ರಾಗವಾಹಿನಿ

ಉಡುಪಿ ಪರಿಸರದ ಉದಯೋನ್ಮುಖ ಕಲಾವಿದರೆಡ್ ಸೂಪ್ತ ವಾದುಪ್ಪುನ ಪ್ರತಿಭೆನ್  ಗುರುತಿಸಾವುನ ಬೊಕ್ಕ ಸಂಗೀತದ ಅಭಿರುಚಿನ್  ಬುಲೆಪಾವರೆಗ್  ಇಂಚಿನ ಶಿಬಿರಲೆಡ್  ಪಾಲ್ ಪಡೆಯಿನಪಗ ಅಕ್ಲೆನ ಸಾಮರ್ಥ್ಯದ ಅರಿವು ಆಪುಂಡ್ ಪಂಡುದ್ ನೂತನ್ ಕ್ರೆಡಿಟ್ ಕೋ ಆಪರೇಟಿವ್ ಸೊಸೈಟಿದ  ಮಹಾ ಪ್ರಬಂಧಕೆರಾಯಿನ  ಶ್ರೀ ಗಣೇಶ್ ಸೇರಿಗಾರ್ ಪಂಡೆರು.
ಆರು ರಾಗ ವಾಹಿನಿ (ರಿ.)ಸಂಸ್ಥೆ ಮಲ್ಪೆ ಬೊಕ್ಕ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಉಡುಪಿದ ಸಹಯೋಗದೊಟ್ಟುಗ್ ನಡತಿನ ಸುಗಮ ಸಂಗೀತ ಕಾರ್ಯಾ ಗಾರಡ್  ಶಿಬಿರಾರ್ಥಿಲೆಗ್  ಲೆಪ್ಪು ಕೊರಿಯೆರು. ಕಾರ್ಯಕ್ರಮದ ಅಧ್ಯಕ್ಷತೆಡಿತ್ತಿನ  ಬಿಲ್ಲವ ಸಮಾಜ ಸೇವಾ ಸಂಘ ಬನ್ನಂಜೆದಸ ಅಧ್ಯಕ್ಷೆರಾಯಿನ ಶ್ರೀ ಮಾಧವ ಬನ್ನಂಜೆ ಮೇರು ಟಿವಿ, ಮೊಬೈಲ್ ದ ಗೀಳಿಗೆ ಇನಿತ ಯುವ ಜನತೆ ತೊಡಗಿಸಾವುನೆಡ್ದ್  ಇಂಚಿನ ಕಾರ್ಯಾಗಾರದ ಸದುಪಯೋಗ ಪಡೆತೊನೊಡು ಪಂಡೆರು.
ಶಿಬಿರಾರ್ಥಿಲೆಗ್ ಉಡುಪಿ ಜಿಲ್ಲೆದ  ಪ್ರಸಿದ್ಧ ಸಂಗೀತ ಕಲಾವಿದೆರಾಯಿನ ಡಾ. ಗಣೇಶ್ ಗಂಗೊಳ್ಳಿ ಬೊಕ್ಕ ಶಂಕರ್ ದಾಸ್ ಚೆಂಡ್ಕಳ ಮೊಕುಲು ಸಂಗೀತ ವಾದ್ಯದ ಪರಿಕರ ದೊಟ್ಟುಗ್ ತರಬೇತಿ ಕೊರಿಯೆರು. ವೇದಿಕೆಡ್ ರಾಗವಾಹಿನಿ (ರಿ.) ಸಂಸ್ಥೆದ ಅಧ್ಯಕ್ಷೆರಾಯಿನ ಸರೋಜ ರೋಹಿತ್ ಬೊಕ್ಕ  ಕಾರ್ಯದರ್ಶಿ ರೋಹಿತ್ ಮಲ್ಪೆ ಉಪಸ್ಥಿತರಿತ್ತೆರು.ಉಪ್ಪುರು ಭಾಗ್ಯಲಕ್ಶ್ಮೀ ಕಾರ್ಯಕ್ರಮ ನಿರೂಪಣೆ ಮಲ್ತೆರು. ದಯಾನಂದ ಡಿ ಕಿದಿಯೂರು ಸೊಲ್ಮೆ ಸಂದಾಯ್ತ ಮಲ್ತೆರು.