ರೇಡಿಯೋ ಮಣಿಪಾಲ್ ಆ್ಯಪ್ ಲೋಕಾರ್ಪಣೆ ಬೊಕ್ಕ ದೇಶಭಕ್ತಿ ಗೀತೆ ಪಂತೊದ ಇನಾಮು ಪಟ್ಟುನ ಲೇಸ್..

ಸಮುದಾಯ ಬಾನಲಿ ಕೇಂದ್ರೊಲೆನ ಮುಖೇನ ನಮ್ಮ ಸುತ್ತಮುತ್ತಡಿತ್ತಿನ ಜನಕ್ಲೆಗ್ ತಿಳುವಳಿಕೆ ಮೂಡಿಸಾವುನ ಕೆಲಸ ಆವೊಡ್. ಅತ್ತಾವಂದೆ ಸ್ಥಳೀಯ ಪ್ರತಿಭಾನ್ವಿತರೆಗ್ ಅವಕಾಶ ಸಿಕ್ಕುಲೆಕ್ಕ ಆವೊಡ್ ಪಂಡುದ್ ಮಾಹೆ ವಿಶ್ವವಿದ್ಯಾನಿಲಯದ ಸಹಕುಲಾಧಿಪತಿ ಡಾಕ್ಟರ್ ಹೆಚ್ ಎಸ್ ಬಲ್ಲಾಳ್ ಪಂಡೆರ್. ಮಣಿಪಾಲ ಅಕಾಡೆಮಿ ಆಫ್ ಜನರಲ್ ಎಜುಕೇಶನ್, ಮಾಹೆ, ಮಣಿಪಾಲ್ ಇನ್ಸ್ಟಿಟ್ಯೂಟ್ ಆಫ್ ಕಮ್ಯುನಿಕೇಷನ್ ಬೊಕ್ಕ ರೇಡಿಯೋ ಮಣಿಪಾಲ್ ಇಂಚಪ್ಪೊಗ್ ಎಂ.ಐ.ಸಿಡ್ ಅಯೋಜನೆ ಮಲ್ದಿನ ರೇಡಿಯೋ ಮಣಿಪಾಲ್ ಆ್ಯಪ್ ಲೋಕಾರ್ಪಣೆ ಬೊಕ್ಕ ದೇಶಭಕ್ತಿ ಗೀತೆ ಸಮೂಹ ಗಾಯನ ಪಂತೊಡ್ ಗೆಂದಿನಕ್ಲೆಗ್ ಇನಾಮು ಕೊರ್ದ್ ಆರು ಪಾತೆರಿಯೆರು. ಯುವ ಜನತೆ ಜೋಕುಲು ಸಮುದಾಯ ಬಾನುಲಿದ ಪ್ರಯೋಜನನ್ ಪಡೆತೊನೊನುಡ್ ಪಂತೊಡ್ ಗೆಂದುನ ಮುಖ್ಯ ಅತ್ತ್ ಪಾಲ್ ಪಡೆಯುನ ಮುಖ್ಯ . ದೇಶಾಭಿಮಾನ ಮೂಡಿಸಾವುನ ಮುಖೇನ ಸ್ವಸ್ಥ ಸಮಾಜ ನಿರ್ಮಾಣ ಆವೊಡ್. ಈ ನಿಟ್ಟುಡ್ ಮಣಿಪಾಲ ಸಮೂಹ ಸಂಸ್ಥೆಲು ಶೈಕ್ಷಣಿಕ ಆರೋಗ್ಯ ಕ್ಷೇತ್ರೊಡ್ ಬೇತೆ ಬೇತೆ ರೀತಿದ ಕೊಡುಗೆ ಕೊರೊಂದುಂಡ್ ಪಂಡೆರು. ರೇಡಿಯೋ ಮಣಿಪಾಲದ ಸಹಾಯಕ ಪ್ರಾಧ್ಯಾಪಕೆರು ಬೊಕ್ಕ ಸಂಯೋಜಕೆರಾಯಿನ ಡಾ. ರಶ್ಮಿ ಅಮ್ಮೆಂಬಳ ಪಾತೆರ್ದ್ ರೇಡಿಯೋ ಮಣಿಪಾಲ ಆಪ್ ಮೂಲಕ ಸಮುದಾಯದ ಸಹಕಾರದೊಟ್ಟುಗ್ ನಿರ್ಮಾಣ ಆವೊಂದುಪ್ಪುನ ರೇಡಿಯೋ ಮಣಿಪಾಲದ ಕಾರ್ಯಕ್ರಮೊಲು ಜಗತ್ತಿನಾದ್ಯಂತ ಕೇನರೆಗ್ ‘ರೇಡಿಯೋ ಮಣಿಪಾಲ್ ಆಪ್” ಸಹಕಾರಿ . ಉಂದು ಆಂಡ್ರಾಯ್ಡ್ ಬೊಕ್ಕ ಐಫೋನ್ ಲೆಡ್ ಲಭ್ಯ ಪಂಡೆರ್. ಮಾಧ್ಯಮ ಅಧ್ಯಯನ ವಿಭಾಗದ ಮುಖ್ಯಸ್ಥೆ ಶುಭ ಎಚ್ಎಸ್ ಸ್ವಾಗತ ಮಲ್ತೆರು. ಕಾರ್ಯಕ್ರಮ ನಿರ್ಮಾಣ ಸಹಾಯಕೆರಾಯಿನ ಮಂಜುನಾಥ್ ಹಿಲಿಯಾಣ ವಂದಿಸಾಯೆರ್ . ವಿದ್ಯಾರ್ಥಿನಿ ಲೆರಿಸ ಡಿ’ಸೋಜ ನಿರೂಪಣೆ ಮಲ್ತೆರ್..