚರಣೆದ  ಅಂಗವಾದ್ ಫಲ ಕೊರ್ಪಿನ  ಸಸಿ  ನಡ್ಪುನ  ಕಾಯ೯ಕ್ರಮ ಜೂನ್ 4 ಗ್  ನಡತುಂಡ್.
ಕಾಯ೯ಕ್ರಮನ್  ಉದ್ದೇಶಿಸಾದ್  ಪಾತೆರಿನ  ಖ್ಯಾತ ಉರಗ ತಜ್ಞ ಗುರುರಾಜ್ ಸನಿಲ್ ನಮ್ಮ ಹಿರಿಯೆರು ಪ್ರಕೃತಿಗ್ ಅಪಾರ ಕೊಡುಗೆ ಕೊರ್ತೆರು, ನಾಗಬನದ ಮೂಲಕ ಪರಿಸರ ಒರಿಪಾವುನ  ಕಾಯ೯ ನಿರಂತರ ಮಲ್ತೊಂದಿತ್ತೆರು. ಆಂಡ ಇನಿ  ಬೇತೆ ಕಾರಣೊಲೆನ್ ಕೊರ್ದ್  ಪರಿಸರ ನಾಶ ಮಲ್ಪುನವ್  ದುರದೃಷ್ಟ . ನಮ ಮಾತೆರ್ಲ  ಹೆಚ್ಚ  ಹೆಚ್ಚ  ಗಿಡ ನಡ್ದ್  ಪಾಲನೆ ಮಲ್ಪೊಡ್ ಪಂಡುದ್   ಲೆಪ್ಪು  ಕೊರಿಯೆರು.
ಕನ್ನಡ ಬೊಕ್ಕ  ಸಂಸ್ಕೃತಿ ಇಲಾಖೆದ  ನಿರ್ದೇಶಕಿ ಪೂರ್ಣಿಮಾ ಪಾತೆರ್ದ್   ನಮ್ಮ ಇಲಾಖೆದ  ಆವರಣಡ್  ಗಿಡ ನಡ್ಪುನವ್ ಮಸ್ತ್  ಖುಷಿ . ಉಂದೆನ್  ಪಾಲನೆ ಮಲ್ಪುನ  ನಮ್ಮ ಮಾತೆರೆನ  ಕರ್ತವ್ಯ. ದುಂಬುದ  ದಿನಕ್ಲೆಡ್  ನನಲಾತ್  ಗಿಡಕುಲೆನ್  ಈ ಪರಿಸರಡ್  ನಡ್ಪ  ಪಂಡೆರು.
ಎಂ.ಐ.ಟಿ ಮಣಿಪಾಲದ ನಿದೇ೯ಶಕ ಕಾಂ. ಅನಿಲ್ ರಾಣಾ ಶುಭ ಹಾರೈಸಿಯೆರು.ಈ ಸಂದಭ೯ಡ್  ಬೇತೆ ಬೇತೆ  ಫಲಕೊರ್ಪಿನ  ಗಿಡಕುಲೆನ್ ನಡಿಯೆರ್. ಕಾಯ೯ಕ್ರಮಡ್
ಎಂ.ಐ.ಟಿ ಮಣಿಪಾಲದ ಜಂಟಿ ನಿದೇ೯ಶಕ ಡಾ| ಸೋಮಶೇಖರ್ ಭಟ್, ಭದ್ರತಾ ಅಧಿಕಾರಿ ರತ್ನಾಕರ ಸಾಮಂತ್, ಪ್ರಬಂಧಕ ರಾಮದಾಸ್’ ಎನ್.ಎಸ್.ಎಸ್ ಕಾಯ೯ಕ್ರಮ ಅಧಿಕಾರಿ ಪ್ರೊ.ಬಾಲಕೃಷ್ಣ ಮದ್ದೋಡಿ, ನಮ್ಮ ಮನೆ ನಮ್ಮ ಮರ ತಂಡದ ಅವಿನಾಶ್ ಕಾಮತ್, ಕಸಾಪ ತಾಲೂಕು ಅಧ್ಯಕ್ಷ ರವಿರಾಜ್ ಹೆಚ್.ಪಿ, ಸಂಸ್ಕೃತಿ ವಿಶ್ವ ಪ್ರತಿಷ್ಟಾನದ ಗೌರವಾಧ್ಯಕ್ಲ ವಿಶ್ವನಾಥ್ ಶೆಣಿೈ, ಅಧ್ಯಕ್ಷರಾಯಿನ  ಪ್ರೊ.ಶಂಕರ್, ತಾಲೂಕು ಕಸಾಪ ಗೌರವ ಕಾಯ೯ದಶಿ೯
ಜನಾಧ೯ನ್ ಕೊಡವೂರು, ಕಲಾವಿದೆ ಪದ್ಮಾಸಿನಿ ಉದ್ಯಾವರ ಮೊಕುಲು ಇತ್ತೆರು. ಕ ಸಾ ಪ ಸಂಘಟನಾ ಕಾರ್ಯದರ್ಶಿ, ರಾಘವೇಂದ್ರ ಪ್ರಭು ಕರ್ವಾಲು ಕಾರ್ಯಕ್ರಮ ನಿರೂಪಣೆ ಮಲ್ತೆರು.